Işaýa 10:6 - Мукаддес Китап

⁶ Оны худайсыз миллетиң гаршысына, газапланан халкымың гаршысына иберйәрин, оңа таламагы, таланыны олҗа алмагы, олары көчелериң палчыгы кимин аяк астына алмагы буюрдым.

Mukaddes Kitap

⁶ Ony hudaýsyz milletiň garşysyna, gazaplanan halkymyň garşysyna iberýärin, oňa talamagy, talanyny olja almagy, olary köçeleriň palçygy kimin aýak astyna almagy buýurdym.

Işaýa 10:6 ပူးပေါင်းရင်းမြစ်များ

2 Şamuwel 22:43

Олары тозан дек эдип енчдим, көчелериң палчыгы кимин мынҗыратдым.

2 Patyşalar 18:25

Мунуң үстесине-де, сиз мени Ребден ругсатсыз бу юрды вейран этмәге гелендир өйдйәрсиңизми? Реб маңа шу юрдуң үстүне чоз-да, оны дерби-дагын эт дийди».

Işaýa 19:17

Яхуда юрды мүсүрлилере ховп салар. Янында Яхуданың ады агзалан хер кес Хөкмүрован Реббиң Мүсүре гаршы тайынлаян карарындан горкар.

Işaýa 22:5

Гөрнүш җүлгесинде Гудратыгүйчли-Хөкмүрован Реббиң ховсалалы, табын эдйән, алҗыраңңы гүни болар. Диварлар йыкылар бу гүн, даглара перят эдилер.

Işaýa 24:5

Илатлар харама чыкарды дүнйәни, олар канунлардан чыкдылар, парзлары сакламадылар, эбеди әхти боздулар.

Işaýa 29:13

Реб шейле диййәр: «Бу халк Маңа якынлашып, дили, додаклары билен Мени хорматлаяр, йөне йүреклери Менден узакдадыр. Ынсан буйрукларына гөрә Маңа ыбадат эдйәрлер олар.

Işaýa 32:6

Акмак биэдеплик билен геплейәр, онуң ниети пислик этмекдир, иши яманлык этмек, Реббе дил етирмек, ачлары ач, сувсузлары сувсуз гоймакдыр.

Işaýa 33:1

Өзи вейран эдилмән, вейран эдйәниң, өзүне дөнүклик эдилмән, дөнүклик эдйәниң дат гүнүне! Вейран эдениңден соң, өзүңи-де вейран эдерлер; дөнүклик этмеги бес эдениңде, саңа-да дөнүклик эдилер.

Işaýa 33:14

Сиондакы гүнәкәрлер довла дүшүп, худайсызлар лерзана гелди: «Хайсымыз ялмаян одуң башында орнашып билерис?»

Işaýa 41:25

Мен демиргазыкдан бирини өҗүкдирдим, ол гелйәр, гүндогардан адымы тутуп чагырян бири. Ол күйзегәриң тойны депелейши кимин хөкүмдарлары палчык кимин депеләр.

Işaýa 49:17

Огулларың ховлугышып гелерлер, сени вейран эденлер чыкып гидерлер.

Işaýa 49:25

Эмма Реб шейле диййәр: «Хава, гүйчлиниң есирлери ызына алнар, залымың олҗасы элинден азат эдилер; Мен саңа гаршы дурана гаршы дуруп, чагаларыңы халас эдерин.

Işaýa 5:25

Мунуң үчин Реббиң газабы Өз халкына гаршы ловлаяр, элини олара гаршы узадып, җеза берйәр; даглар титрешйәр, маслыклары зибил кимин көчелерде ятыр, Шонда-да Онуң газабы көшешмәнди, эли энтек хем җеза бермәге тайын.

Işaýa 5:29

Аррылдылары арсланыңкы дей, яш ширлер кимин арлаярлар; арлап, авуны тутярлар, оны алып гидйәрлер, халас этҗек ёк.

Işaýa 5:5

Инди Мен сизе үзүмчилигиме нәме этҗекдигими айдарын. Мен онуң хаядыны айрарын, ол вейран эдилер; онуң диварыны йыкарын, оны басгылап заяларлар.

Işaýa 63:3

«Үзүми еке сыкдым, янымда халклардан хич ким ёкды; гахарлыкам сыкдым үзүми, газаплыкам аяк астына алдым; онуң ганы эшиклериме сычрады, бар лыбасымы хапалады.

