Hoşeýa 8:1 - Мукаддес Китап

¹ «Сурнайы додагыңа етир. Чүнки чайкел Реббиң өйүниң үстүнден айланяр. Олар Мениң әхтими бозды, кануныма гаршы чыкдылар.

Mukaddes Kitap

¹ «Surnaýy dodagyňa ýetir. Çünki çaýkel Rebbiň öýüniň üstünden aýlanýar. Olar Meniň ähtimi bozdy, kanunyma garşy çykdylar.

Hoşeýa 8:1 ပူးပေါင်းရင်းမြစ်များ

2 Patyşalar 18:27

Эмма баш везир олара шейле җогап берди: «Җенабым мени бу сөзлери диңе җенабыңыза ве сизе айтмак үчин ёлладымы нәме? Диварың үстүнде отуран адамлара айтмак үчин хем ёлламадымы эйсем? Олар хем сизиң ялы өз неҗасатларыны ийип, өз пешевлерини ичерлер».

Işaýa 18:3

Эй, бүтин дүнйәниң илаты, ер йүзүнде яшаянлар! Дагларың чүр башында байдак дикиленде середиң! Сурнай чалнанда диңләң!

Işaýa 24:5

Илатлар харама чыкарды дүнйәни, олар канунлардан чыкдылар, парзлары сакламадылар, эбеди әхти боздулар.

Işaýa 58:1

Гаты гыгыр, чекинме! Сесиңи сурнай кимин гаталт! Халкыма языкларыны, Якубың неслине гүнәлерини ыглан эт.

Ýermeýa 31:32

Бу әхт Мениң оларың ата-бабаларының эллеринден тутуп, Мүсүрден чыкаран гүнүм баглашан әхтим ялы дәлдир. Мен оларың Хоҗайыны болсам-да, олар шол әхтими боздулар». Муны Реб айдяндыр.

Ýermeýa 34:18

Әхт баглашыланда гөләни икә бөлүп, онуң бөлеклериниң арасындан гечйәрлер. Мен хем әхтими бозуп, хузурымда баглашылан әхтиң шертлерини берҗай этмедиклери эдил шол гөле кимин икә бөлерин.

Ýermeýa 4:13

Ине, душман булут кимин гелйәр, сөвеш арабалары харасат киминдир. Онуң атлары бүргүтден йылдамдыр. Дат гүнүмизе, биз вейран болдук!

Ýermeýa 4:5

Шуны Яхудада ыглан эт, Иерусалимде җар эт: «Юртда сурнай чалың! Батлы гыгырып дийиң: „Гелиң, үйшүп, берк галалара гирелиң!“.

Ýermeýa 48:40

Реб шейле диййәр: „Середиң! Душман бүргүт кимин учуп, ганатларыны Моваба тарап яйяр.

Ýermeýa 49:22

Ине, душман бүргүт кимин ёкары учар, ганатларыны Босраның үстүне яяр. Шол гүн Эдом уршуҗыларының йүреги догранда санҗы тутян аялың йүреги кимин болар».

Ýermeýa 51:27

Юртда байдак дикиң, миллетлер арасында сурнай чалың, миллетлери Бабыл билен урушмага тайярлаң. Арарат, Минни ве Ашкеназ патышалыкларыны Бабылың гаршысына чагырың, онуң гаршысына серкерде белләң, үстүне чекиртге сүрүси кимин атлар ёллаң.

Ýermeýa 6:1

«Эй, бенямин халкы, җаныңызы халас этмек үчин Иерусалимден гачың! Тековада сурнай чалың, Бейтхакеремде бир нышан дикиң, чүнки демиргазыкдан бир бетбагтлык, әпет вейранчылык етип гелйәр.

Эзекиел 11:4

Мунуң үчин сен оларың гаршысына пыгамберлик эт. Хава, пыгамберлик эт, эй, ынсан оглы!» дийди.

Эзекиел 16:59

Хава, Хөкмүрован Реб шейле диййәр: «Сен эден әхтиңи бозуп, ичен антыңы харладың. Мен-де сени эдил өз эдишиң ялы эдерин.

Эзекиел 17:3

Хөкмүрован Реб шейле диййәр дий: „Улы ганатлы, узын елекли, дүрли реңкли мымык түйлерден долы, әпет бүргүт Ливана гонуп, кедр агаҗының депесини эеледи.

Эзекиел 7:14

Сурнай чалынды, әхли зат тайяр; йөне хич ким сөвеше гитмейәр, чүнки газабым әхли җемагатың үстүндедир.

Hoşeýa 4:6

Мениң халкым билимсизликден вейран эдилйәр. Сен билими рет эдениңден соң, Мен сени Маңа руханы болмакдан рет эдйәрин. Сен Худайың кануныны унуданыңдан соң, Мен-де сениң чагаларыңы унударын.

Hoşeýa 5:8

Гибгада шах чал, Рамада сурнай. Бейтавенде сөвеш тебилини уруң. „Биз сизиң аркаңызда, Бенямин“ дийип, Бейтавенде җар чекиң.

Hoşeýa 6:7

Олар Адам ата ялы, әхти боздулар, ол ерде маңа бивепалык этдилер.

Hoşeýa 9:15

Реб диййәр: «Оларың Гилгалдакы ярамаз ишлери үчин, шол ерде олары йигрендим. Мен олары өйүмден коварын. Инди Мен олары халамарын. Бар хөкүмдары Маңа гаршы баш гөтердилер.

Ýowel 2:1

Сионда сурнай чалың, Мениң мукаддес дагымда ховпуң абаняндыгыны дуйдурың. Гой, юрдуң тутуш илаты горкудан сандырасын, чүнки Реббиң гүни етип гелйәр – гараңкылык хем-де зулмат гүни ол. Булутлы хем түм гараңкы гүндүр ол. Көп санлы хем гүйчли бир лешгер, даглара яйраяр даң шапагы дей. Овалдан бәри онуң деңи-тайы болманды, соңкы несиллерден хем ол дейин болмаз.

Ýowel 2:15

Сионда чалың сурнайы, җар эдиң мукаддес йыгнанышыгы, Агыз беклемәге белләң сиз вагты,

Amos 3:6

Шәхерде сурнай чалнар-да, халкда горкы болмазмы? Реббиң Өзи индермесе, шәхере бела гелерми?

Amos 8:3

Шол гүн көшк айдымлары ахы-нала өврүлер. Әхли ер ташланан җесетлерден долар. Үмсүм болуң!» Муны Хөкмүрован Реб айдяндыр.

Amos 9:1

Мен гурбанлык сыпасының янында Реббиң дураныны гөрдүм. Реб шейле буйрук берди: «Ыбадатхана сөелери сарсянча, сүтүнлериң башына ур, олары әхли ынсаның депесинден индер. Дири галанларыны гылычдан гечирерин, хич бири гачып-да, гутулып-да билмез.

Habakuk 1:8

Атлары барсдан йүврүк, өзлерем гиҗеки ач гуртдан гудуз. Атлылары узакдан ер газап гелйәр, ав үстүне топулян бүргүт дек окдурылярлар.

Сепаня 1:16

Галалара ве бейик диңлере хүҗүм эдилип, уруш сурнайы чалнып, дуйдурыш берилҗек гүндүр ол.

Закаря 11:1

Эй, Ливан, дервезелериңи ач, гой, от кедр агачларыңы якып ёк этсин!

Закаря 9:14

Шонда Реб Өз халкының үстүнде пейда болар, йылдырым дей учар Онуң пейкамы. Хөкмүрован Реб сурнай чалар-да, гүнортадан харасат турзуп, ёла дүшер.

Matta 24:28

Гарагушларың үйшмеги маслыгың бардыгының бир аламатыдыр. Ынсан Оглы хем бир аламат билен гелер.

1 Korintoslylar 15:52

Бу иң соңкы сурнай чалнанда гөз-ачып юмасы салымда, бир пурсатда амала ашар. Сурнай чалнар, мерхумлар чүйремезек халда дирелдилер, биз хем өзгердилерис.

Kanun taglymaty 28:49

Реб узак ерден, ериң аңруҗундан сизе оларың дилине дүшүнмейән бир халкыңызы гетирер. Бу халк сизи бүргүт кимин ювудар.