Işaýa 54:13 - Мукаддес Китап

¹³ Әхли чагаларың Ребден таглым аларлар, чагаларыңың абаданчылыгы бейик болар.

Mukaddes Kitap

¹³ Ähli çagalaryň Rebden taglym alarlar, çagalaryňyň abadançylygy beýik bolar.

Işaýa 54:13 ပူးပေါင်းရင်းမြစ်များ

Zebur 71:17

Онуң ады бакы яшасын, Гүн астында онуң ады гүллесин, әхли халклар онда ялкансын, әхли миллетлер оңа, гой, багтлы дийсин.

Işaýa 11:9

Мукаддес дагымда зелел етирилмез, хич ким хеләк эдилмез, бүтин ер йүзи деңзиң сувдан долушы дей, Ребби билмекден долар.

Işaýa 2:3

Көп халклар гелип, шейле диерлер: «Гелиң, Реббиң дагына – Якубың Худайының өйүне чыкалың; ёдаларындан йөрәр ялы, Ол бизе Өз ёлларыны өвредер». Чүнки канун Сиондан, Реббиң сөзи Иерусалимден чыкар.

Işaýa 26:3

Пикири Өзүңе йөнеленлери долы рахатлыкда саклаярсың, чүнки олар Саңа бил баглаярлар.

Işaýa 28:9

«Олар билими киме өвредйәрлер? Хабары киме дүшүндирйәрлер? Сүйтден кесиленлереми? Эмҗекден айрыланларамы?

Işaýa 29:24

Ёлундан азашанлар дүшүнерлер, арз-шикаят эдйәнлер тәлим аларлар».

Işaýa 48:18

Табшырыкларыма гулак асан болсадыңыз, шонда абаданлыгыңыз деря дей, догрулыгыңыз деңиз толкунлары дей боларды.

Işaýa 50:4

Меҗалсызлара сөз билен ярдам эдерим ялы Хөкмүрован Реб маңа дана дил берди. Ол дана адамлар дей диңлесин дийип, гулагымы ояряр хер сәхер.

Işaýa 54:12

Күңрелериңи лагылдан, дервезелериңи җөвхерден, гымматбаха дашлардан эдерин диварларыңы.

Işaýa 55:12

Сиз шатлык билен чыкарсыңыз, парахатлык билен гетирилерсиңиз, даглардыр депелер өңүңизде айдыма гыгырышарлар, бүтин мейданың агачлары-да эл чарпышарлар.

Işaýa 66:12

Реб шейле диййәр: «Мен абаданчылыгы деря дек, миллетлериң байлыгыны дашгын чешме дек оңа угрукдырарын, ол сизи эмдирип, элинде гөтерер, аягында ыралар.

Ýermeýa 31:34

Мундан бейләк хич ким өз гарындашына я-да дост-ярларына: „Ребби танаң!“ дийип өвретмез, себәби оларың улудан-кичә хеммеси Мени танар. Мен оларың этмишлерини багышларын, инди гүнәлерини ятламарын». Муны Реб айдяндыр.

Ýermeýa 33:6

Эмма Мен ол шәхере ене саглык ве шыпа берерин, олары сагалдарын, олара абаданчылык ве парахатлык эчилерин.

Эзекиел 34:25

Мен олар билен парахатчылык әхтини баглашарын, юртдакы йыртыҗы хайванларың соңуна чыкарын. Олар чөлде ховпсуз яшарлар ве токайларда ятарлар.

Эзекиел 34:28

Олар мундан бу яна миллетлериң талаңына дучар болмазлар ве йыртыҗы хайванлар олары иймез. Олар ховпсуз яшарлар, олары горкузан болмаз.

Эзекиел 37:26

Мен олар билен парахатчылык әхтини баглашарын, бу бакы әхт болар. Олары орнашдырып, көпелдерин ве мукаддес өйүми эбедилик оларың ортасында беркарар эдерин.

Hoşeýa 2:18

Шол гүн олар үчин мейдандакы хайванлар, асмандакы гушлар, топракда яшаян сүйрениҗилер билен әхт эдишерин. Юртдан яйы, гылыҗы, сөвеш гошунларыны ёк эдерин. Аман яшадарын олары.

