Işaýa 60:6 - Мукаддес Китап

⁶ Сен дүе сүрүлеринден, Мидян, Эйпа көшеклеринден доларсың; бүтин Шеба халкы гелер. Олар алтындыр якымлы ыслы түтетги гетирип, Реббе алкыш айдарлар.

Mukaddes Kitap

⁶ Sen düýe sürülerinden, Midýan, Eýpa köşeklerinden dolarsyň; bütin Şeba halky geler. Olar altyndyr ýakymly ysly tütetgi getirip, Rebbe alkyş aýdarlar.

Işaýa 60:6 ပူးပေါင်းရင်းမြစ်များ

Gelip çykyş 10:7

Кушуң несиллери: Себа, Хавыла, Сабта, Рагама ве Сабтека. Рагаманың несиллери: Шеба ве Дедан.

Gelip çykyş 25:13

Улудан кичә Ысмайылың огулларының атлары шунуң ялыдыр: новбахар оглы Небаёт, соңра Кедар, Адбеел, Мибсам, Мишма, Дума, Маса, Хадат, Тейма, Етур, Напыш ве Кедема.

1 Patyşalar 10:2

Шеба меликеси уммасыз байлык, хошбой ыслы затлар, көп мукдардакы алтын ве гымматбаха дашлар йүкленен дүелер билен Иерусалиме гелди. Ол Сүлейманың янына гелип, йүрегине дүвен әхли соваллары сорады.

2 Patyşalar 8:9

Шейдип, Хазайыл өзи билен Дамаскың дүрли-дүмен харытларындан кырк дүе йүки совгатлар алып, Худайың адамыны гаршыламага гитди. Ол барып, Эляшаның өңүнде дуруп: «Сирия патышасы гулуң Бенхадат: „Мен бу хассалыкдан сагалармыкам?“ дийип сорамак үчин мени сениң яныңа иберди» дийди.

1 Йыл язгылары 1:33

Мидяның огуллары: Эйпа, Эпер, Ханок, Абыда ве Элдага. Буларың хеммеси Кетураның несиллериди.

2 Йыл язгылары 9:1

Шеба меликеси Сүлейманың ат-овазасыны эшидип, оны кын соваллар билен сынамага Иерусалиме гелди. Шеба меликеси уммасыз байлык, хошбой ыслы затлар, көп мукдарда алтын ве гымматбаха дашлар йүкленен дүелер билен Иерусалиме гелди. Ол Сүлейманың янына гелип, йүрегине дүвен әхли соваллары хакында онуң билен сөхбетлешди.

Zebur 67:4

Догры адамлар болса шадыян болар, Худайың өңүнде шатлыкдан җошуп гыгырар, бегенчден яңа хешелле какар.

Zebur 72:10

Шонуң үчин Худай халкы шолара тарап өврүлйәр, оларың гепине гулак габардяр.

Zebur 72:15

«Мен хем шолар ялы гүрлеҗек» диен болсадым, онда Худайың халкының өңүнде дөнүк болардым.

Işaýa 30:6

Негеп хайванлары барада пыгамберлик: уркачы хем эркек арсланың, алахөврениң хем учян йыланың яшаян, алада хем хасрат юрдуның үстүнден гечип, байлыкларыны эшеклериниң аркасына, хазыналарыны дүелериниң өркүҗине атып, пейдасыз халка әкидип берйәрлер.

Işaýa 42:10

Эй, деңиз сыяхатчылары, деңзиң ичиндәкилер, адалар ве онда яшаянлар, Реббе тәзе айдым айдың, ериң аңры уҗундан өвгүлер айдың!

Işaýa 45:14

Реб шейле диййәр: «Мүсүриң байлыгы, Эфиопия сөвдасы, узын бойлы сабалылар саңа гелерлер, сениңки болар. Гандаллы гуллар яныңа гелип, сениң ызыңа эерерлер, саңа тагзым эдип ялбарарлар: „Худай диңе сениң билендир, башгасы ёкдур; Ондан башга худай ёкдур“».

