Işaýa 48:20 - Мукаддес Китап

²⁰ Бабылдан чыкың, кесетлерден гачың, муны шатлыклы оваз билен аян эдиң, җар эдиң, аңры четине етсин земиниң; «Реб бендеси Якубы азат этди!» дийиң.

Mukaddes Kitap

²⁰ Babyldan çykyň, kesetlerden gaçyň, muny şatlykly owaz bilen aýan ediň, jar ediň, aňry çetine ýetsin zeminiň; «Reb bendesi Ýakuby azat etdi!» diýiň.

Işaýa 48:20 ပူးပေါင်းရင်းမြစ်များ

2 Şamuwel 7:23

Ер йүзүнде Сениң халкың Ысрайыла тай гелҗек халк бармыка?! Өз халкым болсун дийип, Сен оны Мүсүр гулчулыгындан халас этдиң, бейик хем айылганч ишлер билен Өз адыңы шөхрата беслемек үчин бейлеки миллетлери ве оларың худайларыны оларың өңүнден ковуп чыкардың.

Ezra 2:1

Бабыл патышасы Небукаднесар тарапындан есир алнып, Бабыла сүргүн эдилен яхуды несиллери Иерусалиме ве Яхудадакы өз галаларына гайдып гелдилер.

Zebur 126:1

Эгер өйи Реб бина этмесе, оны бина эдйәнлериң азабы пучдур. Эгер шәхери Реб горамаса, гаравулың оя дурмагы пучдур.

Işaýa 12:1

Шол гүн сиз, ысрайыллар шейле диерсиңиз: «Я, Реб Саңа шүкүр эдерин, Сен бизе гахарланан хем болсаң, гахарың совулды, теселли бердиң бизе Сен.

Işaýa 12:4

Шейле диерсиңиз шол гүн: «Реббе шүкүр эдиң, Онуң адына өвгүлер айдың; миллетлериң арасында Онуң ишлерини аян эдиң, Адының бейикдигини җар эдиң.

Işaýa 24:14

Олар сеслерини гаталдып, бегенҗине хешелле какарлар, Реббиң бейиклиги үчин гүнбатардан гыгырышарлар.

Işaýa 26:1

Шол гүн Яхуда юрдунда шу айдым яңланар: «Бизде гүйчли шәхер бар, Худайың халас эдиши диварлардыр сеңңерлер ялыдыр.

Işaýa 42:10

Эй, деңиз сыяхатчылары, деңзиң ичиндәкилер, адалар ве онда яшаянлар, Реббе тәзе айдым айдың, ериң аңры уҗундан өвгүлер айдың!

Işaýa 43:1

Эмма инди, эй, Якуп, сени ярадан, эй, Ысрайыл, сени дөреден Реб шейле диййәр: «Горкма, чүнки Мен сени азат этдим, адыңы тутуп чагырдым, сен Мениңкисиң.

Işaýa 44:22

Языкларыңызы булут кимин, гүнәлериңизи думан кимин айрарын. Маңа долан, чүнки Мен сизи ызыңыза алдым».

Işaýa 48:6

Инди эшиденлериңизиң әхлисини гөрүң; олары ыглан этҗек дәлмисиңиз? Индиден бейләк сизе тәзе затлары, сизиң билмейән, гизлин затларыңызы айдарын.

Işaýa 49:13

Шатлыкдан гыгырың, эй, гөклер! Эй, земин, беген! Айдыма гыгырышың, эй, даглар! Реб Өз халкына теселли берди, эҗир чекйәнлере рехим эдер.

Işaýa 49:6

Ол: «Якубың тирелерини тәзеден дикелтмек үчин, ысрайылың горалып саклананларыны ызына гетирмек үчин бендәм болмагың етерлик дәлдир, сени миллетлере нур эдерин, сениң үстүң билен ериң аңры чәгине ченли халас эдерин» диййәр.

Işaýa 51:14

Есирлер басым азат эдилер, өлмез, габра инмез олар, чөреклери кемлик этмез.