Mika 4:2

Көп миллетлер гелип, шейле диерлер: «Гелиң, Реббиң дагына, Якубың Худайының өйүне чыкалың, ёдаларындан йөрәр ялы, Ол бизе Өз ёлларыны өвредер». Чүнки канун Сиондан, Реббиң сөзи Иерусалимден чыкар.

Закаря 10:7

Эфрайым халкы батырлар кимин болар, шерап ичен дей оларың көңли хош болар. Муны огуллары гөрүп гуванарлар; оларың гөвүнлери Ребде галкынар.

Matta 16:17

Иса Оңа шейле дийди: «Эй, Юнусың оглы Симун, сен нәхили багтлы! Бу сыры саңа аян эден ынсан дәл-де, гөкдәки Атамдыр.

Luka 24:45

Онсоң Мукаддес Язгылара дүшүнмеклери үчин, оларың аңларыны ачды.

Ёханна 16:33

Бу затлары сизе Менде рахатлыгыңыз болсун дийип айтдым. Бу дүнйәде гайгы-гуссаңыз болар, йөне мерт болуң. Мен дүнйәни еңдим!» дийди.

Ёханна 6:45

Пыгамберлериң язгыларында: „Оларың хеммеси Худайдан таглым аларлар“ дийип язылан. Атадан эшидип, Ондан таглым алан хер кес Маңа гелер.

Resul 2:39

Бу вада сизиң өзүңиз ве чагаларыңыз үчин, узакда боланларың әхлиси, ягны Худайымыз Реббиң чагырҗакларының хер бири үчиндир».

Rimliler 14:17

Чүнки Худайың Шалыгы иймек-ичмек дәл-де, Мукаддес Рухуң пешгеш берйән догрулыгы, парахатлыгы ве шатлыгыдыр.

Rimliler 15:13

Мукаддес Рухуң гүйҗи билен умыдыңызың артмагы үчин, умыдың гөзбашы болан Худай иманыңыз аркалы, гой, сизи шатлыкдан ве парахатлыкдан пүрепүр этсин.

Rimliler 5:1

Шейлеликде, биз иманымыз билен акланып, Реббимиз Иса Месих аркалы Худай билен ярашдык.

1 Korintoslylar 2:10

Бизе болса Худай бу даналыгы Өз Рухы аркалы аян этди. Чүнки Мукаддес Рух әхли зады, хатда Худайың чуң пикирлерине дүшүнйәндир.

Галатялылар 5:22

Мукаддес Рухуң мивелери болса шулардыр: сөйги, шатлык, парахатлык, сабырлылык, мәхрибанлык, ягшылык, садыклык,

Efesliler 4:21

Сиз Исаның сөзлерини эшиденсиңиз ве Онуң хакыкатына эсасланып, тәлим алансыңыз.

Filipililer 4:7

Шонда Худайың парахатлыгы йүреклериңизи ве пикирлериңизи Иса Месих аркалы горар. Бу парахатлык ынсан дүшүнерден җуда белентдир.

1 Salonikliler 4:9

Доган сөйгүси барада язып-да отурҗак дәл, себәби бирек-биреги сөймеги сизе Худайың Өзи өвретди ахырын.

Еврейлер 8:10

Ине, ол гүнлерден соң Мениң ысрайыл халкы билен баглашҗак әхтим шудур: Мен канунымы оларың аңына салып, йүреклерине язарын. Мен оларың Худайы боларын, олар-да Мениң халкым болар. Муны Реб айдяндыр.

Еврейлер 8:11

Мундан бейләк хич ким бири-бирине я-да доганына „Ребби танаң!“ дийип өвретмез, себәби оларың улудан-кичә хеммеси Мени танар.

1 Ёханна 2:20

Сизиң хеммәңиз болса хакыкаты билйәнсиңиз, чүнки Иса Месих сизе Мукаддес Рухы берди.

1 Ёханна 2:27

Эмма Месихиң сизе берен Мукаддес Рухы өзүңизде галяндыр, сизе өвретмегиң гереги ёк. Мукаддес Рухуң сизе өвредйән хер бир зады ялан дәл-де, хакыкатдыр. Онуң сизе өвредиши ялы, Месих билен яшамалысыңыз.