Işaýa 55:11 - Мукаддес Китап

¹¹ Мениң агзымдан чыкян сөзүм-де шейле болар; Ол Маңа бош гайдып гелмез, максадымы ерине етирер, этсин дийип иберен ишимде үстүнликли болар» Реб диййәр.

Mukaddes Kitap

¹¹ Meniň agzymdan çykýan sözüm-de şeýle bolar; Ol Maňa boş gaýdyp gelmez, maksadymy ýerine ýetirer, etsin diýip iberen işimde üstünlikli bolar» Reb diýýär.

Işaýa 55:11 ပူးပေါင်းရင်းမြစ်များ

Işaýa 40:8

От гураяр, гүл соляр, эмма Худайымызың сөзи эбеди галяр.

Işaýa 45:23

Өз барлыгымдан ант ичдим, агзымдан чыкан сөз догрудыр, ол бош дәлдир: «Хер бир дыз өңүмде эпилер, хер бир дил Менден ант ичер».

Işaýa 46:10

Овалдан ахыра болҗагы, хениз болмадыклары аян эдйәрин. Мен: «Берҗай болар максатларым, бар ислеглерими амал эдерин» диййәрин.

Işaýa 53:10

Эмма онуң эзилмеси, дерт чекмеси Реббиң ислегиди. Онуң җаны гүнә гурбанлыгы эдилсе, ол неслини гөрер, онуң өмри узар; Реббиң ислеги ол аркалы ровачланар.

Işaýa 54:9

Бу Мениң үчин Нухуң дөври киминдир, Нухуң тупаны ер йүзүнде инди гайталанмаз дийип ант ичишим ялы, саңа-да гахарланмарын инди, хич хачан кәемерин дийип ант ичдим.

Işaýa 59:21

«Мениң болса, олар билен эдйән әхтим, ине, шудур: үстүңиздәки Рухум, агзыңыза салан сөзлерим шу гүнден эбедә ченли өз дилиңизден, зүрятларыңызың дилинден, зүрятларыңызың зүрятларының дилинден дүшмесин». Муны Реб айдяндыр.

Ýermeýa 1:11

Маңа Реббиң шу сөзи аян болды: «Ермея, сен нәме гөрйәрсиң?» дийип сорады. Мен: «Бадам агаҗының шахасыны гөрйәрин» дийдим.

Ýermeýa 1:12

Онсоң Реб маңа: «Догры гөрдүң, чүнки Мен хер бир сөзүмиң амала ашмагына гөзегчилик эдйәрин» дийди.

Ýermeýa 1:13

Маңа ене Реббиң сөзи гелип, Ол: «Нәме гөрйәрсиң?» дийип сорады. Мен: «Демиргазыкда биз тарапа гышарып гайнап дуран газаны гөрйәрин» дийип җогап бердим.

Ýermeýa 23:20

Йүрегиниң ниетини амала ашырянча, Реббиң гахар оды ятышмаз. Сиз муңа ахыркы гүнлерде дүшүнерсиңиз.

Ýermeýa 25:13

Онуң гаршысына айдан әхли сөзлерими, Ермеяның әхли миллетлер барада эден пыгамберлигини, бу китапда язылан затларың барыны ол юрдуң башына гетирерин.

Эзекиел 24:14

Муны Мен-Реб айтдым, бу берҗай болар, Мен оны эдерин. Җезаңы гечмерин, гайгырмарын ве хайпым гелмез. Өз тутан ёлларыңа ве ишлериңе лайыклыкда саңа хөкүм чыкарылар». Муны Хөкмүрован Реб диййәр.

Amos 6:11

Ине, Реб шейле буюряр: «Улы җайлар тоза, кичи җайлар күле дөнсүн.

Закаря 1:6

Эмма гулларым болан пыгамберлере буйран сөзлеримдир берен дуйдурышларымы, нәме, ата-бабаларыңыз ерине етирен дәлдир өйдйәңизми? Олар тоба эдип, Хөкмүрован Реб өз тутан ёлумыза хем этмишлеримизе гөрә бизе нәме этмеги ниетлән болса, шоны хем этди дийдилер“».

Çölde 23:19

Худай ынсан дәл ахырын, ялан сөзләр ялы. Ол адам оглы дәл, пикирини үйтгедер ялы. Хей, Онуң берен вадасының, айдан сөзүниң битмедиги бармы?

Matta 24:35

Асман билен ер өтер, эмма Мениң сөзлерим асла өтмез.

Ёханна 6:63

Яшайыш берйән Рухдур, ынсан гүйҗүниң пейдасы ёкдур. Мениң сизе айдян сөзлерим Мукаддес Рухдандыр ве яшайыш берйәндир.

Rimliler 10:17

Шунлукда, иман эшитмекден, хава, Иса Месих хакдакы Хош Хабары эшитмекден дөрейәндир.

1 Korintoslylar 1:18

Хеләкчилик ёлундан барян адамлар үчин хач барадакы хабар акмаклыкдыр. Эмма биз, ягны гутулыш ёлундан барянлар үчин бу хабар Худайың гудратыдыр.

Kanun taglymaty 32:2

Таглыматым ягыш дей ягсын, сөзлерим чыг дей дүшсүн. Ягсын от үстүне чисңейән ягмыр дей, майсаларың үстүне инйән чабга дей!

1 Salonikliler 2:13

Сиз Худайың Хош Хабарыны бизден эшидип кабул эдениңизде, муны ынсан хабары хөкмүнде дәл, эйсем, хакыкатдан-да, Худайыңкы дийип кабул этдиңиз. Сиз иманлылара тәсир эдйән-де бу Хабардыр. Шоңа гөрә-де, биз сизиң үчин Худая дынгысыз шүкүрлер эдйәрис.

Еврейлер 6:7

Ызыгидер яган ягышдан ганып, дайхана бол хасыл гетирйән топрага Худай берекет берйәндир.

Ýakup 1:18

Яраданларының арасында Онуң сайлан халкы болмагымыз үчин, Худай хакыкат сөзи аркалы бизе тәзе яшайыш бермеги карар этди.

1 Petrus 1:23

Сиз вагтлайын тохумдан дәл-де, эйсем, эбеди тохумдан, ягны Худайың дири хем бакы галян сөзи аркалы тәзеден догулдыңыз.

1 Şamuwel 3:19

Шамувел улалярды. Онуң айданларының әхлиси хакыкат йүзүнде берҗай болярды, чүнки Реб онуң биленди.