Işaýa 9:19 - Мукаддес Китап

¹⁹ Хөкмүрован Реббиң газабындан юрт янар, халкы от якып-яндырар, хич ким өз доганына рехим этмез.

Mukaddes Kitap

¹⁹ Hökmürowan Rebbiň gazabyndan ýurt ýanar, halky ot ýakyp-ýandyrar, hiç kim öz doganyna rehim etmez.

Işaýa 9:19 ပူးပေါင်းရင်းမြစ်များ

Işaýa 1:31

Гүйчлүлер чөпе дөнерлер, ишлери учгуна меңзәр, ишлери-де, өзлери-де ода янарлар, ол оды сөндүрен болмаз.

Işaýa 10:6

Оны худайсыз миллетиң гаршысына, газапланан халкымың гаршысына иберйәрин, оңа таламагы, таланыны олҗа алмагы, олары көчелериң палчыгы кимин аяк астына алмагы буюрдым.

Işaýa 13:13

Шонуң үчин гөклери титредерин, Реббиң гахар оды ловлаян гүни, Хөкмүрован Реббиң газабындан ер йүзи лерзана гелер.

Işaýa 13:18

Яш йигитлери ере язар яйлары, бәбеклере рехим этмезлер, гөзлери чагалары гайгырмаз.

Işaýa 13:9

Ине, Реббиң гүни, ёвуз гүн гелйәр, ер йүзүни хараба өвүрмек үчин, ондакы гүнәкәрлери ёк этмек үчин, газап билен, гахар оды билен гелйәр.

Işaýa 24:6

Муңа гөрә дүнйә лагнат ягяр, илаты языкларының җезасыны чекйәр, шонуң үчин ер йүзүниң илаты янып, гаты аз адам галяр.

Işaýa 26:11

Я Реб, эл галдырдың, эмма оны гөрмедилер. Халкыңа болан ыхласыңы гөрүп, утансынлар олар. Душманларыңа ниетленен от, гой, олары ювутсын.

Işaýa 3:5

Ынсан ынсана, гоңшы гоңшусына сүтем эдер, яшлар яшулулары, гарамаяк адамлар абрайлы адамлары сыламазлар.

Işaýa 33:14

Сиондакы гүнәкәрлер довла дүшүп, худайсызлар лерзана гелди: «Хайсымыз ялмаян одуң башында орнашып билерис?»

Işaýa 4:4

Таңры Сион гызларының пислигини ювар, Иерусалимде дөкүлен ганы хөкүм ве алав рухы билен тәмизләр.

Işaýa 42:25

Мунуң үчин Ол ловлаян газабыны, залым уршы үстлеринден индерди; олары хемме тарапдан отлады, эмма олар шонда-да дүшүнмедилер, олары якды, йөне үнс бермедилер.

Işaýa 5:24

Одуң сыпалы ялмайшы кимин, гуры отуң алав ичинде ашак чөкүши кимин, оларың көки-де шейле чүйрәр, гүллери тозан кимин гөге соврулар; чүнки олар Хөкмүрован Реббиң кануныны рет этдилер, Ысрайылың Мукаддесиниң сөзүни әсгермедилер.

Işaýa 5:30

Шол гүн олар авуның үстүнде деңиз гүввүлдиси кимин арларлар, ким юрда назар салса, ине, гараңкылык хем хасрат; нур гара булутлар билен өртүлер.

Işaýa 60:2

Ине, ер йүзүни гараңкылык, халклары түм гараңкылык бүрәр; сениң үстүңде болса Реб пейда болар, үстүңде болар Онуң шөхраты.

Ýermeýa 13:16

Гараңкылык дүшүрмезден өң, зулмат дагларында аякларыңызы бүдретмезден өң, Худайыңыз Ребби шөхратландырың. Сиз ышыга гарашярсыңыз, эмма Реб оны өлүм көлегесине өврүп, түм гараңкылыга гаплар.

Эзекиел 20:47

Оңа Реббиң сөзүни эшит, Хөкмүрован Реб шейле диййәр дий: „Ине, Мен ичиңде от туташдырарын, ол сендәки хер бир өсүп отуран агаҗы хем, гуран агаҗы хем көйдүрер. Ловлаян ялын сөндүрилмез ве гүнортадан демиргазыга ченли әхли йүзлер онуң билен бирликде янар.

Эзекиел 9:5

Бейлекилере болса маңа эшитдирип: «Онуң ызы билен шәхериң ичинден гечиң ве өлдүриң; гөзүңиз гайгырмасын, хайпыңыз гелмесин.

Ýowel 2:3

Онуң өңүнден от ялмап-ювудяр, ызындан-да ялын көйдүрйәр. Өң янында топрак Эрем багы дей, ыз янында – тозап ятан бееван. Ондан хич зат гутулып-да билмейәр.

Lewiler 26:26

Мен сизи чөрекден кесенимде, он аял диңе бир тамдырда чөрек япар. Олар чөрегиңизи сизе өлчәп берерлер. Сиз ондан иерсиңиз, йөне доймарсыңыз.

Amos 5:18

Дат гүнүңизе, Реббиң гүнүни күйсейәнлер! Нәме үчин сиз Реббиң гүнүне зарсыңыз? Ол гүн айдыңлык дәл-де, гараңкылыкдыр.

Abadýa 1:18

Якубың несли от болар, Юсубың зүряды алава дөнер. Одуң саманы якышы ялы, олар Ысавың неслинден ыз гоймаз. Ысавың илинден гутуланы болмаз. Чүнки муны Реб айтды.

Mika 7:2

Ер йүзүнде вепадар галмады, ынсанларың арасында догручылы ёк. Ган дөкмек үчин букуда ятяр бары, доган догана дузак гуряр.

Mika 7:6

Чүнки оглы атасыны әсгермейәр, гыз энесине гаршы гидйәр, гелин гайыненесиниң йүзүни аляр, өз ичериңиз сизе душмандыр.

Закаря 11:6

Мундан бейләк юрдуң илатына хайпым гелмез, муны Мен – Реб айдяндырын. Мен оларың хер бирини гоңшусының хем-де патышасының элине берерин. Олар юрды вейран эдерлер. Мен еке адамы-да оларың элинден халас этмерин».

Закаря 11:9

Мен олара: «Мен сизиң үчин чопанчылык этҗек дәл. Өлен – өлсүн, юмрулан – юмрулсын. Аман галанлар болса бири-бириниң этини ийсинлер» дийдим.

Malaky 4:1

Хөкмүрован Реб шейле диййәр: «Ине, ол гүн оҗак ялы янып гелйәр. Әхли текепбирлер ве хемме эрбетлик эдйәнлер саман кимин боларлар. Ол гүн оларың хеммесини от яндырар. Оларда не көк, не-де балдак галар.

Matta 27:45

Гүнортан он икиден өйлән сагат үче ченли тутуш юрды гараңкылык гаплап алды.

Resul 2:20

Реббиң бейик ве газаплы гүни гелмезден озал, Гүн түмлүге, Ай хем гана дөнер.

2 Petrus 2:4

Худай хатда гүнә иш эден перишделери-де аямады. Хөкүм гүнүне ченли саклансынлар дийип, олары зынҗырлап, довзахың түм гараңкы гирдабына габап гойды.