Lewiler 19:3 - Мукаддес Китап

³ Хер бириңиз өз эне-атаңызы сылаң, Сабат гүнүмиң канунларыны ерине етириң. Худайыңыз Реб Мендирин.

Mukaddes Kitap

³ Her biriňiz öz ene-ataňyzy sylaň, Sabat günümiň kanunlaryny ýerine ýetiriň. Hudaýyňyz Reb Mendirin.

Lewiler 19:3 ပူးပေါင်းရင်းမြစ်များ

Gelip çykyş 48:12

Юсуп огулларыны какасының өңүнден алып, оңа ики бүкүлип тагзым этди.

Нехемя 9:14

Өз мукаддес Сабат гүнүңи олара аян этдиң. Гулуң Мусаның үсти билен олара табшырыклар, парзлар ве канунлар бердиң.

Müsürden çykyş 16:29

Середиң! Мен сизе Сабат гүнүни бердим. Шонуң үчин хем алтынҗы гүн Мен сизе чөреги ики гүнлүк эдип берйәрин. Единҗи гүн хер ким өз еринде галсын, хич ким дашары чыкмасын» дийди.

Müsürden çykyş 20:12

Ата-энеңе хормат гой, шонда Худайың Реббиң өзүңе берен еринде өмрүң узак болар.

Müsürden çykyş 20:8

Мукаддес Сабат гүнүниң канунларыны ерине етир.

Müsürden çykyş 21:15

Ким атасына-энесине эл галдырса, ол өлүме хөкүм эдилсин.

Müsürden çykyş 21:17

Атасына я-да энесине гарган адам өлүме хөкүм эдилсин.

Süleýmanyň pähimleri 1:8

Диңле, оглум, атаңың несихатларыны, энеңиң өвүтлеринден йүз өвүрме.

Süleýmanyň pähimleri 23:22

Атаңы диңле, ол сени дүнйә индерди, энеңи йигренме гарран вагтында.

Süleýmanyň pähimleri 30:11

Шейле адамлар бар, атасына гаргаяндыр, энесине алкыш эдйән дәлдир.

Süleýmanyň pähimleri 30:17

Атасыны масгаралап, энесини диңлемән, хар эдйән гөзи дере гаргалары чокар, бүргүтлер иер.

Işaýa 58:13

Сабат гүнүни бозмакдан, мукаддес гүнүмде исләниңизи этмекден саклансаңыз, Сабат гүнүни якымлы, Реббиң мукаддес гүнүни хорматлы сайсаңыз, өзүңизе яраяны этмән, исләниңизи этмән, бош сөзлери сөзлемән, ол гүни хорматласаңыз,

Эзекиел 20:12

Олары мукаддес халк эден Мениң Ребдигими билсинлер дийип, Өзүм билен оларың арасында аламат болар ялы, мукаддес Сабат гүнлерими хем олар үчин белледим.

Lewiler 11:44

Худайыңыз Реб Мендирин. Шонуң үчин хем сиз тәмизленип, мукаддес болуң, чүнки Мен мукаддесдирин. Гурыер сүйрениҗилерини ийип, өзүңизи харам этмәң.

Lewiler 19:25

Бәшинҗи йыл велин, сиз мивели агачларың мивесинден ийип билерсиңиз, олар сизе бол миве берер. Худайыңыз Реб Мендирин.

Lewiler 19:30

Сабат гүнүмиң канунларыны ерине етирип, мукаддес өйүме хормат гоюң. Мен Ребдирин.

Lewiler 19:31

Җадыгөйлере ве палчылара йүз тутмаң. Олардан маслахат сорап, өзүңизи харам этмәң. Худайыңыз Реб Мендирин.

Lewiler 19:34

Араңызда яшаян гелмишеклер сизиң үчин илдешиңиз ялы болсун. Олары өзүңизи сөйшүңиз ялы сөйүң, чүнки сизем Мүсүр илинде гелмишек болупдыңыз. Худайыңыз Реб Мендирин.

Lewiler 23:3

Алты гүнләп ишләң, единҗи гүн Сабатдыр, ол долы дынчлык ве мукаддес йыгнанышык гүнүдир. Шол гүн сиз хич хили иш этмәң. Ниреде яшаяндыгыңыза гарамаздан, шол Сабат гүни Реббе дегишлидир.

Lewiler 26:2

Сабат гүнүмиң канунларыны ерине етирип, Мениң мукаддес өйүме хормат гоюң. Реб Мендирин.

Malaky 1:6

Эй, Мениң адымы кемсидйән руханылар, Хөкмүрован Реб сизе шейле диййәр: «Огул атасыны, гул хоҗайыныны сылаяр. Эгер Мен ата болсам, ханы Маңа сылаг-хорматыңыз? Эгер Мен хоҗайын болсам, ханы сизиң Менден горкыңыз? Гайтам сиз: „Биз нәдип Сениң адыңы кемситдик?“ диййәрсиңиз.

Kanun taglymaty 27:16

„Ата-энесини кемсиден адама нәлет болсун!“ Әхли халк „Омын!“ дийсин.

Kanun taglymaty 5:16

Худайың Реббиң буйрушы ялы, ата-энеңе хормат гой, шонда Худайың Реббиң саңа берҗек еринде өмрүң узак болуп, говы гүнлер гөрерсиң.

Еврейлер 12:9

Мундан башга-да, бизе тербие берен дүнъеви аталарымыз барды, биз олара хормат гойярыс. Эгер шейдйән болсак, рухы Атамыза хас-да берк табын болуп яшамалы дәлми?