Işaýa 26:15 - Мукаддес Китап

¹⁵ Я Реб, Сен миллети көпелтдиң! Миллети көпелдип, Өзүңе шөхрат газандың; юрдуң әхли чәклерини гиңелтдиң.

Mukaddes Kitap

¹⁵ Ýa Reb, Sen milleti köpeltdiň! Milleti köpeldip, Özüňe şöhrat gazandyň; ýurduň ähli çäklerini giňeltdiň.

Işaýa 26:15 ပူးပေါင်းရင်းမြစ်များ

Gelip çykyş 12:2

Сенден бейик миллет ярадып, Мен сени ялкарын, адыңы арша гөтерерин, башгалар сен аркалы ялканарлар бири-бирлерине пата берерлер.

Gelip çykyş 13:16

Сениң неслиңи эдил ериң чәгелери кимин сан-саҗаксыз эдерин. Эгер ериң чәгелери саналып билинйән болса, онда сениң неслиң-де саналып билнер.

1 Patyşalar 8:46

Олар Саңа гаршы гүнә этселер, – гүнә этмейән адам ёкдур – Сен газапланып, олары душман элине берсең, душман олары есир эдип, якыну-узак юрда әкитсе,

2 Patyşalar 17:6

Хошеяның шалыгының докузынҗы йылында Ашур патышасы Самарияны басып алып, ысрайыллары Ашура есир эдип әкитди ве олары Халада, Хабор дерясының якасындакы Гозанда ве Мадай галаларында ерлешдирди.

2 Patyşalar 23:27

Реб шейле дийди: «Мен Ысрайылы хузурымдан ёк эдишим ялы, Яхуданы-да хузурымдан ёк эдерин. Мен сайлан шәхерим Иерусалими ве „Маңа шу ерде ыбадат эдилер“ диен өйүми-де терк эдерин».

Нехемя 9:23

Несиллерини гөгүң йылдызлары кимин көпелдип, олары эелемәге барарсыңыз дийип аталарына айдан юрдуңа гетирдиң.

Eýýup 12:23

Миллетлери бейгелдип, ызысүре ёк эдйәр, миллетлери артдырып, олары сүргүн эдйәр.

Işaýa 10:22

Халкың Ысрайыл деңиз якасындакы чәге дей көп болса-да, онуң диңе аман галанлары Худая доланарлар. Карар эдилен хеләкчилик догрулык билен амала ашырылар.

Işaýa 33:17

Гөзүңиз патышаны гөзеллигинде гөрер, узаклара узаян юрды гөрер.

Işaýa 40:5

Шонда Реббиң шөхраты аян болар, әхли ынсанлар оны бирликде гөрерлер, муны айдян Ребдир».

Işaýa 44:23

Айдым айдың, эй, гөклер, чүнки муны Реб этди; гыгырышың, эй, ериң чуңлуклары; эй, даглар, җеңңел ве ондакы агачлар шатлыкдан айдым айдың, чүнки Якубы Реб азат этди, Ысрайылда Өзүни шөхратландырды.

Işaýa 6:12

Реб хеммелери узаклара ковуп, юрдуң ичинде терк эдилен ерлер көпелйәнчә,

Işaýa 60:21

Бүтин халкың догручыл болар, олар юрды бакы эеләрлер, Өзүмиң шөхратланмагым үчин, экен нахалым, эллеримиң ишидир олар.

Işaýa 9:3

Миллети көпелтдиң Сен, артдырдың оларың шатлыгын, хасылда шатланышлары дей, Сениң өңүңде гуванярлар, олҗа пайлашян дей галкынышярлар.

Ýermeýa 30:19

Олардан шүкүр хем шатлык сеслери гелер. Мен олары көпелдерин, олар азалмаз, олара хормат гойдурарын, олар песелмез.

Ýermeýa 32:37

„Мен халкымы гахар-газабым, отлы газабым билен даргадан юртларымдан йыгнарын. Олары бу ере ызларына гетирерин ве ховпсузлыкда яшадарын.

Эзекиел 36:24

Мен сизи миллетлериң арасындан ызыңыза аларын, әхли юртлардан йыгнап, өз юрдуңыза гетирерин.

Эзекиел 5:12

Сизиң үчден бир бөлегиңиз мергиден, ене үчден бир бөлегиңиз даш-төверегиңиздәки гылычдан өлер; бейлеки үчден бир бөлегиңизи болса елиң чар тарапына совруп, гылыҗымы ялаңачлап, ызыңыздан коваларын.

Çölde 23:10

Якубың несиллерини ким санап билер? Ысрайылың дөртден бирини ким хасаплап билер? Маңа-да догручыл адамларың өлүши дек өлмәге, өмрүмиң ысрайылыңкы дей гутармагына ругсат эт!»

Luka 21:24

Олар гылычдан гечирилер, есир алнып, әхли миллетлериң арасына сүргүн эдилер. Кесеки миллетлер өзлериниң мөхлети долянча, Иерусалими ер билен егсан эдерлер.

Ёханна 15:8

Сиз көп миве берип, Мениң шәгиртлеримдигиңизи гөркезерсиңиз. Бу аркалы Атам шөхратланар.

Ёханна 17:1

Бу затлары айдансоң, Иса гөзлерини гөге дикип, шейле дийди: «Эй, Атам, пурсат гелди. Оглуңы шөхратландыр, Оглуң хем Сени шөхратландырсын.

Kanun taglymaty 10:22

Сизиң ата-бабаларыңыз Мүсүре гиденде етмиш адамды. Ине, хәзир болса Худайыңыз Реб сизиң саныңызы асмандакы йылдызлар дей көпелтди.

Kanun taglymaty 28:25

Реб сизи душманларыңызың өңүнде еңлише сезевар эдер. Сиз оларың гаршысына бир тарапдан хүҗүм этсеңиз, ызыңыза гачаныңызда чар тарапа гачарсыңыз. Башыңыздан инен бела-бетерлер ер йүзүндәки әхли шалыклары ховсала салар.

Kanun taglymaty 28:64

Реб сизи ериң бир уҗундан бейлеки уҗуна ченли әхли халкларың арасына даргадып гойберер. Ол ерде сиз өзүңизиң-де, ата-бабаларыңызың-да танамадык ве билмедик агачдан ве дашдан ясалан башга худайлара гуллук эдерсиңиз.