Işaýa 14:1 - Мукаддес Китап

¹ Эмма Реб Якубың неслине рехим эдер, Ысрайылы ене сайлар ве олары өз юрдунда орнашдырар. Кесекилер олара гошулып, ысрайыл халкына бирлешерлер.

Mukaddes Kitap

¹ Emma Reb Ýakubyň nesline rehim eder, Ysraýyly ýene saýlar we olary öz ýurdunda ornaşdyrar. Kesekiler olara goşulyp, ysraýyl halkyna birleşerler.

Işaýa 14:1 ပူးပေါင်းရင်းမြစ်များ

Ester 8:17

Хер велаятда, хер шәхерде, патышаның табшырыгының, перманының говшан әхли еринде яхудылар шатланып, бегенип, той-мейлис, байрам этдилер. Яхудылардан горкуларына юрдуң халкларының көпүси яхудылара гошулдылар.

Zebur 102:13

Атаның өз огулларына рехим эдиши кимин, Реб хем Ондан горкянлара эдйәр рехими.

Zebur 102:14

Чүнки ничик ярадыландыгымызы Ол билйәр, бизиң бир топракдыгымыз ядына дүшйәр.

Zebur 143:12

Огулларымыз яш чагында, өсүмлик дей паҗарлап өссүн. Гызларымыз көшгүң хашамланан сүтүнлери дей болсун.

Zebur 98:3

Гой, олар өвсүнлер Сениң бейик, горкунч адыңы, Сен – мукаддес хем-де гудратлы!

Işaýa 19:18

Шол гүн Мүсүрде бәш шәхер кенган дилинде гепләп, Хөкмүрован Ребден ант ичерлер. Оларың бири Хеләкчилик Шәхери дийип атландырылар.

Işaýa 21:1

Деңиз янындакы чөл хакда пыгамберлик: Түвелейлериң гүнортадан гелши дей, басыбалыҗы-да горкунч юртдан, чөлден гелер.

Işaýa 27:6

Гелҗекде Якуп көк урар, Ысрайыл гунчалап гүлләр, ер йүзүни миведен долдурар.

Işaýa 41:8

Эмма сени, эй, бендәм Ысрайыл, Өз сайланым Якуп, достум Ыбрайымың несиллери,

Işaýa 41:9

ериң аңры уҗундан топладым, узак ерлерден чагырып: „Сиз Мениң бендәмсиңиз, Мен сизи сайладым, терк этмедим“ дийдим.

Işaýa 44:1

«Эмма инди, эй, бендәм Якуп, сайлан Ысрайылым, гулак гой!

Işaýa 45:14

Реб шейле диййәр: «Мүсүриң байлыгы, Эфиопия сөвдасы, узын бойлы сабалылар саңа гелерлер, сениңки болар. Гандаллы гуллар яныңа гелип, сениң ызыңа эерерлер, саңа тагзым эдип ялбарарлар: „Худай диңе сениң билендир, башгасы ёкдур; Ондан башга худай ёкдур“».

Işaýa 47:1

«Эй, бойы етен Бабыл гызы, ашак дүш-де, тоза чөк! Эй, кесетлер гызы, ерде отур, тагтың ёкдур! Нәзик, мылайым, дийилмез инди саңа.

Işaýa 49:10

Аҗыкмазлар, сувсамазлар, җөвза хем Гүн олары якмаз, чүнки олара рехим эдениң Өзи ёл гөркезер, олары сув чешмелерине гетирер.

Işaýa 49:13

Шатлыкдан гыгырың, эй, гөклер! Эй, земин, беген! Айдыма гыгырышың, эй, даглар! Реб Өз халкына теселли берди, эҗир чекйәнлере рехим эдер.

Işaýa 49:15

Эмдирйән эне баласыны унудып билерми? Өзүнден өнен чага рехим этмезми? Хатда эне өз баласыны унутса-да, Мен сени унутмарын.

Işaýa 49:25

Эмма Реб шейле диййәр: «Хава, гүйчлиниң есирлери ызына алнар, залымың олҗасы элинден азат эдилер; Мен саңа гаршы дурана гаршы дуруп, чагаларыңы халас эдерин.

Işaýa 49:7

Ынсаның кемсидйәнине, халкың йигренйәнине, хөкүмдарларың гулуна Ысрайылың Пенакәри, онуң Мукаддеси Реб шейле диййәр: «Патышалар сени гөрүп, аяга галарлар, хөкүмдарлар ики бүкүлип тагзым эдерлер, Ысрайылың Мукаддеси, сени сайлан Реб садыкдыр».

Işaýa 54:3

Сен сага-сола яйыларсың, несиллериң миллетлери эеләп, чола шәхерлерде орнашарлар.