Işaýa 60:9

Адалар Маңа умыт баглаярлар элбетде; Худайың Реббиң, Ысрайылың Мукаддесиниң адының хатырасына Таршыш гәмилери өңүрти гелйәрлер, огулларың күмүшдир алтыныны өзлери билен гетирйәрлер. Реб сени шөхратландырды.

Işaýa 61:6

Сизе болса Реббиң руханылары, Худайымызың хызматкәрлери диерлер; сиз миллетлериң байлыгындан леззет аларсыңыз, оларың шөхратына шәрик боларсыңыз.

Ýermeýa 6:20

Нәме үчин Маңа Шебадан якымлы ыслы түтетги, узак юртдан хошбой ыслы гамыш гетирилйәр? Якма гурбанлыкларыңызы кабул этмерин, садакаларыңыз-да турмаяр гөвнүмден».

Эзекиел 27:22

Шебаның ве Рагаманың тәҗирлери сениң сөвдагәриңдилер; олар харытларыңың дерегине әхли атырларың сересини, хер хили гымматбаха дашлар ве алтын берердилер.

Сепаня 3:10

Дагынык болуп, Маңа сыгынан халкым Эфиопия дерясының аңры тарапындан Маңа садака гетирер.

Закаря 14:16

Иерусалимиң үстүне чозан миллетлерден аман галанлары Патыша, ягны Хөкмүрован Реббе ыбадат этмек хем-де Чатма байрамыны беллемек үчин йылың-йылына Иерусалиме гидерлер.

Malaky 1:11

Гүндогардан гүнбатара ченли миллетлер арасында Мениң адым бейик болар! Әхли ерде Мениң адыма якымлы ыслы түтетги якылып, пәк садакалар хөдүрленер. Чүнки миллетлер арасында Мениң адым бейик болар. Муны Хөкмүрован Реб айдяндыр.

Matta 2:11

Олар өе гирип, чага билен эҗеси Меръеми гөрдүлер. Шонда дыза чөкүп, Оңа сежде этдилер-де, хазыналарыны ачып, алтын, хошбой түтетгилер ве мүр совгат бердилер.

Rimliler 15:9

Хава, Иса Месих муны яхуды дәллериң хем Худайы Онуң мерхемети үчин шөхратландырсынлар дийип этди. Чүнки Мукаддес Язгыларда шейле язылгыдыр: «Мунуң үчин миллетлер арасында Сени алкышларын, мен Сениң адыңа нагма айдарын».

Kanun taglymaty 32:43

Онуң халкы билен шатланың, эй, халклар! Чүнки Ол гулларының ганының өҗүни алар. Душманларындан арыны алар, Өз халкының юрдуны пәкләр, олары гүнәсинден саплар».

Filipililer 2:17

Сизиң Реббе эдйән иманыңыз ве хызматыңыз Оңа багыш эдилен гурбанлык киминдир. Эгер-де мениң шинди чекйән җебирлерим бу гурбанлыга гошулса, мен шатдырын. Мен хеммәңизиң шатлыгыңыза шәрикдирин.

1 Petrus 2:5

Шонуң үчин сиз хем дири дашлар ялы рухы бина болуп гурлуң. Шонда Иса Месих аркалы Худайың халаян рухы гурбанлыкларыны хөдүрлейән мукаддес руханылар боларсыңыз.

1 Petrus 2:9

Эмма сиз бейле дәлсиңиз, чүнки сиз сайланып-сечилен халксыңыз. Сиз патышаның руханылары, мукаддес миллет, Худая дегишли халксыңыз. Худай сизи гараңкылыкдан Өзүниң аҗайып нуруна чагырды. Сиз Онуң шан-шөхратыны ыглан этмек үчин сайланып-сечиленсиңиз.

Ysraýyl serdarlary 6:5

Олар маллары хем чадырлары билен биле эдил чекиртге чозан ялы болуп гелердилер; оларың өзлериниң хем, дүелериниң хем сан-саҗагы ёкды. Олар юрды вес-вейран эдердилер.

Ysraýyl serdarlary 7:12

Мидянлардыр амалеклер ве гүндогар халкларың хеммеси җүлгәниң боюна эдил чекиртге үйшен ялыды. Дүелери шейле бир көпди, олар эдил деңиз якасындакы чәге дей сансыз-саҗаксызды.