Işaýa 24:5 - Мукаддес Китап

⁵ Илатлар харама чыкарды дүнйәни, олар канунлардан чыкдылар, парзлары сакламадылар, эбеди әхти боздулар.

Mukaddes Kitap

⁵ Ilatlar harama çykardy dünýäni, olar kanunlardan çykdylar, parzlary saklamadylar, ebedi ähti bozdular.

Işaýa 24:5 ပူးပေါင်းရင်းမြစ်များ

2 Şamuwel 23:5

Мениң неслим хем Худайың өңүнде шейле дәлми нәме?! Себәби Ол мениң билен бакы әхт баглашды, бу әхт тертип-дүзгүнли ве бозулмаздыр. Мениң халас болмагым, арзувларым Оңа баглы дәлми нәме?!

2 Patyşalar 21:12

Шонуң үчин-де Ысрайыл Худайы Реб шейле диййәр: „Ине, Мен Иерусалимиң ве Яхуданың башына шейле бир бетбагтчылык гетирерин велин, ол барада эшиден хер кишиниң йүреги ярылар.

2 Patyşalar 21:15

Чүнки олар Мениң йигренйән ишлерими эдип, аталарының Мүсүрден чыкан гүнүнден, тә шу гүне ченли Мени газапландырып гелдилер“».

2 Йыл язгылары 33:9

Манаша Яхуданың ве Иерусалимиң илатыны шейле бир аздырды велин, олар Реббиң ысрайыл халкының өңүнден ковуп чыкаран миллетлеринден хем хас көп пис ишлери этдилер.

Zebur 105:10

Олары душман элинден халас эйледи, олары ягының пенҗесинден Ол азат этди.

Zebur 55:5

Худайы Онуң вадасы үчин шөхратландырярын, Оңа бил баглап, горкмаярын мен; ынсан маңа нәме эдип билсин?

Işaýa 10:6

Оны худайсыз миллетиң гаршысына, газапланан халкымың гаршысына иберйәрин, оңа таламагы, таланыны олҗа алмагы, олары көчелериң палчыгы кимин аяк астына алмагы буюрдым.

Işaýa 30:9

Бу питнечи халк, хилегәр огуллар, Реббиң өвүдине гулак гоймаян огуллардыр.

Işaýa 33:8

Шаёллар чоларяр, ёлагчылар ол ёлдан гечмез. Шертнама бозуляр, антларыны рет эдйәрлер, ынсанлары әсгермейәрлер.

Işaýa 50:1

Реб шейле диййәр: «Эҗеңиз талак зерарлы гитдими? Эйсем бергидар болуп сатдыммы сизи? Ине, сиз өз этмишлериңиз себәпли сатылдыңыз, сизиң языкларыңыз зерарлы эҗеңиз ковулды.

Işaýa 9:17

Мунуң үчин Реб оларың яшларына гуванмаз, рехим этмез етимине, дул хатынына, чүнки хер кес худайсыз хем пис, хеммәниң агзындан акмак сөз чыкяр. Булара гарамаздан, Реббиң газабы сөнмәнди, эли шинди җеза бермәге тайын.

Ýermeýa 11:10

Олар ене-де сөзлериме гулак асмак ислемедик ата-бабаларының этмишлерине тарап доландылар. Башга худайларың ызына дүшүп, олара гуллук этдилер. Ысрайыл ве яхуда халкы өзлериниң ата-бабалары билен эден әхтими боздулар.

Ýermeýa 50:5

Олар йүзлерини Сиона тарап өврүп, оңа гидйән ёлы сорарлар. „Гелиң, унудылмаҗак эбеди әхт аркалы Реб билен бирлешелиң“ диерлер.

Эзекиел 16:59

Хава, Хөкмүрован Реб шейле диййәр: «Сен эден әхтиңи бозуп, ичен антыңы харладың. Мен-де сени эдил өз эдишиң ялы эдерин.

