Işaýa 45:8 - Мукаддес Китап

⁸ Эй, гөклер, ёкардан ягдырың, булутлар догрулык ягдырсын; ер ачылып, гутулыш мивесини берсин, онуң билен бирликде догрулык битсин; булары Мен – Реб яратдым».

Mukaddes Kitap

⁸ Eý, gökler, ýokardan ýagdyryň, bulutlar dogrulyk ýagdyrsyn; ýer açylyp, gutulyş miwesini bersin, onuň bilen birlikde dogrulyk bitsin; bulary Men – Reb ýaratdym».

Işaýa 45:8 ပူးပေါင်းရင်းမြစ်များ

2 Patyşalar 19:25

„Эшитмедиңми нәме сен озалдан шу нетиҗә геленими? Гадымдан бәри муны йүрегиме дүвдүм, инди шу гүн оны амала ашырярын, сен галалары вейран эдерсиң, харабачылыга өврерсиң.

Zebur 68:8

Чүнки Сениң хатыраң үчин масгара болдум, мениң йүзүми утанч бүреди.

Zebur 72:3

Чүнки текепбирлере гөриплик этдим: олар эрбетлик эдйән-де болса, абадан дурмушларының бардыгыны гөрдүм.

Zebur 72:6

Шоңа гөрә текепбирликлери боюнларыны монҗук кимин безейәр, зулум олары эгинбаш кимин бүрейәр.

Işaýa 11:1

Йышайың көтүгинден бир пудак чыкар, көкүнден гөгерен Шаха миве берер.

Işaýa 32:15

Үстүмизе ёкардан Рух дөкүлйәнчә, чөл хасыллы мейдана өврүлйәнчә, мес топраклы ер токая дөнйәнчә шейле болар.

Işaýa 4:2

Шол гүн Реббиң шахасы гөзел, шөхратлы болар; юрдуң мивеси Ысрайылың аман галанларына буйсанч хем абрай болар.

Işaýa 44:24

Сизе ятгыда шекил берен Пенакәриңиз Реб шейле диййәр: «Әхли зады ярадан, гөклери еке Өзи яйрадан, ялңыз Өзи ери язан,

Işaýa 44:3

Мен сувсуз топрага сувлар дөкерин, гуры ерлере чешмелер акдырарын; несиллериңиң үстүне Рухумы, перзентлериңиң үстүне берекедими дөкерин.

Işaýa 46:13

Мен халас этмек үчин якын гелйәрин, узакда дәлдирин, узак эглемерин халас эдишими, Сионы халас эдерин, Ысрайыла шөхратымы берерин.

Işaýa 48:18

Табшырыкларыма гулак асан болсадыңыз, шонда абаданлыгыңыз деря дей, догрулыгыңыз деңиз толкунлары дей боларды.

Işaýa 53:2

Ол Реббиң өңүнде нәзик майса дек, гуры ердәки көк дей өсди; бизиң оңа середеримиз ялы, онда не шекил, не сырат барды, арзувларымыз ялы кешп ёкды.

Işaýa 60:21

Бүтин халкың догручыл болар, олар юрды бакы эеләрлер, Өзүмиң шөхратланмагым үчин, экен нахалым, эллеримиң ишидир олар.

Işaýa 61:11

Топрагың өсүмликлерини өсдүриши дек, багың ичиндәки экиленлери гөгердиши дек, Хөкмүрован Реб-де догрулык билен алкышы әхли миллетлериң өңүнде өсдүрер.

Işaýa 61:3

Сионда яс тутянларың аладасыны этмәге: күлүң дерегине овадан башатгыҗыны, ясың дерегине шатлык ягыны, гамгын рухуң дерегине алкыш донуны бермәге иберди мени. Реббиң шөхратыны гөркезмек үчин экилен догрулык дуб агачлары дийлер олара.

Işaýa 66:22

«Мениң яратҗак тәзе гөгүмиң, тәзе еримиң гөзүмиң алнында дурушлары ялы, сизиң несиллериңиз билен адыңыз-да шейле болар. Хер Тәзе Ай байрамында, хер Сабатда әхли ынсанлар хузурыма гелип, Маңа ыбадат эдерлер». Муны Реб айдяндыр.

Ýermeýa 31:22

Сен хачана ченли икирҗиңленип йөрҗек, эй, бивепа гыз? Реб дүнйәде тәзе зат яратды: аял гораяр эркеги».

Эзекиел 34:26

Мен олара ве дагымың төверегиндәки ерлере берекет индерерин; ягшы өз мөвсүминде ягдырарын, ол ягышлар берекет ягышлары болар.

Hoşeýa 10:12

Өзүңиз үчин догрулык экип, садык сөйги хасылыны оруң. Тарп ериңизи ишләң. Чүнки Реббе дилег этмек вагты гелди. Ол догрулыгы үстүңизе ягдырар.

Ýowel 3:18

Шол гүн шейле болар: Даглардан тәзе шерап дамар, байырлардан сүйт акар, Яхуда җарларының әхлиси сувдан долар. Реббиң өйүнден гөзбаш ярылып, Шитим җүлгесиниң гуры җарларыны гандырар.

Resul 2:33

Инди Иса бейгелдилди ве Ол Худайың сагында отыр. Ол вада эдилен Мукаддес Рухы Ата Худайдан кабул эдип, Оны бизиң үстүмизе ягдырды. Муны сизиң өзүңиз гөрүп ве эшидип дурсуңыз.

Efesliler 2:10

Себәби Худай бизи Иса Месих аркалы яратды. Ол бизи овалдан тайярлап гоян ягшы ишлерини этмегимиз үчин яратды.

Efesliler 4:24

Хакыкы догрулык ве мукаддеслик билен Худайың кешбинде ярадылан тәзе ярадылыша беслениң.