Işaýa 61:10 - Мукаддес Китап

¹⁰ Ребде шатланарын Мен, җаным Худайымда җошар, чүнки Ол мени гутулыш лыбасына беследи, гиевиң тәч гейши дек, гелниң шай-сеп билен безениши дей, Мени догрулык доны билен өртди.

Mukaddes Kitap

¹⁰ Rebde şatlanaryn Men, janym Hudaýymda joşar, çünki Ol meni gutulyş lybasyna besledi, giýewiň täç geýşi dek, gelniň şaý-sep bilen bezenişi deý, Meni dogrulyk dony bilen örtdi.

Işaýa 61:10 ပူးပေါင်းရင်းမြစ်များ

Gelip çykyş 24:53

Ол Ребека алтындыр күмүш, шай-сеплер ве гейимлер чыкарып берди, онуң эҗеси билен эркек доганына-да гымматбаха совгатлар этди.

2 Йыл язгылары 6:41

Я Худайымыз Реб! Галк-да, гүйҗүңиң нышаны Әхт сандыгы билен Өз дынчлык меканыңа гир. Я Худайымыз Реб! Гой, руханыларың гутулыша бесленсин, садыкларың эшретлериңе гувансын!

Нехемя 8:10

Барың яглы эт ийиң, сүйҗи шерап ичиң. Биширмәге зады ёклара пай ибериң, чүнки бу гүн Реббимиз үчин мукаддес гүндүр. Гам чекмәң, чүнки Таңрымызың эчилйән шатлыгы сизе гүйч-кувват берер».

Eýýup 29:14

Догручыллыгы эшик кимин гейдим, ол мени өртди; адалатым болса дон ве селле киминди.

Zebur 28:7

Реббиң сеси йылдырымлар чакдыряр.

Zebur 35:9

Өйүңиң нәз-ныгматындан дойярлар; Сен олары Өз леззет деряңдан гандыряң.

Nagmalar 1:10

Күмүш дүвмели тылла шелпелер ясарыс саңа.

Işaýa 12:1

Шол гүн сиз, ысрайыллар шейле диерсиңиз: «Я, Реб Саңа шүкүр эдерин, Сен бизе гахарланан хем болсаң, гахарың совулды, теселли бердиң бизе Сен.

Işaýa 12:2

Элбетде, Худай Халасгәримдир, Оңа бил багларын, горкмарын мен, чүнки Реб еке-тәк гүйҗүмдир, айдымымдыр, Ол мениң Халасгәрим болды».

Işaýa 17:10

Сен өз Халасгәр Худайыңы унутдың, Пенакәриң болан Гаяны ятламадың. Шоңа гөрә якымлы өсүмликлер эксең-де, өзге юртлаң аҗайып нахалларыны отуртсаң-да,

Işaýa 25:1

Я Реб, Сенсиң мениң Худайым! Сени арша чыкарарын, алкыша бесләрин адыңы, чүнки Сен аҗайып ишлер этдиң, овалдан карар этдиң, кәмил садыклык билен.

Işaýa 25:9

Шол гүн шейле дийлер: «Ине, Худайымыз будур, биз Оңа умыт багладык, Ол бизи халас этди. Бизиң умыт баглан Реббимиз будур; халас боланымыз үчин бегенелиң, шатланалың!»

Işaýa 35:10

Реббиң азат эденлери ыза доланарлар, айдым айдып, Сиона гайдып гелерлер; эбеди шатлыга говшар олар, бегенчден, шатлыкдан доларлар, гайгыдыр гам-гусса ёк болар.

Işaýa 41:16

Сиз олары соврарсыңыз, шемал олары учурып әкидер, харасат олары пытрадар. Онсоң сиз Ребде шатланарсыңыз, Ысрайылың Мукаддесинде шөхратланарсыңыз.

Işaýa 48:18

Табшырыкларыма гулак асан болсадыңыз, шонда абаданлыгыңыз деря дей, догрулыгыңыз деңиз толкунлары дей боларды.

Işaýa 49:18

Гөзлериңи даш-төвереге айла-да, серет, оларың хеммеси топланып, яныңа гелйәрлер. Барлыгымдан ант ичйәрин, оларың бары сениң үчин безег болар, гелин дек олары дакынарсың. Муны Мен – Реб айдяндырын.

Işaýa 49:4

Онсоң мен: «Бидерек зәхмет чекдим, бидерек, бихуда сарп этдим гүйҗүми; йөне хакым Реб билендир, сылагым Худайым билендир».

Işaýa 51:11

Реббиң азат эденлери доланарлар, айдым айдып, Сиона гелерлер, башларында эбеди шатлык болар, бегенч хем шатлык тапарлар олар, гам-гусса хем нала ёк болар.

Işaýa 51:3

Реб Сиона, онуң әхли харабаларына теселли берер, онуң чөлүни Эрем дей эдер, Реббиң багы дей эдер онуң сәхрасыны; шатлык ве бегенч, шүкүр ве айдым сеси эшидилер ондан.

