Lewiler 4:32 - Мукаддес Китап

³² Эгер гүнәли киши гүнә гурбанлыгы үчин гузы бермекчи болса, онда ол шикессиз гузы болсун.

Mukaddes Kitap

³² Eger günäli kişi günä gurbanlygy üçin guzy bermekçi bolsa, onda ol şikessiz guzy bolsun.

Lewiler 4:32 ပူးပေါင်းရင်းမြစ်များ

Müsürden çykyş 12:3

Ысрайыл халкына айт, гой, шу айың онунҗы гүни хер бир машгалабашы өз хоҗалыгы үчин соймага бир җанлы сайлап алсын.

Müsürden çykyş 12:5

Җанлыңыз хич хили шикессиз болмалыдыр. Муңа сиз биряшар токлы я-да биряшар чебиш сайлап билерсиңиз.

Işaýa 53:7

Оңа сүтем эдилди, ол эҗир чекди, эмма шонда-да агзыны ачмады. Союлмага әкидилип барян гузы дек, гыркымчының өңүндәки сессиз гоюн дек, хич агзыны ачмады ол.

Lewiler 1:3

Сиз гара малы якма гурбанлык берсеңиз, малыңыз шикессиз өкүзче болсун. Реббиң бу гурбанлыгы сизиң адыңыздан кабул эдери ялы, сиз бу якма гурбанлыгыны Реббе йүз тутулян чадырың агзына гетириң.

Lewiler 5:6

Ол эден гүнәси үчин төлег хөкмүнде сүрүден бир уркачы җанлыны: гойны я-да гечини Реббе гүнә гурбанлыгы үчин гетирсин. Руханы гүнә гурбанлыгы үчин берлен гоюн я-да гечи билен гүнәлини гүнәсинден сапласын.

Luka 1:35

Перишде оңа: «Мукаддес Рух сениң үстүңе инер, Бейик Худайың гудраты сениң үстүңе көлеге салар. Шонуң үчин хем догулҗак чага Мукаддес сайылар, Оңа Худайың Оглы дийлер.

Ёханна 1:29

Эртеси гүни Яхя өз янына гелйән Исаны гөрүп, шейле дийди: «Ине, дүнйәни гүнәден саплаян Худайың Гузусы!

Ёханна 1:36

Ол гечип барян Исаны гөрүп: «Ине, Худайың Гузусы!» дийди.

Efesliler 5:27

Ол муны Өз хузурына тегмилтсиз, йыгыртсыз, биркемсиз, ягны шөхратда мукаддес хем мүйнсүз бир аҗайып йыгнагы гетирмек үчин этди.

Еврейлер 7:26

Бизе хут шунуң ялы – мукаддес, языксыз ве пәк Баш Руханы герекди. Ол гүнәлилерден айрылып, гөклерден хем ёкары гөтерилендир.

Еврейлер 9:14

Эгер шейле эден болсалар, онда Месихиң ганы аркалы хас-да бейик ишлер эдип болар! Шейдип, Месих эбеди Рухуң гудраты аркалы Өзүни мүйнсүз гурбанлык хөкмүнде Худая хөдүрледи. Онуң дөкен ганы бизиң выжданымызы өлүме элтйән ишлерден пәклейәр, шонда биз дири Худая гуллук эдйәрис.

1 Petrus 2:22

«Ол хич хили гүнә этмеди, агзындан бир ялан сөз чыкмады».

1 Petrus 2:24

Бизиң гүнә гаршы өлүп, догручыллык угрунда яшамагымыз үчин, Ол хачда гүнәлеримизи Өз үстүне йүкледи. Сиз Онуң яралары аркалы шыпа тапдыңыз.

1 Petrus 3:18

Иса Месих хем бизи Худая гетирмек үчин, бизиң гүнәлеримиз себәпли бир гезек өлди. Өзи догры болса-да, гүнәкәрлер үчин өлди. Ынсан ялы өлдүрилсе-де, Худайың Рухы аркалы Ол дирелдилди.

Аянлык 5:6

Онсоң мен дамагы чалнан гуза меңзейән бир Гузыны гөрдүм. Гузы тагтың ортасында, дөрт махлук билен яшулуларың арасында дурды. Гузының еди шахы билен еди гөзи барды. Бу гөзлер Худайың бүтин дүнйә иберилен еди Рухудыр.