Işaýa 18:7 - Мукаддес Китап

⁷ Шол вагт юртлары дерялар билен бөлүнйән, узын бойлы, овадан беденли миллет, хер яна горкы сачан халк, хайбатлы хем басыбалыҗы миллет, Хөкмүрован Реббе, Хөкмүрован Реббиң адыны гоян ере, Сион дагына совгатлар гетирер.

Mukaddes Kitap

⁷ Şol wagt ýurtlary derýalar bilen bölünýän, uzyn boýly, owadan bedenli millet, her ýana gorky saçan halk, haýbatly hem basybalyjy millet, Hökmürowan Rebbe, Hökmürowan Rebbiň adyny goýan ýere, Sion dagyna sowgatlar getirer.

Işaýa 18:7 ပူးပေါင်းရင်းမြစ်များ

2 Йыл язгылары 32:23

Иерусалиме көп адамлар гелип, Реббе садакалар, Яхуда патышасы Хизкия гымматбаха совгатлар гетирдилер. Шондан соң, Хизкия әхли миллетлериң назарында бейгелди.

Zebur 68:32

Бу хас көп ярар Реббиң гөвнүне шахлы, тойнаклы өкүзден я-да бугадан.

Işaýa 16:1

Сәхра ёлы билен Селадан Сион гызының дагына, юрдуң хөкүмдарларына гузулары ёллаң.

Işaýa 18:2

Ол Нил дерясының үсти билен гамыш гәмилеринде илчилерини ёллаяр. Эй, йылдам чапарлар, юртлары дерялар билен бөлүнйән, узын бойлы, овадан беденли миллете, хер яна горкы сачан халка, хайбатлы хем басыбалыҗы миллете гидиң!

Işaýa 18:4

Реб маңа шейле дийди: «Гүнүң ховурлы ыссысы дек, хасыл вагтындакы чыглы булут дек, месгенимден үмсүм середерин».

Işaýa 45:14

Реб шейле диййәр: «Мүсүриң байлыгы, Эфиопия сөвдасы, узын бойлы сабалылар саңа гелерлер, сениңки болар. Гандаллы гуллар яныңа гелип, сениң ызыңа эерерлер, саңа тагзым эдип ялбарарлар: „Худай диңе сениң билендир, башгасы ёкдур; Ондан башга худай ёкдур“».

Mika 4:13

Реб шейле диййәр: «Эй, Сион гызы! Тур, дөвек дөв! Шахыңы демирден, тойнакларыңы бүрүнчден эдерин Мен. Онсоң сен көп халклары эзерсиң. Оларың әхли газананларыны, байлыкларыны Маңа – бүтин әлемиң Хөкүмдарына багыш эдерсиң».

Habakuk 1:7

Айылганч хем горкунчдырлар, өз дүзгүнлерине гөрә херекет эдйәрлер.

Сепаня 3:10

Дагынык болуп, Маңа сыгынан халкым Эфиопия дерясының аңры тарапындан Маңа садака гетирер.

Malaky 1:11

Гүндогардан гүнбатара ченли миллетлер арасында Мениң адым бейик болар! Әхли ерде Мениң адыма якымлы ыслы түтетги якылып, пәк садакалар хөдүрленер. Чүнки миллетлер арасында Мениң адым бейик болар. Муны Хөкмүрован Реб айдяндыр.

Matta 2:11

Олар өе гирип, чага билен эҗеси Меръеми гөрдүлер. Шонда дыза чөкүп, Оңа сежде этдилер-де, хазыналарыны ачып, алтын, хошбой түтетгилер ве мүр совгат бердилер.