Mark 4:31 - Мукаддес Китап

^31-32 Худайың Шалыгы горчица тохумы ялыдыр. Бу тохум ер йүзүнде экилйән әхли тохумларың иң майдасы болуп, экиленден соң өсүп, әхли өсүмликлерден белент боляр. Ол шейле улы шахалар чыкаряр велин, гушлар көлегесинде хөвүртгеләп билйәрлер» дийди.

Mukaddes Kitap

^31-32 Hudaýyň Şalygy gorçisa tohumy ýalydyr. Bu tohum ýer ýüzünde ekilýän ähli tohumlaryň iň maýdasy bolup, ekilenden soň ösüp, ähli ösümliklerden belent bolýar. Ol şeýle uly şahalar çykarýar welin, guşlar kölegesinde höwürtgeläp bilýärler» diýdi.

Mark 4:31 ပူးပေါင်းရင်းမြစ်များ

Işaýa 53:12

Шонуң үчин Мен оңа бейик адамларың арасындан пай берерин; олҗаны гүйчлүлер билен пайлашар ол, җаныны гурбан этди ол, языклылар билен бир сайылды; ол көплериң гүнәсини өз үстүне алды, оларың языкларының гечилмегини диледи.

Işaýa 53:2

Ол Реббиң өңүнде нәзик майса дек, гуры ердәки көк дей өсди; бизиң оңа середеримиз ялы, онда не шекил, не сырат барды, арзувларымыз ялы кешп ёкды.

Işaýa 60:22

Оларың иң азы уруг болар, гүйчли миллет болар иң эҗизи; Мен – Реб муны өз вагтында тиз амал эдерин.

Işaýa 9:7

Хөкүмдарлыгы дынувсыз өсер, парахатчылыгы түкениксиз болар. Давудың тагтындан бакы беркарар эдер өз патышалыгыны. Патышалыгы адалатлылык хем догрулык билен голдар. Хөкмүрован Реббиң ыхласы билен амала ашар бу.

Закаря 12:8

Реб шол гүн Иерусалимиң халкыны горар. Оларың иң эҗизи Давут ялы болар. Давудың несли Худай ялы, өңе чыкан Реббиң перишдеси ялы болар.

Закаря 2:11

Шол гүн көп халклар Мен-Реббе бил багларлар ве Мениң халкым боларлар. Мен сизиң араңызда мекан тутарын». Шонда яныңыза мени Хөкмүрован Реббиң иберендигини билерсиңиз.

Malaky 1:11

Гүндогардан гүнбатара ченли миллетлер арасында Мениң адым бейик болар! Әхли ерде Мениң адыма якымлы ыслы түтетги якылып, пәк садакалар хөдүрленер. Чүнки миллетлер арасында Мениң адым бейик болар. Муны Хөкмүрован Реб айдяндыр.

Mark 4:30

Иса олара ене-де: «Худайың Шалыгыны нәмә меңзедели? Оны хайсы тымсал билен дүшүндирели?

Luka 17:6

Ол шейле дийди: «Эгер сизиң бир горчица дәнеси ялы иманыңыз болуп, шу тут агаҗына: „Бу ерден гопарыл-да, деңизде гөгер!“ дийсеңиз, ол сизе гулак асар.

Resul 19:20

Шейлеликде, Реббиң Хош Хабары барха яйрап, гүйч-гудраты артярды.

Resul 2:41

Шейлеликде, онуң сөзлерини шатлык билен кабул эденлер сува чүмдүрилди. Шол гүн үч мүңе голай адам иман этди.

Resul 21:20

Олар муны эшидип, Худайы шөхратландырдылар. Соңра Павлуса шейле дийдилер: «Гөрйәңми, доган, яхудыларың арасында мүңлерче иманлы бар. Оларың хеммеси-де Мукаддес Кануна өзлерини йүрекден багыш эденлер.

Resul 4:4

Эмма бу гүррүңлери диңләнлериң энчемеси Иса иман этди. Шонда иман эден эркеклериң саны бәш мүңе етди.

Resul 5:14

Муңа гарамаздан, Реб Иса иман эденлере гошулан эркекдир аялларың саны барха артярды.

Аянлык 11:15

Единҗи перишде сурнайыны чалды. Гөкден: «Дүнйә шалыгы инди Реббимизиң ве Онуң Сайланының шалыгыдыр. Худай асырларбойы шалык сүрҗекдир» – дийип гыгырян батлы сеслер эшидилди.