Işaýa 10:20 - Мукаддес Китап

²⁰ Шол гүн Ысрайылың аман галанлары ве Якубың несиллериниң халас боланлары мундан бейләк өзлерине җеза берйәне дәл-де, эйсем түйс йүрекден Ысрайылың Мукаддесине бил багларлар.

Mukaddes Kitap

²⁰ Şol gün Ysraýylyň aman galanlary we Ýakubyň nesilleriniň halas bolanlary mundan beýläk özlerine jeza berýäne däl-de, eýsem tüýs ýürekden Ysraýylyň Mukaddesine bil baglarlar.

Işaýa 10:20 ပူးပေါင်းရင်းမြစ်များ

2 Patyşalar 16:7

Ахаз Ашур патышасы Тиглатпилесериң янына чапарлар ёллап: «Мен сениң гулуң хем-де оглуңдырын. Гел-де, маңа гаршы хүҗүм эдйән Сирия патышасы билен Ысрайыл патышасының элинден мени гутар» дийди.

2 Patyşalar 19:31

Аман галанлар Иерусалимден, халас боланлар Сион дагындан чыкып гелерлер. Бу Реббиң ыхласы билен амала ашар“».

2 Йыл язгылары 14:11

Аса Худайы Ребби чагырып, шейле дийди: «Я Реб, гүйчли адама гаршы чыкмакда эҗизе диңе Сен ярдам берйәнсиң. Я Бейик Худайымыз, бизе ярдам эт, чүнки биз Саңа бил баглаярыс. Сениң адың билен биз бу уммасыз гошуның гаршысына чыкдык».

2 Йыл язгылары 28:16

Шол вагтларда Ахаз патыша көмек сорап, Ашур патышасының янына адам ёллады.

2 Йыл язгылары 28:20

Шейдип, Ашур патышасы Тиглатпилесер Ахазың гаршысына чыкып, оңа ярдам этмегиң дерегине зулум этди.

Ezra 9:14

Биз ене Сениң табшырыкларыңы бозуп, бу неҗис ишлери эдйән халклар билен гарындашлык ачалымы? Сениң гахар-газабың бизиң екеҗәмизи хем аман галдырман хеләк эдер.

Işaýa 1:9

Эгер Хөкмүрован Реб бирнәчәмизи аман галдырмадык болсады, Содом ялы болардык, Гомора меңзәрдик.

Işaýa 11:11

Шол гүн Ашурдан, Мүсүрден, Патросдан, Эфиопиядан, Эйламдан, Шингардан, Хаматдан ве адаларда аман галан халкыны ызына гетирмек үчин, Таңры икинҗи гезек элини узадар.

Işaýa 11:16

Ысрайылларың Мүсүрден чыкан гүни Ысрайыла эдиши ялы, Реббиң Ашурда аман галан халкы үчин улы ёл ачылар.

Işaýa 37:4

Онуң алыхезрети Ашур патышасының иберен баш везириниң дири Худайы масгараламак үчин айдан сөзлерини, белки, Худайың Реб эшидендир; Худайың Реб шол сөзлери үчин олары җезаландырар. Инди аман галан адамлар үчин дилег эт“».

Işaýa 46:3

Эй, Якубың несли, Ысрайыл неслиниң аман галанлары! Гөвреде галаныңыз бәри этдим аладаңызы, догланыңыз бәри элимде гөтердим.

Işaýa 50:10

Сизиң араңызда Ребден горкуп, Онуң гулуның сөзүне гулак асян бармы? Гараңкылыкда гезйән, ышыгы болмадык, Реббиң адына бил баглап, Худайына даянсын.

Işaýa 6:13

халкың ондан бири галса-да, юрт ене-де якылар. Эмма дагдан я-да дуб чапыланда көклериниң галышы кимин, мукаддес несил-де юртда көк кимин болар».

Ýermeýa 3:23

Догрудан-да, депелерден, даглардан гелйән гыкылыкдыр говгалар яландыр. Хакыкатдан хем Худайымыз Реб Ысрайылы халас эдйәр.

Ýermeýa 44:14

Яшамак үчин Мүсүре гиден яхудалыларың аман галанларының хич бири-де гачып гутулмаз, дири галып, Яхуда юрдуна доланып бармаз. Ол ере доланып бармагы нәче ислеселер-де, ол ерден гачанларың диңе кәбири доланып барар“».

Hoşeýa 14:3

Шу дилег билен Реббе доланың. «Бар этмишлеримизи геч. Ягшы дилеглеримизи кабул эт. Өкүз гурбанлыгына дерек алкыш гурбанлыгыны хөдүр эдерис.

Hoşeýa 5:13

Эфрайым кеселини, Яхуда ярасыны гөренде, Эфрайым Ашурың янына гитди. Бейик патышадан ярдам иследи. Йөне ол сизе шыпа берип билмез, яраңыза эм этмез.

Mika 5:3

Тә гөврели аял догурянча, душманларына табшырылар ысрайыл халкы. Соңра онуң есир дүшен доганлары Ысрайыл халкына доланарлар.

Сепаня 3:13

Ысрайылың аман галанлары, нәхаклык этмезлер, ялан сөзлемезлер, агызларындан хилели сөзлер чыкмаз. Олар гоюн кимин яшыл өрүлерде ятарлар, олары хич ким горкузып билмез».