Matta 5:3 - Мукаддес Китап

³ «Рухы гарыплар багтлыдыр, чүнки Гөгүң Шалыгы оларыңкыдыр.

Mukaddes Kitap

³ «Ruhy garyplar bagtlydyr, çünki Gögüň Şalygy olaryňkydyr.

Matta 5:3 ပူးပေါင်းရင်းမြစ်များ

2 Йыл язгылары 33:12

Манаша мушакгат ичинде өз Худайы Реббе ялбарып, ата-бабаларының Худайының өңүнде өзүни гаты кичелтди.

2 Йыл язгылары 33:19

Манашаның дилеги ве онуң дилегиниң җогабы, онуң әхли гүнәлери, бивепалыгы барада гөргүрлериң тарых китабында языландыр. Шейле-де бу китапда Манаша өзүни Худайың өңүнде песелтмезден өң гуран сеждегәхлери, Ашера ве бейлекилере дикен бутлары барада языландыр.

2 Йыл язгылары 33:23

Какасы Манашаның өзүни Реббиң өңүнде песелдиши ялы, Амон өзүни Реббиң өңүнде песелтмән, гайтам көпден-көп гүнә этди.

2 Йыл язгылары 34:27

„Мениң бу ере ве онуң илатына гаршы айдан сөзлерими эшидениңден соң, сениң йүрегиң юмшады. Өзүңи Худайың өңүнде кичелтдиң, якаңы йыртып, хузурымда дады-перят этдиң. Шонуң үчин хем Мен сениң дилегиңи эшитдим. Муны Мен – Реб айдяндырын.

Eýýup 42:6

Мунуң үчин өзүми йигренип, башымдан гумдур күл совруп тоба эдйәрин».

Zebur 1:1

Реббиң канунындан леззет алян, гиҗе-гүндиз шол барада ойланян багтлыдыр! Ол эрбетлериң маслахатына гитмейәр, гүнәкәрлериң ёлундан йөремейәр, яңсылайҗыларың арасында отурмаяр.

Zebur 112:1

Реббе шан-шөхрат болсун! Эй, Реббе хызмат эдйәнлер, шөхратландырың, Реббиң адына шан-шөхрат болсун!

Zebur 128:1

«Маңа яшлыгымдан бәри көп хүҗүм этдилер – – дийип, инди Ысрайыл айтсын. –

Zebur 146:5

Реббимиз бейикдир, кувваты көпдүр, пайхасының хич чәги ёкдур.

Zebur 2:12

Оглы өпүң, ёгса ол газаба мүнер, сиз хем хеләк боларсыңыз өз ёлуңызда, чүнки тиз туташяр онуң газабы. Оны пена эдинйәнлериң әхлиси багтлы.

Zebur 34:18

Мен улы йыгнакда Саңа шүкүр эдерин, көп санлы халкың арасында Сени шөхратландырарын.

Zebur 41:1

Саз ёлбашчысына. Кораның несиллериниң маскили.

Zebur 84:12

Вепадарлык ерден гөгерер, догрулык-да асмандан гарар.

Süleýmanyň pähimleri 16:19

Текепбирлер билен олҗа пайлашандан, кичигөвүнли гарыпларың арасында болмак говы.

Süleýmanyň pähimleri 29:23

Адамың текепбирлиги оны песелдйәндир, песгөвүнли адам болса хормат газаняндыр.

Süleýmanyň pähimleri 8:32

Инди, огулларым, мени диңләң! Мениң ёлумы тутянлар нәхили багтлы!

Işaýa 30:18

Реб сизе мерхемет этҗек болуп гарашяр, ёкарда сизе рехим этмәге хәзир, чүнки Реб адалат Худайыдыр; Оңа интизарлар нәхили багтлы!

Işaýa 57:15

Бейик хем белент Болан, эбеди Яшаян, ады Мукаддес Болан шейле диййәр: «Мен бейик, мукаддес ерде яшаярын, песгөвүнлилериң рухуны җанландырмак үчин, эзиленлериң йүреклерини җанландырмак үчин, эзиленлер ве кичигөвүнлилер билен биледирин.

Işaýa 61:1

Хөкмүрован Реббиң Рухы үстүмдедир. Гарыплара хош хабары билдирмегим үчин, Ол мени сечип-сайлады; гөвни сыныклара шыпа бермәге, туссаглара азатлыгы ыглан этмәге, зындандакылары бошатмага иберди мени.

Işaýa 66:2

Өз элим яратды буларың барын, хеммеси-де Мениңкидир! Йөне Мен кичигөвүнлә, рухы сыныга, сөзүме титрейәне назар саларын». Муны Реб айдяндыр.

Mika 6:8

Эй, адамзат, Реб ягшының нәмедигини саңа билдирди. Адалаты берҗай этмекден, мерхемети сөймекден, Худайыңызың өңүнде кичи гөвүнли гезмекден башга Реб сизден нәме талап эдйәр?