Işaýa 52:10

Әхли миллетлериң гөзлериниң алнында Реб мукаддес билегини чермеди; ериң аңры уҗы Худайымызың халас эдйәндигини гөрер.

Işaýa 52:11

Барың, гидиң, ол ерден чыкың! Харам затлара эл дегирмәң; ол ерден чыкып, тәмизлениң, эй, Реббиң гап-гачларыны гөтерйәнлер!

Işaýa 52:9

Эй, Иерусалимиң харабалары, шатлык билен айдыма гыгырың! Реб Өз халкына теселли берди, Иерусалими азат этди.

Işaýa 62:11

Реб ериң аңры уҗуна ыглан этди: «Сион гызына шейле дий: „Ине, Халасгәриң гелйәр; Онуң сылагы янындадыр“».

Işaýa 63:9

Олар азап чекенде, гынанды Ол. Хузурындан гелен перишде олары халас этди; сөйгүси ве рехими билен азат этди олары; овалдан олары элинде гөтерип гелди.

Ýermeýa 31:10

Реббиң сөзүни диңләң, эй, миллетлер, оны узакдакы кенарларда ыглан эдип дийиң: „Ысрайылы даргадан Худай оны йыгнар, чопаның өз сүрүсини горайшы ялы горар“.

Ýermeýa 31:11

Чүнки Реб Якубы халас эйледи, оны өзүнден гүйчлиниң элинден азат этди.

Ýermeýa 31:21

Өзүң үчин челгилер гой, ёл гөркезйән сүтүнлер дик, ёлуңы, йөрән шаёлуңы говуҗа аныкла. Ызыңа долан, эй, Ысрайыл бой гызы, өз шәхерлериңе тарап өврүл!

Ýermeýa 50:2

«Миллетлер арасында ыглан эдиң, олара эшитдириң, бир байдак дикиң. Хич зады гизлемән, шуны җар эдиң: „Бабыл басылып алынды, Бел худайы утанҗа галды, Меродак худайы бөлек-бөлек эдилди. Онуң хейкеллери масгара болды, неҗис бутлары парчаланды“.

Ýermeýa 50:28

Бабылдан гачып гутуланлар Худайымыз Реббиң өҗүни, Онуң ыбадатханасының өҗүни Сионда ыглан эдйәрлер, Оларың сеслерини эшидиң!

Ýermeýa 50:8

Бабылдан гачып гутулың, бабыллыларың юрдундан чыкың, сүриниң өңүни чекйән эркеч кимин болуң.

Ýermeýa 51:45

Эй, халкым, ол ерден чык, Реббиң гахар-газабындан хеммәңиз җаныңызы халас эдиң.

Ýermeýa 51:48

Онсоң демиргазыкдан гелен ёк эдиҗи оңа хүҗүм эденде, асман, ер ве олардакы әхли зат Бабылың башына гелен затлара шатланып гыгырышар. Муны Реб айдяндыр.

Ýermeýa 51:6

Бабылдан гачың, хер ким җаныны халас этсин! Онуң языгы себәпли хеләк болмаң, чүнки бу Реббиң өч алҗак вагтыдыр, Бабылың алмытыны берҗек Олдур.

Закаря 10:8

Сыкылык чалып, топларын олары, чүнки Мен азат этдим олары. Көпелерлер олар хут өңкүлери ялы.

Закаря 2:10

«Айдым айт, шатлан, эй, Сион гыз! Мен гелип, сизиң араңызда мекан тутҗак. Муны Реб айдяндыр.

Kanun taglymaty 30:4

Хатда сиз дүнйәниң ол четине сүргүн эдилен хем болсаңыз, Худайыңыз Реб сизи ол ерден йыгнап, ызыңыза гетирер.

Аянлык 18:20

Эй, гөклер, шатланың! Эй, Худайың халкы, ресуллар ве пыгамберлер, шатланың! Бабылың сизе эденлери үчин Худай оны җезаландырды».

Аянлык 18:4

Онсоң мен гөкден башга бир сес эшитдим. Ол шейле диййәрди: «Эй, халкым! Онуң гүнәлерине шәрик болмаз ялы, онуң белаларына учрамаз ялы, ол ерден чык.