Işaýa 65:2 - Мукаддес Китап

² Мен өз ислеглерине эерип, яман ёлдан йөрейән питнечи халка, гүнузын эллерими узадып отырын.

Mukaddes Kitap

² Men öz isleglerine eýerip, ýaman ýoldan ýöreýän pitneçi halka, günuzyn ellerimi uzadyp otyryn.

Işaýa 65:2 ပူးပေါင်းရင်းမြစ်များ

Gelip çykyş 6:5

Реб бүтин дүнйәдәки адамзадың бетпәллигиниң җуда чөкдердигини, оларың калбындакы ой-пикирлериниң ве ниетлериниң хемише писликден долудыгыны гөрди.

Zebur 36:4

Ребден теселли тап, йүрек арзувларыңы Ол хасыл эдер.

Zebur 36:5

Ёлуңы Реббе табшыр, Оңа бил багла, шонда Ол саңа хемаят берер.

Süleýmanyň pähimleri 1:24

Мен сизи чагырдым, мени рет этдиңиз; элими узатдым, хич ким оңа үнс бермеди.

Süleýmanyň pähimleri 16:29

Зулум эдйән якыныны алдап, яман ёла саляр.

Işaýa 1:2

Эй, гөк, эшит, эй, ер, гулак гой! Реб шейле диййәр: «Мен чагалары экледим, улалтдым, эмма олар гаршыма баш гөтердилер.

Işaýa 1:23

Хөкүмдарларың питнечә өврүлдилер, огрулара шәрикдир олар, әхлиси пара ятды, пешгешлериң ызында халлан атярлар. Етимиң хукугыны горамаярлар, дул хатының давасына гарамаярлар.

Işaýa 30:1

«Питнечи халкың дат гүнүне! Олар Мениңкини дәл-де, өз ниетлерини берҗай эдйәрлер; Менден сорашман ылалашык баглашып, гүнә үстүне гүнә гошярлар. Муны Реб айдяндыр.

Işaýa 30:9

Бу питнечи халк, хилегәр огуллар, Реббиң өвүдине гулак гоймаян огуллардыр.

Işaýa 55:7

Пислер өз ёлларындан, эрбетлер өз пикирлеринден дәнип, Реббе доланып барсынлар, Реб олара рехим эдер; Худайымыза долансынлар, Ол гаты гечиримлидир.

Işaýa 55:8

«Мениң пикирлерим сизиң пикирлериңиз дәл, сизиң ёлларыңыз Мениң ёлларым дәл». Муны Реб айдяндыр.

Işaýa 63:10

Эмма олар питне турзуп, Онуң Мукаддес Рухуны ынҗатдылар; Реб-де олара душман болуп, гаршыларына сөвешди.

Işaýa 66:18

Реб шейле диййәр: «Мен оларың ишлерини-де, ниетлерини-де билйәрин. Әхли миллетлери ве диллери бир ере топламак үчин Мен гелйәрин. Олар гелип, Мениң шөхратымы гөрерлер.

Işaýa 66:3

«Өз ёлларыны сайлаянлар, неҗис ишлеринден леззет алянлар бар. Өкүзи гурбанлык берйән адам өлдүрен билен деңдир, гузыны гурбанлык берйән итиң бойнуны яздыран ялыдыр; галла садакасыны берыән доңзуң ганыны хөдүрлән билен деңдир, якымлы ыслы түтетги түтедйән бута сежде эден ялыдыр.

Işaýa 66:4

Олара залымлык этмеги сайларын Менем, горкян затларыны башларына гетирерин; чүнки Мен чагыранымда, хич ким җогап бермеди, гепләнимде, диңлемедилер; Мениң йигренйән ишлерими этдилер, Маңа ярамаян затлары сайладылар».

Ýermeýa 18:12

Эмма олар: „Бидереклик! Биз өз пикирлеримизе эерерис, кесирлик билен өз эрбет ниетлеримизе гөрә херекет эдерис“ диерлер.

Ýermeýa 3:17

Шол дөвүр Иерусалим Реббиң тагты дийлип атландырылар ве әхли миллетлер шол ерде, Иерусалимде Реббиң хузурына үйшерлер. Мундан бейләк олар кесирлик билен яман ниетлерине ковалашмазлар.

Ýermeýa 4:14

Йүрегиңи тәмизләп пәкле писликден, эй, Иерусалим, халас боларсың шонда. Эрбет ниетлериңи ене нәче вагт саклаҗак ичиңде?

Ýermeýa 5:23

Эмма бу халк текепбир ве питнечи. Олар аздылар, ёлдан чыкдылар.

Ýermeýa 7:24

Эмма олар диңлемедилер, гулак асмадылар, гайтам, кесирлик билен өз яман ниетлерине ковалашып, пис йүреклерине гөрә херекет этдилер. Илерлемегиң дерегине гайра тесдилер.

Çölde 15:39

Хер гезек готазҗыклара гөзүңиз дүшенде, сиз Реббиң әхли табшырыкларыны яда саларсыңыз ве олары берҗай эдерсиңиз, йүрегиңизиң ве гөзлериңизиң ислегине ковалашмарсыңыз.

Matta 15:19

Адамың йүрегинден эрбет пикирлер, ганхорлык, зынахорлык, азгынлык, огурлык, ялан шаятлык, сөгүнч чыкяндыр.

Matta 23:37

Эй, Иерусалим! Пыгамберлери өлдүрйән, өзүне ёллананлары дашлаян Иерусалим! Товугың өз җүйҗелерини ганатларының ашагына йыгнайшы ялы, Мен хем сениң чагаларыңы энчеме гезек йыгнаҗак болдум, эмма сиз муны ислемедиңиз.

Luka 13:34

Эй, Иерусалим! Пыгамберлери өлдүрйән, өзүне ёллананлары дашлаян Иерусалим! Товугың өз җүйҗелерини ганатларының ашагына йыгнайшы ялы, Мен хем энчеме гезек сениң чагаларыңы йыгнаҗак болдум, эмма сиз муны ислемедиңиз!

Rimliler 10:21

Ысрайыл хакда болса Реб: «Мен питнечи ве өздиенли халка гүнузын эллерими узадып отырын» дийип айдяр.

Rimliler 2:5

Йөне сен бойнуёгынлык эдип, гүнәлериңе тоба этмән, башыңдан инҗек газабы топлаярсың. Бу җеза Худайың адыл хөкүминиң аян болҗак гүнүнде берлер.

Kanun taglymaty 29:19

Бу эдилен ваданы эшиден хер бириңиз өз-өзүңизи өвмәң ве йүрегиңизде: „Биз текепбирлик ёлумыздан гитсек хем аман галарыс“ дийип пикир этмәң. (Шейле пикир ягшының-да, яманың-да башына бела гетирер.)

Kanun taglymaty 31:27

Чүнки мен сизиң нәхили башбозар ве бойнуёгын халкдыгыңызы говы билйәрин. Мен энтек дирикәм, сиз Реббе гаршы питне турузярсыңыз, өленимден соң, сиз, гөр, нәче гезек питне турзарсыңыз!

Kanun taglymaty 9:7

Худайыңыз Реббиң чөлде нәхили гахарыны гетирендигиңизи ядыңыза салың ве оны унутмаң. Мүсүр юрдундан чыкан гүнүңизден, тә бу ере гелен гүнүңизе ченли сиз Реббе гаршы баш гөтердиңиз.