Işaýa 45:21 - Мукаддес Китап

²¹ Билдириң, даваңызы айдың, гой, хеммеси үйшүп маслахатлашсынлар! Муны овалдан айдан ким? Гечмишде аян эден ким? Мен – Реб дәлмидир? Менден башга худай ёкдур, Мен адыл Худай ве Халасгәрдирин, Менден башга хич ким ёкдур.

Mukaddes Kitap

²¹ Bildiriň, dawaňyzy aýdyň, goý, hemmesi üýşüp maslahatlaşsynlar! Muny owaldan aýdan kim? Geçmişde aýan eden kim? Men – Reb dälmidir? Menden başga hudaý ýokdur, Men adyl Hudaý we Halasgärdirin, Menden başga hiç kim ýokdur.

Işaýa 45:21 ပူးပေါင်းရင်းမြစ်များ

Zebur 26:7

Я Реб, дат-перятлы сесими эшит; мерхемет эйле-де, маңа җогап бер.

Zebur 96:10

Эй, Ребби сөййәнлер, яманлыгы йигрениң! Ол садыкларының җанларыны аман саклаяр, олары эрбет адамың элинден халас эйлейәр.

Işaýa 19:20

Бу Мүсүр топрагында Хөкмүрован Реббе аламат ве шаят болар. Олар зулумдарлары зерарлы Реббе перят эденлеринде, Реб мүсүрлилере бир халасгәр хем горагчы ёллап, олары халас эдер.

Işaýa 41:26

Биз билер ялы, ким муны башлангычдан ыглан этди? „Ол мамла“ диеримиз ялы, ким өңүнден хабар берди? Хич ким хабар бермеди, хич ким җар этмеди, хич ким сөзлериңизи эшитмеди.

Işaýa 43:11

Мен, диңе Мен Ребдирин, Менден башга Халасгәр ёкдур.

Işaýa 43:3

Мен сениң Худайың Реб, Ысрайылың Мукаддеси, сениң Халасгәриң. Мен саңа төлег хөкмүнде Мүсүри, сениң ериңе Эфиопияны, Себаны бердим.

Işaýa 43:9

Әхли миллетлер бир ере йыгнансын, халклар топлансын, оларың арасында ким муны ыглан этди? Хайсысы болуп геченлери өңден билдирди? Гүвәлерини гетирип, өзлерини акласынлар, башгалар эшидип: „Бу догры“ дийсинлер.

Işaýa 45:14

Реб шейле диййәр: «Мүсүриң байлыгы, Эфиопия сөвдасы, узын бойлы сабалылар саңа гелерлер, сениңки болар. Гандаллы гуллар яныңа гелип, сениң ызыңа эерерлер, саңа тагзым эдип ялбарарлар: „Худай диңе сениң билендир, башгасы ёкдур; Ондан башга худай ёкдур“».

Işaýa 45:18

Гөклери ярадан, Ол Худай, дүнйәни ярадан, оңа шекил берен, оны беркиден, бош болмасын, адамлы болсун диен Реб шейле диййәр: «Мен Ребдирин, Менден башга хич ким ёкдур».

Işaýa 45:25

Ысрайылың бүтин несли Ребде акланар, шөхратланар.

Işaýa 45:5

Мен Ребдирин, башгасы ёкдур, Менден башга Худай ёкдур. Мени танамасаң-да, саңа Мен гүйч берерин. Гүндогардан гүнбатара деңеч Менден башганың ёкдугыны билсинлер дийип, Мен гүйч берерин саңа.

Işaýa 48:14

Хеммәңиз топланың, диңләң! Бутларың хайсысы булары өңден аян этди? Реб бирини сайлап-сечер, ол Реббиң Бабыла гаршы максадыны амала ашырар, онуң голы бабыллылара гаршы болар.

Işaýa 48:3

«Гечмишдәкилери овалдан Мен беян этдим, Мениң агзымдан чыкды, Мен олары билдирдим; дуйдансыз шейле этдим, олар берҗай болды.

Işaýa 60:16

Миллетлериң сүйдүни эмерсиң, Сорарсың шаларың гөвсүн. Шонда сен Мен Реббиң Халасгәриңдигими, Пенакәриңдигими, Якубың Гудратлы Худайыдыгымы билерсиң.

Işaýa 63:1

Эдомдан, Босрадан гырмызы эшикли гелйән бу ким? Шөхратлы лыбас ичинде бейик гудрат билен йөриш эдйән бу ким? «Дабара билен геплейән, халас этмәге гүйҗи етйән Мендирин!»

Ýermeýa 50:2

«Миллетлер арасында ыглан эдиң, олара эшитдириң, бир байдак дикиң. Хич зады гизлемән, шуны җар эдиң: „Бабыл басылып алынды, Бел худайы утанҗа галды, Меродак худайы бөлек-бөлек эдилди. Онуң хейкеллери масгара болды, неҗис бутлары парчаланды“.

Hoşeýa 13:4

«Сени Мүсүрден чыкаран Худайың Реб Мендирин. Менден башга худайы танамалы дәлсиң. Менден башга халасгәр ёкдур!

Сепаня 3:17

Худайыңыз Реб, еңиш берйән Сөвешиҗи сизиң араңызда. Реб сизе гуванып шатланар, Ол сөйгүсинде сизе тәзе дурмуш берер, нагмалар билен Онуң сизе йүреги җошар».

Сепаня 3:5

Иерусалимиң ичинде болан Реб догручылдыр, Ол хич хачан адалатсызлык этмез. Хер гүн ир сәхер билен адалатлы гараяр Ол Өз халкына, Эмма пис киши пислигини эдип, утанманы билмейәр.

Закаря 14:7

Ол диңе Реббе аян болан айратын бир гүн болар. Ол не гүндизе меңзәр, не-де гиҗә; агшамына ягты болар.

Закаря 14:9

Реб тутуш ер йүзүниң Шасы болар. Шол гүн Реб еке-тәк Реб болар ве Онуң ады еке-тәк ат болар.

Закаря 9:9

Шатлан, эй, Сион гыз, шатлан! Эй, Иерусалим гызы, белент оваз билен гыгыр! Ине, Патышаң саңа тарап гелйәр. Адыл хем еңиҗидир Ол! Ол бир эшеге, эшегиң-де тайхарына мүнүп, пес гөвүнлилик билен саңа гелйәр.

Resul 15:18

булар гадымдан мәлимдир“.