Işaýa 9:17 - Мукаддес Китап

¹⁷ Мунуң үчин Реб оларың яшларына гуванмаз, рехим этмез етимине, дул хатынына, чүнки хер кес худайсыз хем пис, хеммәниң агзындан акмак сөз чыкяр. Булара гарамаздан, Реббиң газабы сөнмәнди, эли шинди җеза бермәге тайын.

Mukaddes Kitap

¹⁷ Munuň üçin Reb olaryň ýaşlaryna guwanmaz, rehim etmez ýetimine, dul hatynyna, çünki her kes hudaýsyz hem pis, hemmäniň agzyndan akmak söz çykýar. Bulara garamazdan, Rebbiň gazaby sönmändi, eli şindi jeza bermäge taýyn.

Işaýa 9:17 ပူးပေါင်းရင်းမြစ်များ

Eýýup 15:34

Чүнки худайсызларың җемагаты гысыр галар, парахорларың-да чадырларыны от алар.

Işaýa 1:4

Гүнә эдйән миллетиң, языгы агыр халкың, пислик эдйән зүрятларың, азгынлык эдйән чагаларың халына вай! Олар Ребби терк этдилер, Ысрайылың Мукаддесини әсгермедилер, Ондан йүз өвүрдилер.

Işaýa 10:2

Эҗизлериң хакыны иййәрсиңиз, ёксуллары адалатдан махрум эдйәрсиңиз, дул хатынлары авлаярсыңыз, етимлер олҗаңыз боляр.

Işaýa 10:4

Есирлериң арасында дыза чөкмекден, Җесетлере бүдрәп йыкылмакдан гайры чәрәңиз болмаз сизиң. Барыбир сөнмәнди Реббиң газабы, җеза бермәге тайындыр хенизем Онуң эли.

Işaýa 10:6

Оны худайсыз миллетиң гаршысына, газапланан халкымың гаршысына иберйәрин, оңа таламагы, таланыны олҗа алмагы, олары көчелериң палчыгы кимин аяк астына алмагы буюрдым.

Işaýa 13:18

Яш йигитлери ере язар яйлары, бәбеклере рехим этмезлер, гөзлери чагалары гайгырмаз.

Işaýa 14:20

бейлеки шалар ялы җайланмарсың; чүнки сен өз юрдуңы вейран этдиң, өз халкыңы гырдың. Пислик эдйәнлериң несли асла ятланмасын!

Işaýa 24:5

Илатлар харама чыкарды дүнйәни, олар канунлардан чыкдылар, парзлары сакламадылар, эбеди әхти боздулар.

Işaýa 27:11

Пудаклары гурап дөвлер, аяллар гелип, олары якарлар. Бу халк дүшүнмейән халкдыр; шонуң үчин Яраданы олара рехим этмез, Дөредиҗиси олара мерхемет гөркезмез».

Işaýa 3:8

Иерусалимиң бүдрейәндиги, Яхуданың йыкыляндыгы үчин, Реббиң шөхратлы барлыгыны әсгермән сөзлериниң ве эдйән ишлериниң Реббе гаршы боландыгы үчин шейле болар.

Işaýa 31:2

Эмма Реб данадыр, Ол бетбагтчылык гетирер, сөзүни ызына алмаз, яманлык эдйәнлере гаршы аяга галар, пислере көмек эдйәнлере гаршы чыкар.

Işaýa 31:3

Мүсүрлилер Худай дәл, ынсандыр, рух дәлдир, тендир атлары; Реб элини узаданда, көмекчи-де, көмек алан-да йыкылар, әхлиси бирликде хеләк болар.

Işaýa 33:11

Сиз самандан хамыла болуп, сыпал догурярсыңыз; демиңиз сизи ялмаян отдур.

Işaýa 33:12

Халклар янып, күл боларлар, кесилип, ода якылан тикенлер дек боларлар».