Işaýa 63:6

Гахарыма халклары аяк астына алдым, газабыма олары серхош этдим, ганларыны ере дөкдүм».

Işaýa 7:17

Реб сениң, халкыңың ве ата-бабаларың несиллериниң башларына Эфрайымың Яхудадан бөлүнип айрылан гүнүнден бәри гөрүлмедик гүнлери гетирер; Ашур патышасыны гетирер».

Işaýa 8:4

Чага „кака“, „эҗе“ диймеги өвренмезден өң, Дамаскың ве Самарияның байлыгыны Ашур патышасы олҗа алар» дийди.

Işaýa 8:8

Ол җошуп, Яхуда гечер ве оны-да басар; юрдуң богазына етер. Яйылан ганатларының герими юрдуң әхли чәклерине етер, эй, Иманувел».

Işaýa 9:17

Мунуң үчин Реб оларың яшларына гуванмаз, рехим этмез етимине, дул хатынына, чүнки хер кес худайсыз хем пис, хеммәниң агзындан акмак сөз чыкяр. Булара гарамаздан, Реббиң газабы сөнмәнди, эли шинди җеза бермәге тайын.

Işaýa 9:19

Хөкмүрован Реббиң газабындан юрт янар, халкы от якып-яндырар, хич ким өз доганына рехим этмез.

Ýermeýa 25:9

Мен-де бүтин демиргазык тирелери билен Бабыл патышасы болан бендәм Небукаднесары чагырарын. Муны Реб айдяндыр. Олары бу юрдуң, онуң илатының, даш-төверекдәки әхли миллетлериң үстүне алып гелерин. Бу халклары бүтинлей ёк эдип, бу юрды ховпа, рысвачылыга ве эбедилик харабачылыга өврерин.

Ýermeýa 3:10

Бу әхли затлара гарамаздан, онуң хайын уясы Яхуда Маңа чын йүрекден дәл-де, яландан доланды». Муны Реб айдяндыр.

Ýermeýa 34:22

Мен буйрук берип, бабыллылары бу шәхере гайтарып гетирерин. Олар шәхере гаршы хүҗүм эдип, оны басып аларлар ве ода якарлар. Мен Яхуда шәхерлерини илатсыз харабачылыга өврерин“. Муны Реб айдяндыр».

Ýermeýa 4:14

Йүрегиңи тәмизләп пәкле писликден, эй, Иерусалим, халас боларсың шонда. Эрбет ниетлериңи ене нәче вагт саклаҗак ичиңде?

Эзекиел 29:20

Мен онуң гаршысына чекен зәхмети үчин Мүсүр юрдуны оңа бердим, себәби олар Мениң үчин ишледилер. Муны Хөкмүрован Реб диййәр.

Эзекиел 38:12

Сен өң вейран эдилен, эмма инди илатлы болан шәхерлерде яшаян бу халкы талап, олҗа аларсың. Миллетлериң арасындан ызына йыгналып, чарвачылык хем сөвда билен мешгулланян, дүнйәниң ортасында яшаян бу халка гаршы элиңи узадарсың.

Эзекиел 38:13

Шеба, Дедан, Таршыш сөвдагәрлери ве онуң әхли ёлбашчылары сенден: „Таламага гелдиң дәлми? Җемагатыңы олҗа алмак, алтын-күмүш әкитмек, эмләк ве көп олҗа эдинмек үчин йыгнадыңмы?“ дийип сорарлар».

Mika 7:10

«Ханы, Худайың Реб ниреде?» диен душманым муны гөрер, ол утанҗа галар. Душманымың йыкылышыны өз гөзлерим билен гөрерин. Көчелериң палчыгы дек, аяк астында басгыланар ол.

Habakuk 1:12

Овалдан бар болан Сен дәлми, я Реб?! Мукаддес Худайым биз өлмерис! Эй, Реб, бабыллылары бизе хөкүм этсин дийип сайладың, эй, Гаям, олары бизе җеза берсин дийип белледиң.

Закаря 10:5

Сөвеш эсгерлери дей болар олар, депеләрлер душманы көчелериң палчыгында. Реббиң өзлери билендиги үчин сөвешип, олар атлы гошуны уяда гоярлар.

Matta 15:7

Эй, икийүзлүлер, Ишая пыгамбер сиз хакда җайдар пыгамберлик эдипдир! Онда шейле язылан: