Hoşeýa 8:8 - Мукаддес Китап

⁸ Ысрайыл ювудыландыр. Олар башга миллетлериң арасында дерексиз гап болуп галды.

Mukaddes Kitap

⁸ Ysraýyl ýuwudylandyr. Olar başga milletleriň arasynda dereksiz gap bolup galdy.

Hoşeýa 8:8 ပူးပေါင်းရင်းမြစ်များ

2 Patyşalar 18:11

Ашур патышасы ысрайыллары Ашура есир эдип әкитди ве олары Халада, Гозандакы Хабор дерясының якасында ве Мадай галаларында ерлешдирди.

Işaýa 30:14

Дөвлүши күйзегәриң күйзесиниң дөвлүши киминдир; ол шейле бир пытрар велин, дөвүклериң арасында оҗакдан от алмага, гуюдан сув алмага яраҗак бөлек тапылмаз».

Ýermeýa 22:28

Бу Ехоякын диен адам әсгерилмейән дөвүк күйзе болуп, хич киме герекмеҗек гапдыр. Ол несли билен бирликде өзлериниң танамаян юрдуна ташланды.

Ýermeýa 25:34

Мөңңүриң, эй, чопанлар! Дады-перят эдиң! Эй, сүриниң баштутанлары, күле тогаланың! Чүнки гелди өлдүрилҗек, даргадылҗак гүнүңиз, йыкылып парчаланарсыңыз гымматлы гап кимин.

Ýermeýa 48:38

Мовабың әхли үчеклеринден ве мейданчаларындан диңе агы сеси гелйәр. Чүнки Мен Мовабы халанмаян гап кимин дөвдүм. Муны Реб айдяндыр.

Ýermeýa 50:17

Ысрайыл арсланлар ковалап даргадан гоюн сүрүсине меңзейәр. Оны илки Ашур патышасы ювутды, Бабыл патышасы Небукаднесар соңра онуң сүңклерини гемирди».

Ýermeýa 51:34

Бабыл патышасы Небукаднесар бизи чейнеди, бизи оврадып енҗип, бош габа өвүрди. Аждарха кимин ювутды бизи, гарныны нәз-ныгматдан дойруп, соңра бизи гусуп ташлады.

Ермеяның агысы 2:16

Әхли душманларың сени яңсылаярлар, сыкылык атып, дишлерини гыҗаярлар. Олар: «Биз оны ювутдык! Ине, шуды бизиң гарашян гүнүмиз. Ахыры муны-да гөрдүк!» дийип гыгырышярлар.

Ермеяның агысы 2:2

Таңры Якубың әхли меканыны вейран этди хич рехимдарлык этмеди. Яхуда гызының галаларыны йыкды гахар-газабы ятмады. Патышалыгыны хем хөкүмдарларыны масгаралап, ер билен егсан этди.

Ермеяның агысы 2:5

Таңры душман ялы болуп, Ысрайылы юмурды. Әхли көшклерини йыкып, галаларыны вейран этди. Яхуда гызының ясдыр ахы-наласыны хас-да көпелтди.

Ермеяның агысы 4:2

Сионың җандан эзиз чагалары сап алтындан-да гымматлыды! Вах, инди күйзегәриң элиниң иши гуры бир тойна дең болуп галды!

Ермеяның агысы 5:2

Мирасымыз кесекилере, өйлеримиз гелмишеклере галды.

Эзекиел 36:3

Шонуң үчин пыгамберлик эт-де, шейле дий: «Хөкмүрован Реб шейле диййәр: „Сизи харабачылыга өврүп, хер тарапдан вейран этдилер. Шейдип, сиз миллетлериң галындысына мүлк болдуңыз, агза-диле дүшүп, иле гүррүң болдуңыз“».

Lewiler 26:33

Мен сизи гелмишек миллетлериң арасына пытрадып, гаршыңыза уруш турзарын. Сизиң юрдуңыз чоларып, галаларыңыз хараба өврүлер.

Rimliler 9:22

Худай Өз гудратыны гөркезмек үчин, хеләкчилиге доглан адамларың үстүне газабыны дөкүп билйәр. Йөне Ол Өзүни газапландырян адамлара улы сабыр-такатлык эдйәндир!

Kanun taglymaty 28:25

Реб сизи душманларыңызың өңүнде еңлише сезевар эдер. Сиз оларың гаршысына бир тарапдан хүҗүм этсеңиз, ызыңыза гачаныңызда чар тарапа гачарсыңыз. Башыңыздан инен бела-бетерлер ер йүзүндәки әхли шалыклары ховсала салар.

Kanun taglymaty 28:64

Реб сизи ериң бир уҗундан бейлеки уҗуна ченли әхли халкларың арасына даргадып гойберер. Ол ерде сиз өзүңизиң-де, ата-бабаларыңызың-да танамадык ве билмедик агачдан ве дашдан ясалан башга худайлара гуллук эдерсиңиз.