Işaýa 55:7

Пислер өз ёлларындан, эрбетлер өз пикирлеринден дәнип, Реббе доланып барсынлар, Реб олара рехим эдер; Худайымыза долансынлар, Ол гаты гечиримлидир.

Işaýa 56:3

Гой, Реббе бил баглаян кесеки: «Реб мени Өз халкындан айрар» диймесин, Агта: «Ине, мен бир гуры агачдырын» диймесин.

Işaýa 60:10

Кесекилер диварларыңы дикерлер, оларың шалары саңа хызмат эдерлер; газабымда сени җезаландырдым, йөне мәхримде рехим этдим саңа.

Işaýa 60:14

Саңа эзъет беренлериң несиллери гелип, тагзым эдерлер саңа, сени кемсиденлериң әхлиси аягыңа йыкыларлар; саңа Реббиң шәхери, Ысрайылың Мукаддесиниң Сионы диер олар.

Işaýa 66:20

Ысрайыл огулларының галла садакасыны халал гапда Реббиң өйүне гетиришлери ялы, олар хем сизиң доганларыңызың барыны атларда, сөвеш арабаларында, ат арабаларында, гатырлардыр дүелерде әхли миллетлериң ичинден топлап, Мениң мукаддес дагыма – Иерусалиме Реббе пешгеш хөкмүнде гетирерлер.

Ýermeýa 16:15

Мунуң дерегине ысрайыл халкыны демиргазык юртдан, даргадылан бейлеки юртлардан чыкаран Ребден ант ичйәрин дийҗек гүнлери гелер. Чүнки Мен олары ата-бабаларына берен топрагыма гайтарып гетирерин“.

Ýermeýa 29:14

Шонда сиз Мени тапарсыңыз, муны Мен – Реб айдяндырын. Мен сизе өңки абаданчылыгыңызы гайтарып берерин, сизи кован ерлеримиң барындан, әхли миллетлериң арасындан ызыңыза йыгнарын. Муны Реб айдяндыр. Мен сизи ниреден сүргүн эден болсам, шол ере хем гайтарып гетирерин.

Ýermeýa 30:8

«Ол гүн шейле болар, Мен сениң бойнуңдакы боюнтырыгыңы дөверин, танапларыңы гырарын. Инди кесекилер сени өзлерине гул этмезлер. Муңа дерек сен өз Худайың Реббе ве Онуң Давудың неслинден тагтда отуртҗак патышаларына хызмат эдерсиң». Муны Хөкмүрован Реб айдяндыр.

Ýermeýa 31:4

Мен сени ене дикелдерин, сен тәзеден дикелерсиң, эй, Ысрайыл бой гызы! Сен ене депреклериңи алып, шадыян танс эдйәнлере гошуларсың.

Ýermeýa 50:33

Хөкмүрован Реб шейле диййәр: «Ысрайыл билен яхуда халкы-да эҗир чекйәр, есир аланларың бары олары берк саклаяр, азат этмекден боюн гачыряр.

Ýermeýa 51:51

Биз кәйинч эшиденимизде утандык. Гелмишеклер Реббиң өйүниң мукаддес ерлерине гирдилер, шонда йүзүмизи рысвалык өртди».

Эзекиел 16:60

Йөне яшлыгыңда сениң билен баглашан әхтими ятлап, сениң үчин бакы әхт беркарар эдерин.

Эзекиел 47:22

Сиз биҗе боюнча юрды өзүңизе, ичиңизде яшаян гелмишеклере ве оларың араңызда доглан чагаларына мүлк хөкмүнде пайлаң. Ол гелмишеклер сизиң үчин аслы ысрайыллы хасапланмалыдырлар. Олар хем биҗе боюнча ысрайыл тирелериниң арасында сизиң билен дең мүлк эдинерлер.

Закаря 1:17

Шуны-да җар эдип, Хөкмүрован Реб шейле диййәр дий: «Мениң шәхерлерим ене болелинлиге етер. Мен-Реб Сионы ене көшешдирерин ве Иерусалими ене сайларын».

Malaky 1:11

Гүндогардан гүнбатара ченли миллетлер арасында Мениң адым бейик болар! Әхли ерде Мениң адыма якымлы ыслы түтетги якылып, пәк садакалар хөдүрленер. Чүнки миллетлер арасында Мениң адым бейик болар. Муны Хөкмүрован Реб айдяндыр.

Luka 1:54

Аталарымыза сөз берши ялы, Ыбрайым билен онуң неслине рехимдарлык этмеги хич унутман, гулы Ысрайыла ярдам этди».

Luka 2:32

Кесеки миллетлере аянлык берҗек, халкың ысрайылы шөхратландырҗак нуры гөрдүм».