Matta 11:25

Шол вагт Иса сөзүни довам эдип, шейле дийди: «Эй, Атам, ериң ве гөгүң Хөкүмдары! Бу затлары акылдарлардан, дүшүнҗелилерден яшырып, чагалара аян эдениң үчин Саңа шүкүр эдйәрин!

Matta 11:6

Менден йүз дөндермедик адам багтлыдыр» дийип җогап берди.

Matta 13:16

Эмма сиз нәхили багтлы! Себәби гөзлериңиз гөрйәр, гулакларыңыз эшидйәр.

Matta 19:14

Иса болса: «Чагалары Мениң яныма гойбериң, олары сакламаң, себәби Гөгүң Шалыгы шулар ялыларыңкыдыр» дийди.

Matta 24:46

Хоҗайыны доланып геленде, ишиниң башында гөрен хызматкәри нәхили багтлы!

Matta 25:34

Онсоң Патыша сагындакылара шейле диер: „Эй, Атамың ялканлары! Гелиң-де, дүнйә ярадыландан бәри сизиң үчин тайярланан патышалыгы мирас алың.

Matta 3:2

Ол: «Тоба эдиң, себәби Гөгүң Шалыгы голайлады» диййәрди.

Matta 8:11

Сизе шуны-да айдярын: гүндогардан ве гүнбатардан көп адамлар гелип, Ыбрайым, Ысхак, Якуп билен биле Гөгүң Шалыгында бир сачагың башында отурарлар.

Mark 10:14

Иса муны гөренде, гахары гелди. Ол шәгиртлерине: «Чагалары Мениң яныма гойбериң, олары сакламаң. Худайың Шалыгы шулар ялыларыңкыдыр.

Luka 11:28

Иса болса: «Хава, Худайың сөзүни эшидип, оны берҗай эдйәнлер хас хем багтлыдыр!» дийип җогап берди.

Luka 18:14

Мен сизе фарисейиң дәл-де, салгытчының акланып гидендигини айдярын, себәби ким өзүни ёкары тутса, песелдилер, ким өзүни пес тутса, бейгелдилер».

Luka 22:29

Атамың Мени Патыша беллейши ялы, Мен-де сизи патыша эдип беллейәрин.

Luka 22:30

Сиз Мениң Шалыгымда ийип-ичерсиңиз ве тагтларда отурып, Ысрайылың он ики тиресиниң үстүнден казылык эдерсиңиз».

Luka 4:18

«Реббиң рухы үстүмдедир. Гарыплара Хош Хабары билдирмегим үчин, Ол Мени сечип-сайлады; туссаглара азатлыгы, көрлере гөзүниң ачылҗакдыгыны ыглан этмәге Ол Мени иберди. Зулум астындакылары азатлыга чыкармага, Реббиң мерхемет йылыны җар этмәге Мени иберди».

Ёханна 20:29

Иса оңа: «Сен Мени гөрениң үчин иман этдиң. Гөрмән иман эденлер нәхили багтлы!» дийди.

Kanun taglymaty 8:2

Худайыңыз Реббиң кырк йыллап шу чөлден сизи алып гелен узак ёлуны унутмаң. Ол сизиң йүрегиңизде нәме бардыгыны, Онуң буйрукларыны ерине етирйәндигиңизи я-да ерине етирмейәндигиңизи билмек үчин, сизи Өзүне боюн эгдирип сынага салды.

Ýakup 1:10

Бай болса Худайың назарында өзүниң песпәллиги билен буйсансын. Чүнки байлык отуң гүли дей солуп гидер.

Ýakup 1:12

Сынага чыдаян адам багтлыдыр, себәби ол сынагдан геченден соң, яшайыш тәҗини алар. Худай бу яшайыш тәҗини Оны сөенлере вада берди.

Ýakup 2:5

Гулак асың, эй, сөйгүли доганларым! Худай бу дүнйәде гарыплары имана бай болмаклары үчин сайламадымы? Худай Өзүни сөййәнлере вада берши ялы, гарыплары Шалыгыны мирас алмаклары үчин сайламадымы нәме?

Аянлык 19:9

Онсоң перишде маңа шейле дийди: «Шулары яз: Гузының ника тоюна чагырыланлар багтлыдыр!» Ол сөзүни довам эдип: «Ине, булар Худайың хакыкы сөзлеридир» дийди.

Аянлык 22:14

Өз лыбасларыны ювянлар багтлыдыр! Оларың яшайыш дарагтының мивесинден иймәге, шәхер дервезесинден гирмәге хаклары бардыр.

Аянлык 3:17

Сен: ‘Мен байдырын, баяп, зада зар дәлдирин’ диййәрсиң. Аслында велин налаҗедейин, бетбагт, гедай, көр ве ялаңачдыгыңы билмейәрсиң!