Işaýa 52:1

Оян, эй, Сион, оян! Гудратыңа беслен! Эй, Иерусалим, мукаддес шәхер, гөзел лыбаса гир! Сүннетсизлер, харам адамлар ичери гирмезлер асла.

Işaýa 56:7

мукаддес дагыма гетирерин, ыбадат өйүмде шатландырарын олары; якма гурбанлыклары, башга гурбанлыклары гурбанлык сыпамда кабул эдилер; чүнки Мениң өйүм әхли миллетлер үчин ыбадат өйи дийип атландырылар».

Işaýa 58:14

шонда сиз Ребден хошал боларсыңыз, Мен сизи дүнйәниң белентликлерине чыкарарын; атаңыз Якубың мирасыны сизе берерин. Муны Реб айдяндыр.

Işaýa 61:3

Сионда яс тутянларың аладасыны этмәге: күлүң дерегине овадан башатгыҗыны, ясың дерегине шатлык ягыны, гамгын рухуң дерегине алкыш донуны бермәге иберди мени. Реббиң шөхратыны гөркезмек үчин экилен догрулык дуб агачлары дийлер олара.

Işaýa 65:18

Яратҗак затларыма шатланып, бакы бегениң; Ине, Мен Иерусалими шатлык үчин, халкыны-да бегенч үчин яратҗак.

Ýermeýa 2:32

Хей-де гыз өз шай-сеплерини, гелин өз күртесини унудармы? Эмма халкым Мени сансыз гүнләп унутды.

Эзекиел 42:14

Руханылар мукаддес ере гиренлеринде, хызмат эдйән вагты геййән гейимлерини бу отагларда чыкарып гоймаздан дашкы ховла чыкмасынлар, себәби бу гейимлер мукаддесдир. Халкың янына чыкмаздан өң, олар башга гейимлер геймелидирлер».

Habakuk 3:18

мен Ребде шатланарын, Халасгәримде йүрегим җошар.

Закаря 10:7

Эфрайым халкы батырлар кимин болар, шерап ичен дей оларың көңли хош болар. Муны огуллары гөрүп гуванарлар; оларың гөвүнлери Ребде галкынар.

Закаря 3:5

Онсоң мен – Закаря: «Ешуваның башына тәмиз селле орасынлар» дийдим. Олар онуң башына тәмиз селле орадылар, оны гейиндирдилер. Реббиң перишдеси-де онуң янында дурды.

Luka 15:22

Эмма какасы хызматкәрлерине буйрук берип: „Дессине иң сайлама доны гетириң-де, оңа гейдириң. Эллерине йүзүк дакың, аякларына көвүш гейдириң.

Rimliler 13:14

Ынсан хөвеслериңизи нәдип канагатландыраркам дийип ойланмаң-да, гайтам, Реббимиз Иса Месихе беслениң.

Rimliler 14:17

Чүнки Худайың Шалыгы иймек-ичмек дәл-де, Мукаддес Рухуң пешгеш берйән догрулыгы, парахатлыгы ве шатлыгыдыр.

Rimliler 3:22

Иса Месихе иман эдйәнлериң әхлиси Худайың хузурында акланяндырлар. Адамларың арасында хич парх ёкдур,

Rimliler 5:11

Мундан башга-да, биз Худайың Реббимиз Иса Месих аркалы эден ишлерине бегенйәрис, себәби Ол бизи Худай билен ярашдырды.

Галатялылар 3:27

Чүнки сува чүмдүрилиш аркалы Иса Месих билен бириген сизиң барыңыз инди Оңа беслененсиңиз.

Filipililer 4:4

Ребде шатланың. Ене-де гайталаярын: шатланың!

1 Petrus 1:8

Сиз Месихи гөрмедик болсаңыз хем, Оны сөййәрсиңиз. Хатда Оны гөрмесеңиз-де, Оңа иман эдйәрсиңиз ве сөз билен тарыплап болмаҗак бейик шатлыкдан долуп-дашярсыңыз.

Аянлык 21:2

Мен Мукаддес Шәхери – тәзе Иерусалими гөрдүм. Ол гөкден, Худайың хузурындан инип гелйәрди. Тәзе Иерусалим өйленйән йигит үчин безенип-бесленип гелйән гелне меңзейәрди.

Аянлык 21:9

Соңра соңкы еди бела билен долдурылан еди кәсели еди перишдәниң бири мениң яныма гелип: «Гел, мен саңа гелни, Гуза аял болҗагы гөркезейин» дийди.

Аянлык 4:4

Тагтың төверегинде ене-де йигрими дөрт тагт барды, бу тагтларың үстүнде яшулулар отырды. Оларың эгнинде ак лыбаслары, башларында алтын тәчлери барды.

1 Şamuwel 2:1

Онсоң Ханна Реббе дилег этди: «Реб калбымы шатлыга беследи, Реб билиме кувват берди. Сениң халас эдениң үчин, мен шадыян! Душманларымың үстүнден гүлйән.