Işaýa 30:18 - Мукаддес Китап

¹⁸ Реб сизе мерхемет этҗек болуп гарашяр, ёкарда сизе рехим этмәге хәзир, чүнки Реб адалат Худайыдыр; Оңа интизарлар нәхили багтлы!

Mukaddes Kitap

¹⁸ Reb size merhemet etjek bolup garaşýar, ýokarda size rehim etmäge häzir, çünki Reb adalat Hudaýydyr; Oňa intizarlar nähili bagtly!

Işaýa 30:18 ပူးပေါင်းရင်းမြစ်များ

Eýýup 35:14

Худайы гөрмейәрин дийсең-де, даваң Онуң өңүндедир, Оңа гараш.

Zebur 2:12

Оглы өпүң, ёгса ол газаба мүнер, сиз хем хеләк боларсыңыз өз ёлуңызда, чүнки тиз туташяр онуң газабы. Оны пена эдинйәнлериң әхлиси багтлы.

Zebur 34:8

Гой, хеләкчилик дуйдансыз олаң башына инсин, гизлин гуран дузакларына өзлери дүшсүн, хеләкчилиге учранда, гой, шоңа дүшсүн.

Zebur 84:12

Вепадарлык ерден гөгерер, догрулык-да асмандан гарар.

Zebur 99:4

Дервезелеринден гириң шүкүрлер билен, ховлуларына – өвгүлер билен. Оңа шүкүр эдиң, адына алкышлар айдың.

Müsürden çykyş 34:6

Реб Мусаның өңүнден гечип, шуны җар этди: «Мен Ребдирин, Ребдирин! Рехимли ве мерхеметли Худайдырын. Мен гиң гөвүнли, өрән вепалы, садык сөйгә байдырын.

Süleýmanyň pähimleri 16:20

Сөзе үнс берйән ровач тапар, Реббе ынанян болса багтлыдыр.

Işaýa 18:4

Реб маңа шейле дийди: «Гүнүң ховурлы ыссысы дек, хасыл вагтындакы чыглы булут дек, месгенимден үмсүм середерин».

Işaýa 2:11

Халкың гедем бакышлары песелдилер, ынсан текепбирлиги эглер, шол гүн диңе Реб бейгелдилер.

Işaýa 2:17

Ынсан мен-менлиги, хем гедемлиги песелдилер, шол гүн диңе Реб бейгелдилер.

Işaýa 25:9

Шол гүн шейле дийлер: «Ине, Худайымыз будур, биз Оңа умыт багладык, Ол бизи халас этди. Бизиң умыт баглан Реббимиз будур; халас боланымыз үчин бегенелиң, шатланалың!»

Işaýa 28:17

Адалаты өлчег йүпи, догрулыгы терези эдерин; долы ягып яланчылык пенасыны сүпүрип әкидер, сувлар басар гачыбаталганы.

Işaýa 33:2

Я Реб, бизе мерхемет эт! Биз Саңа умыт баглаярыс. Сәхерлерине гүйч бер, хасратлы пурсатларда бизи халас эт!

Işaýa 33:5

Бейикдир ёкарда отуран Реб, адалатдан, догрулыкдан долдуряр Ол Сионы.

Işaýa 40:31

Эмма Реббе умыт баглаянлар тәзеден гүйч топларлар, бүргүтлер дек ганат яйып беленде галарлар, йүврерлер, йөне ядамазлар, йөрәрлер, йөне ысгындан гачмазлар.

Işaýa 42:14

Мен узак вагтлап дымдым, үмсүм болуп, Өзүми сакладым; инди догурян аял дек чыгырарын, соҗап дем аларын.

Işaýa 42:16

Көрлери билмейән ёлларындан әкидерин, идерин таныш болмадык ёдаларындан, өңлеринде гараңкылыгы ягтылыга, чаркандаклы ерлери текиз ере өврерин. Мендирин булары этҗек, олары терк этмерин.

Işaýa 48:9

Өз адымың хатырасына гахарымы ятырярын, гахарымы саклаярын Өз хорматымың хатырасына, ёк эдердим сизи ёгсам.

Işaýa 5:16

Эмма Хөкмүрован Реб адалатлылыкда бейгелдилер, Мукаддес Худай догрулыкда Өз мукаддеслигини гөркезер.

Işaýa 55:8

«Мениң пикирлерим сизиң пикирлериңиз дәл, сизиң ёлларыңыз Мениң ёлларым дәл». Муны Реб айдяндыр.

Işaýa 57:16

Мен хемише айыплап, элмыдама гахарланмарын; ёгсам ярадан ынсанымың рухы, җаны тапдан дүшер.