Işaýa 40:30

Хатда яшлар-да ысгындан гачып, ядаярлар, яш йигитлер-де бүдрәп, йыкылярлар.

Işaýa 5:24

Одуң сыпалы ялмайшы кимин, гуры отуң алав ичинде ашак чөкүши кимин, оларың көки-де шейле чүйрәр, гүллери тозан кимин гөге соврулар; чүнки олар Хөкмүрован Реббиң кануныны рет этдилер, Ысрайылың Мукаддесиниң сөзүни әсгермедилер.

Işaýa 5:25

Мунуң үчин Реббиң газабы Өз халкына гаршы ловлаяр, элини олара гаршы узадып, җеза берйәр; даглар титрешйәр, маслыклары зибил кимин көчелерде ятыр, Шонда-да Онуң газабы көшешмәнди, эли энтек хем җеза бермәге тайын.

Işaýa 62:5

Йигидиң гыза өйлениши дек, огулларың-да саңа эе чыкарлар, гиевиң гелни үчин шатланышы дек, Худай-да сениң үчин шатланар.

Işaýa 65:19

Иерусалим үчин шатланарын, халкым үчин бегенерин. Инди не агы сеси не-де ахы-нала эшидилер ол ерде.

Işaýa 9:12

гүндогардан сириялылары, пилиштлилери гүнбатардан. Олар Ысрайылы ювударлар, агызларыны ачарлар-да. Йөне Реббиң газабы сөнмәнди шонда-да, эли энтек-де җеза бермәге тайын.

Işaýa 9:21

Эфрайым билен Манаша бири-бирини ювударлар, билеликде Яхуда хүҗүм эдерлер, сөнмәнди Реббиң газабы барыбир, энтек хем җеза бермәге тайын эли.

Ýermeýa 18:21

Мунуң үчин чагаларыны ачлыга бер, кесгир гылыҗа табшыр. Аяллары перзентсиз дул галсын, эркеклерини аҗал алсын, яш йигитлери сөвешде гылычдан өлсүн.

Ýermeýa 5:1

«Иерусалимиң көчелерине айланың, даш-төверегиңизи сынлаң, белләң! Шәхер мейданчаларында агтарың. Эгер адалаты берҗай эдип, хакыкаты гөзлейән бир адам тапсаңыз, онда Мен бу шәхери багышлайын.

Эзекиел 20:33

Өз барлыгымдан ант ичйәрин, – Хөкмүрован Реб диййәр – Мен гүйч-гудратым ве гахар-газабым билен үстүңизден хөкүм сүрерин.

Amos 4:10

Мүсүрдәки ялы араңыза мерги ибердим, яш йигитлериңизи гылычдан гечирдим, атларыңызы душманларыңыза бердим. Бурнуңызы дүшелгәңизиң порсы ысындан долдурдым, эмма шонда-да сиз Маңа тарап доланмадыңыз. Муны Реб айдяндыр.

Amos 8:13

Шол гүн гөзел гызлар ве яш йигитлер тешнеликден хушуны йитирерлер».

Mika 7:2

Ер йүзүнде вепадар галмады, ынсанларың арасында догручылы ёк. Ган дөкмек үчин букуда ятяр бары, доган догана дузак гуряр.

Закаря 9:17

Нәхили аҗайып хем гөзел боларлар! Бол бугдай хем тәзе шерапдан гыз-йигитлер гүл ачарлар.

Matta 12:34

Эй, алахөвренлер несли! Ынсаның дили йүрегинден җошаныны сөзлейәндир. Шейлеликде, өзүңиз эрбеткәңиз, нәдип сиз оңат затлар сөзләп билерсиңиз?

Matta 16:3

Эртирине хем: „Асманың йүзи гаралыпдыр хем тутук, бу гүн гай турҗак“ диййәрсиңиз. Сиз асмана середип, хованың ягдайыны сайгарып билйәрсиңиз-де, дөврүң аламатларыны сайгарып билмейәрсиңизми?