Эзекиел 20:13

Йөне ысрайыл халкы чөлде Мениң гаршыма гозгалаң турузды. Мениң парзларымы, хөкүмлерими берҗай эден адам аман галса-да, олар канунларымы ерине етирмедилер. Хөкүмлерими рет этдилер, мукаддес Сабат гүнүмиң канунларыны бүтинлей харладылар. Онсоң Мен чөлде гахар-газабымы башларындан индерип, олары ёк этҗекдигими айтдым.

Эзекиел 20:24

Оларың гөзлери ата-бабаларының бутларының ызындадыгы үчин, хөкүмлерими ерине етирмедилер, парзларымы рет этдилер ве мукаддес Сабат гүнүмиң канунларыны харладылар.

Эзекиел 37:26

Мен олар билен парахатчылык әхтини баглашарын, бу бакы әхт болар. Олары орнашдырып, көпелдерин ве мукаддес өйүми эбедилик оларың ортасында беркарар эдерин.

Даныел 7:25

Ол Бейик Худая гаршы күпүр гепләр, Бейик Худайың мукаддес адамларыны эзер. Байрамчылык сенелерини ве кануныны үйтгетмәге дырҗашар. Онсоң булар бир вагта, ики вагта, ярым вагта ченли бу патышаның элине берлер.

Даныел 9:10

Худайымыз Реббиң сөзүне гулак асмадык, Онуң гуллары болан пыгамберлер аркалы бизе берен канунлары билен йөремедик.

Даныел 9:5

Сениң буйрукларыңдан ве хөкүмлериңден йүз өврүп, гүнә газандык, азгынлык этдик, эрбетлик эдип, Сениң гаршыңа баш галдырдык.

Hoşeýa 6:7

Олар Адам ата ялы, әхти боздулар, ол ерде маңа бивепалык этдилер.

Lewiler 20:22

Месген тутмагыңыз үчин алып барян юрдумың сизден йүз дөндермези ялы, сиз Мениң парзларымы ве хөкүмлерими саклап, олары берҗай эдиң.

Lewiler 26:35

Ол ерде яшаяркаңыз Сабат гүнлериңиз бош ятмадык ер, шу вагт сиз есирликдекәңиз, бош ятсын.

Mika 2:10

Туруң, гидиң, чүнки бу ер дынчлык ери дәлдир! Мурдарлыгыңыз зерарлы бу ер залымлык билен вейран эдилер.

Luka 1:6

Бу әр-аялың икиси-де Худайың өңүнде догручыл адамлар болуп, олар Реббиң әхли буйрукларыдыр парзларыны биркемсиз берҗай эдердилер.

Kanun taglymaty 32:15

Йөне Ешурун семреди, депмәге башлады. Гарныны яг алып агырлашды. Өзүни ярадан Худайындан йүз өвүрди, рет этди Халасгәр Гаясыны.

Kanun taglymaty 32:20

Ол дийди: „Гизләйин олардан йүзүми, соңуны гөрейин оларың. Чүнки бидерек несилдир олар, бивепа перзентлердир.

Еврейлер 13:20

Ислегини амала ашырмагымыз үчин, гой, парахатлык берйән Худай бизи әхли герекли затлар билен үпҗүн этсин. Ол Реббимиз Исаны эбедилик әхт баглашян ганы аркалы өлүмден дирелтди ве Оны Өз халкының бейик Чопаны эдип белледи. Гой, Худай Өзүни хошнут эдйән ишлери этмегимиз үчин, Иса Месих аркалы бизи кәмиллешдирсин. Иса Месихе бакы шан-шөхрат болсун! Омын.

Еврейлер 9:1

Биринҗи әхт дөврүнде сежде этмегиң када-канунлары ве дүнъеви Мукаддес чадыр барды.

Ýeşuwa 23:16

Эгер-де сиз өзүңизе берҗай этмек үчин берлен Худайыңыз Реббиң әхтини бозсаңыз ве башга худайлара гуллук эдип, олара сежде этсеңиз, онда Реббиң гахар-газабы сизиң гаршыңыза туташар. Сиз Реббиң берен бу оңат еринде шобада хеләк боларсыңыз».

Ýeşuwa 24:25

Шейлеликде, Ешува шол гүн адамлар билен әхт баглашды ве Шекемде олар үчин парзлар ве дүзгүнлер чыкарды.