Malaky 3:8 - Мукаддес Китап

⁸ Хей, ынсан Худайың хакыны иерми? Сиз Мениң хакымы ийдиңиз! Сиз болса: «Биз нәдип Сениң хакыңы ийдик?» диййәрсиңиз. Хасылыңызың ондан бир бөлегини бермекде ве садакаларыңызда ийдиңиз!

Mukaddes Kitap

⁸ Heý, ynsan Hudaýyň hakyny iýermi? Siz Meniň hakymy iýdiňiz! Siz bolsa: «Biz nädip Seniň hakyňy iýdik?» diýýärsiňiz. Hasylyňyzyň ondan bir bölegini bermekde we sadakalaryňyzda iýdiňiz!

Malaky 3:8 ပူးပေါင်းရင်းမြစ်များ

Zebur 29:2

Я Реб, Сени бейгелтҗек, чүнки Сен ёкары мени галдырдың, мени душман гүлкүсине гоймадың.

Süleýmanyň pähimleri 11:24

Бири бар пайлаяндыр, байлыгы болса артяр. Бири бар – гаты гысык, диңе мәтәчлиге говушяр.

Işaýa 43:23

Гоюнларыңызы гетирмедиңиз Маңа якма гурбанлык үчин, гурбанлыкларыңыз билен Мени сыламадыңыз. Садакалары сизе агыр йүк этмедим, якымлы ыслы түтетги билен иризмедим.

Lewiler 19:25

Бәшинҗи йыл велин, сиз мивели агачларың мивесинден ийип билерсиңиз, олар сизе бол миве берер. Худайыңыз Реб Мендирин.

Закаря 5:3

Ол маңа шейле дийди: «Бу бүтин дүнйә сиңйән нәлетдир. Бу кагызың бир тарапында язылышы ялы, огурлык эден согрулып ташланҗакдыр, бейлеки тарапында язылышы ялы болса, яландан ант ичен ковлуп чыкарылҗакдыр.

Malaky 1:13

„Бу нәхили иргинлик!“ дийип, сиз муны әсгермезлик этдиңиз, Хөкмүрован Реб диййәр. Гурбанлык хөкмүнде сиз таланып алнан, агсак я-да кесел мал хөдүрлейәрсиңиз! Мен оны кабул эдерин өйдйәңизми? Муны Реб айдяндыр.

Malaky 1:8

Көр малы гурбанлык этмек дүрсмүдир? Агсак я-да кесел малы гурбанлык этмек эрбетлик дәлми? Шейле малы өз хәкимиңе бир элтип гөр! Ол сенден разы болармыка, хайышыңы ерине етирермикә? Муны Хөкмүрован Реб диййәр.

Matta 22:21

Олар: «Императорыңкы» дийип җогап бердилер. Шонда Иса олара: «Онда императорыңкыны – императора, Худайыңкыны Худая бериң» дийди.

Mark 12:17

Иса олара: «Императорыңкыны – императора, Худайыңкыны Худая бериң» дийди. Олар Оңа хайран галдылар.

Luka 20:25

Ол: «Онда императорыңкыны – императора, Худайыңкыны Худая бериң» дийди.

Rimliler 13:7

Шоңа гөрә-де, хер кесе берилмелисини: салгыт болса – салгыды, гүмрүк болса – гүмрүги, горкы болса – горкыны, хормат болса – хорматы бериң.

Rimliler 2:22

Зына этмезлиги вагыз эдип, нәме үчин зына эдйәрсиң? Бутлары йигренҗи сайян болсаң, нәме үчин Өз Худайыңа гаршы күпүр геплейәрсиң?

Ýeşuwa 7:11

Ысрайыл гүнә иш этди. Олар ёк эдилмели затлардан алып, Мениң олара буйран әхтими боздулар. Олар шол затлардан огурладылар ве ялан сөзләп, олары өз өй гошларының арасында гизләп гойдулар.