Lewiler 5:2 - Мукаддес Китап

² Кимдир бири харам сайылян зада: харам вагшы хайваның маслыгына я-да харам мал-гараның маслыгына, я-да харам сүйрениҗилериң ве мөр-мөҗеклериң маслыгына төтәнликде галташса, онда ол муны аңан бадына, харам ве языклы сайыляндыр.

Mukaddes Kitap

² Kimdir biri haram saýylýan zada: haram wagşy haýwanyň maslygyna ýa-da haram mal-garanyň maslygyna, ýa-da haram süýrenijileriň we mör-möjekleriň maslygyna tötänlikde galtaşsa, onda ol muny aňan badyna, haram we ýazykly saýylýandyr.

Lewiler 5:2 ပူးပေါင်းရင်းမြစ်များ

Işaýa 52:11

Барың, гидиң, ол ерден чыкың! Харам затлара эл дегирмәң; ол ерден чыкып, тәмизлениң, эй, Реббиң гап-гачларыны гөтерйәнлер!

Lewiler 11:11

Бу җандарлар ысрайыл халкы үчин неҗислигине галсын. Оларың этини иймәң, оларың маслыгына галташмаң.

Lewiler 11:8

Сиз оларың этини иймәң ве ләшини-де эллемәң.

Lewiler 4:13

Эгер бүтин ысрайыл халкы өз Худайы Реббиң берен буйрукларыны төтәнликден бозуп, гүнә этсе, бу гүнә иш хем җемагатдан яшырылып, оларың эден гүнәлериниң үсти ачылан бадына, җемагат гүнә гурбанлыгы хөкмүнде бир өкүзчәни Реббе йүз тутулян чадырың өңүне гетирсин.

Lewiler 5:17

Эгер кимде-ким Реббиң берен буйрукларының бирини төтәнликде бозуп, гүнә газанса, ол языклыдыр ве өз җезасыны чекмелидир.

Lewiler 5:3

Кимдир бири харамлыгына, харам эдйән ислендик зада төтәнликден галташса, онда ол муны аңан бадына, языклы сайылсын.

Lewiler 5:4

Кимдир бири яманлык я-да ягшылык этмек үчин, соңуны сайман төтәнден ант ичсе, онда ол муны аңан бадына, нәхили ант ичилендигине гарамаздан, языклы сайылсын.

Lewiler 7:21

Эгер кимде-ким ислендик харам зада: ынсан харамлыкларына, харам мала я-да ислендик харам җандара галташыбам, Реббе хөдүр эдилен саламатлык гурбанлыгының этинден ийсе, ол өз халкының арасындан ковлуп чыкарылсын“».

Hagaý 2:13

Онсоң Хагай: «Эгер өлә галташып, харам болан адам бу затлардан бирине элини дегирсе, шол зат мурдар болармы?» дийип сорады. Руханылар муңа: «Хава, ол мурдар болар» дийип җогап гайтардылар.

Çölde 19:22

Харам адамың хер бир эллән зады-да харам болар. Харам адамы эллән киши-де агшама ченли харамдыр».

Luka 11:44

Вай халыңыза! Сиз хич беллиги болмадык мазарлара меңзейәрсиңиз: адамлар билмезден шейле мазарларың үстүнде гезйәндирлер».

2 Korintoslylar 6:17

«Шоңа гөрә-де, оларың арасындан чыкың-да, олардан айрылың». Муны Реб диййәр. «Харам затлара эл дегирмәң, шонда Мен сизи кабул эдерин».

Kanun taglymaty 14:8

Шейле хем доңуз, онуң тойнагы ярыклы болса-да, гәвүш гайтармаяр, бу харамдыр. Сиз оларың этини иймәң ве ләшини-де эллемәң.