Luka 20:16 - Мукаддес Китап

¹⁶ Ол гелип, бу кәрендечилери өлдүрер, үзүмчилиги болса башгалара берер». Халк муны эшидип: «Даш эдеверсин!» дийди.

Mukaddes Kitap

¹⁶ Ol gelip, bu kärendeçileri öldürer, üzümçiligi bolsa başgalara berer». Halk muny eşidip: «Daş edewersin!» diýdi.

Luka 20:16 ပူးပေါင်းရင်းမြစ်များ

Matta 21:34

Хасыл мөвсүми геленде, үзүмиң мивесинден алып гелмек үчин, ол хызматкәрлерини кәрендечилериң янына иберйәр.

Matta 21:41

Олар Иса: «Бу пис адамлары айылганч өлүме сезевар эдер ве үзүмчилигини болса мивесини вагтында өзүне берҗек башга кәрендечилере берер» дийдилер.

Matta 22:7

Шейлеликде, патыша газап донуны геййәр. Ол гошун ёллап, яңкы ганхорлары дерби-дагын эдйәр, шәхерлерини отлаяр.

Mark 12:9

Инди үзүмчилигиң эеси нәме эдер? Ол гелип, бу кәрендечилери өлдүрер-де, үзүмчилиги башгалара берер.

Luka 19:27

Үстлеринден патышалык этмегими ислемейән душманларымы болса, шу ере гетириң-де, гөзүмиң алнында өлдүриң“ дийип җогап берйәр».

Luka 20:15

Шейлеликде, оны үзүмчиликден чыкарып өлдүрйәрлер. Инди үзүмчилигиң эеси булара нәме эдер?

Resul 13:46

Павлус билен Барнап хем батыргайлык билен шейле дийдилер: «Худайың Хош Хабары илки сизе вагыз эдилмелиди. Эмма сиз оны рет этдиңиз! Бу болса сизиң бакы яшайша мынасып дәлдигиңизи субут эдйәр. Шонуң үчин биз кесеки миллетлере йүзленйәрис.

Rimliler 11:1

Инди шуны сорайын: эйсем Худай Өз халкыны рет эдәйдимикә? Элбетде, ёк! Мен-де Ыбрайымың неслинден, бенямин тиресинден болан ысрайылларың биридирин.

Rimliler 11:11

Онда шейле сораг йүзе чыкяр: эйсем яхудылар гайдып галмаз ялы йыкылайдылармыка? Элбетде, ёк! Хава, олар Иса Месихи рет этдилер, йөне оларың бу гүнәси бейлеки миллетлериң халас эдилмегине себәп болды. Бейлеки миллетлериң халас эдилмеги болса яхудыларың габанҗаңлыгыны оярмалыды.

Rimliler 3:31

Онда нәме? Иман аркалы Мусаның Кануныны ятырярысмы? Ёк! Терсине, биз оны беркарар эдйәрис.

Rimliler 3:4

Асла этмез! Адамларың әхлиси бивепа болаянда-да, Худай садыкдыр. Себәби Мукаддес Язгыларда Худай барада шейле язылгыдыр: «Сен чыкаран хөкүмиңде адалатлысың, Казылык эдениңде, үстүн чыкансың».

Rimliler 3:6

Элбетде, ёк! Худай адылдыр. Эгер шейле болмаса, Ол хей-де дүнйә казылык эдип билерми?!

Rimliler 6:15

Инди нәме? Биз инди Кануның ыгтыярында дәл-де, мерхеметиң ыгтыярында дийип, гүнә эдибермелими? Элбетде, ёк!

Rimliler 6:2

Элбетде, ёк! Биз гүнә бабатда өлдүк ахырын. Онсоң ненең эдип гүнә ичинде яшап билерис?

Rimliler 7:13

Онда нәме, оңат зат мениң өлмегиме себәп болайдымы? Элбетде, ёк! Мени оңат буйруклар аркалы гүнә өлдүрди. Гүнәниң хакыкы тебигаты хут шейле аян болмалыды. Шейдип, гүнәниң нәдереҗеде эрбетдиги әшгәр болды.

Rimliler 7:7

Онда нәме, Мусаның Кануны эрбет бир затмы? Элбетде, ёк! Йөне бу Канун болмадык болса, мен гүнәниң нәмедигини-де билмездим. Канун: «Башганың задына гөз дикме» дийип буюрмадык болса, мен мунуң гүнәдигини хем билмездим.

Rimliler 9:14

Муңа нәме диели? Эйсем Худай адалатсызмыдыр? Элбетде, ёк!

1 Korintoslylar 6:15

Эйсем сиз өз бедениңизиң Иса Месихиң бедениниң агзасыдыгыны билмейәрсиңизми? Инди Месихиң агзасыны алып, оны бир лолы билен бирикдирейинми? Асла этмен!

Галатялылар 2:17

Мукаддес Канун бизи, ягны Месих аркалы акланмакчы болянлары хем гүнәли чыкаряр. Онда Месих гүнәниң гуллукчысы болярмы? Ёк, бу дүйбүнден бейле дәл!

Галатялылар 3:21

Диймек, Мукаддес Канун Худайың вадасына гаршы чыкяр-да?! Элбетде, ёк! Йөне Канун бизе яшайыш берип билмейәр ахырын. Муңа гөрә, ол аркалы догрулыгы-да газанып билмейәрис.

Галатялылар 6:14

Мен болса Реббимиз Иса Месихиң хачындан башга зат бабатда асла магтанасым гелмейәр. Шу хач аркалы мен бу дүнйә үчин, бу дүнйә-де мениң үчин өлүдир.