Işaýa 61:8

«Мен – Реб адалаты сөййәндирин, талаңчылыгы, нәхаклыгы йигренйәндирин. Олара муздларыны такык берерин, олар билен эбеди әхт баглашарын.

Işaýa 64:4

Өзүне умыт баглаянлар үчин шейле ишлери эден Худайы овалдан бәри не гулак эшидипди, не-де гөз гөрүпди.

Işaýa 8:17

Мен Якубың несиллеринден йүзүни гизлейән Реббе интизар, Оңа умыт багларын.

Ýermeýa 17:7

Реббе бил баглан, Реббе даянан адам нәхили багтлы!

Ýermeýa 42:7

Он гүнден соң, Ермея Реббиң сөзи аян болды.

Даныел 12:12

Гарашып, бир мүң үч йүз отуз бәш гүне етен адам нәхили багтлы!

Hoşeýa 1:7

Яхуда өйүне велин рехим эдерин. Мен олары яй, гылыч, уруш, атлар я атлыларың үсти билен дәл-де, өзлериниң Худайы Реббиң гүйҗи билен халас эдерин».

Hoşeýa 2:14

«Шонуң үчин хәзир оны ынандырып, чөле алып барарын, онуң йүрегини авларын.

Hoşeýa 5:15

Олар гүнәлерини боюн алып, Мениң хузурымы йүрекден агтарянчалар, хасратлы ягдайда мени ызлаянчалар, Мен өз меканыма гидерин».

Malaky 2:17

Сиз сөзлериңиз билен Ребби ириздиңиз. «Оны нәдип ириздик?» дийип сораярсыңыз. «Яманлык эдйән хер бир адам Реббиң назарында говудыр ве Реб олардан хошалдыр» я-да «Ханы, адалат Худайы ниреде?» дийип ириздиңиз.

Luka 15:20

Йигит какасының янына уграяр. Оглы энтек узакдака, какасы оны гөрйәр. Оңа йүреги аваяр, ылгап барып оглуның бойнундан гуҗаклап, оны огшаяр.

Luka 2:25

Шол вагт Иерусалимде Шимгон атлы бир догручыл ве таква адам яшаярды. Ол ысрайыл халкының азат эдилмегине гарашярды, Мукаддес Рух онуң үстүндеди.

Resul 5:31

Худай Ысрайыла тоба этдирип, гүнәлерини багышламак үчин, бу Адамы Баштутан хем Халасгәр эдип, Оны бейгелтди ве Өз сагында отуртды.

Rimliler 5:20

Гүнәниң месе-мәлим болмагы үчин, Канун ара гирди. Йөне адамлар гүнәни көпден-көп этдигисайы, Худайың мерхемети хас-да артды.

Rimliler 9:22

Худай Өз гудратыны гөркезмек үчин, хеләкчилиге доглан адамларың үстүне газабыны дөкүп билйәр. Йөне Ол Өзүни газапландырян адамлара улы сабыр-такатлык эдйәндир!

Efesliler 1:6

Сөвер Оглы аркалы бизе болдан-бол эчилен шөхратлы мерхемети үчин Худая өвгүлер болсун!

Efesliler 1:8

Шейле хем, бу мерхемети аркалы Ол бизи тутуш акылдарлыгы ве дүшүнҗеси билен гуршап алды.

Kanun taglymaty 32:4

Ол Гаядыр, ишлери кәмилдир, бүтин ёллары хакдыр. Вадасында дурян Худайдыр. Догры хем адылдыр.

Ýakup 5:11

Билшиңиз ялы, биз чыдамлылык гөркезенлере багтлы диййәрис. Сиз Эйюбың чыдамлылыгы хакда эшиденсиңиз, иң соңунда онуң үчин Реббиң нәмелер эдендигини-де билйәнсиңиз. Хава, Реб мерхеметли ве рехим-шепагатлыдыр.

2 Petrus 3:15

Шейле хем шуны ятда саклаң, Реббимиз сизиң халас болмагыңыз үчин сабыр эдйәр. Сөйгүли доганымыз Павлус хем өзүне берлен акылдарлык боюнча сизе бу хакда языпды.

2 Petrus 3:9

Кәбирлери Реб Өз берен вадасыны берҗай этмеги гиҗикдирйәр дийип хасап этселер-де, Ол гиҗикдирмез. Реб сизиң үчин сабыр эдйәндир, себәби Ол хич кимиң хеләк болман, хеммелериң тоба этмегини ислейәр.

1 Şamuwel 2:3

Буйсанчдан долы сөзлерден эл гөтер. Улумсылык билен геп урма, чүнки әхли иш Реббе аяндыр. Хеммесине казылык эдйән Шолдур.