Hoşeýa 6:6 - Мукаддес Китап

⁶ Чүнки Мен гурбанлыгы дәл, садык сөйгини ислейәрин, Якма гурбанлыгы дәл, Худайы танамаклыгы ислейәрин.

Mukaddes Kitap

⁶ Çünki Men gurbanlygy däl, sadyk söýgini isleýärin, Ýakma gurbanlygy däl, Hudaýy tanamaklygy isleýärin.

Hoşeýa 6:6 ပူးပေါင်းရင်းမြစ်များ

1 Йыл язгылары 28:9

Сүлейман, оглум, сен болса атаңың Худайыны тана, Оңа ак йүрекден хөвес билен гуллук эт. Чүнки Реб хер бир калбы сынаяндыр хем әхли ниет-хыяллары билйәндир. Оны агтарсаң тапарсың, йөне терк эдәйсең велин, Ол сенден мүдимилик йүз өврер.

Zebur 50:8

Ине, Сен хакыкат ислейәрсиң йүрекде, даналыгы өвредйәрсиң мениң ичимде.

Süleýmanyň pähimleri 21:3

Догрулык ве адалатлылык этмек Реббе гурбанлык беренден якымлыдыр.

Wagyz 5:1

Хич хачан алңасаклык билен геплеме, Худайың хузурында йүрек сөзүни айтмага ховлукма; чүнки Худай гөкдедир, сен ердесиң. Шонуң үчин аз сөзле.

Işaýa 1:11

Реб шейле диййәр: «Көп гурбанлыкларыңызың Маңа хайры нә? Гочлардан берлен якма гурбанлыкларындан, бага бакылан малларың ягындан дойдум. Өкүзлериң, гузуларың ве эркечлериң ганындан леззет алмаярын.

Işaýa 58:6

Мениң сайлаян агыз беклемәм адалатсызлык зынҗырларыны гырмак, боюнтырык йүплерини чөзмек, эзиленлери азат этмек, хер бир боюнтырыгы сындырмак үчин дәлми?

Ýermeýa 22:16

Ол гарыбың, мәтәҗиң хакыны алып берди; мунуң үчин онуңкы угруна болды. Бу Мени танамагың манысы дәлмидир? Муны Реб айдяндыр.

Ýermeýa 7:22

Чүнки Мен ата-бабаларыңызы Мүсүрден чыкарып гетиренимде, олара якма гурбанлыгы билен бейлеки гурбанлыклар хакда хич зат айтмандым я-да буйрук бермәндим.

Даныел 4:27

Патыша: «Бу патыша пайтагты болсун дийип, шан-шөхратым үчин өз гудратлы гүйҗүм билен гуран бейик Бабылым дәлми?» дийди.

Hoşeýa 14:2

Эй, Ысрайыл, Бейик Худайыңа долан. Сен этмишлериң себәпли бүдредиң.

Hoşeýa 2:20

Мен сени вепадарлык билен аларын, сен Мени Реб хөкмүнде танарсың.

Hoşeýa 4:1

«Эй, ысрайыл халкы, Реббиң сөзүни эшит, чүнки бу юртда яшаянлар билен Реббиң давасы бар. Себәби юртда вепалылык-да, сөйги-де, Худайы танамаклык-да ёк.

Hoşeýa 8:13

Маңа гурбанлыклар гетирйәрлер, гурбан кесйәрлер, йөне эти өзлери иййәрлер. Реб олардан разы дәлдир. Инди оларың гүнәлери ятланар. Этмишлерине гөрә җеза берлер. Олар Мүсүре доланарлар.

Amos 5:21

Мен байрамларыңызы йигренйәрин, әсгермейәрин, мукаддес йыгнанышыкларыңызы асла халамаярын.

Mika 6:6

Реббиң хузурына нәме билен барайын? Гөкдәки Худая нәхили сежде эдейин? Онуң хузурына якма гурбанлыгы билен барайынмы? Я-да бир яшар гөлелер билен?

Mika 6:8

Эй, адамзат, Реб ягшының нәмедигини саңа билдирди. Адалаты берҗай этмекден, мерхемети сөймекден, Худайыңызың өңүнде кичи гөвүнли гезмекден башга Реб сизден нәме талап эдйәр?

Matta 12:7

Сиз: „Мен гурбанлык дәл-де, рехим-шепагат ислейәрин“ диен сөзүң манысыны билседиңиз, гүнәсизлери хөкүм этмездиңиз.

Matta 5:7

Рехимлилер багтлыдыр, чүнки олара-да рехим эдилер.

Matta 9:13

Йөне сиз гидиң-де, „Мен гурбанлык дәл-де, рехим-шепагат ислейәрин“ диен сөзүң манысыны өврениң, себәби Мен догрулары дәл-де, гүнәкәрлери чагырмага гелдим» дийди.

Mark 12:33

Оны тутуш йүрегиң хем акылың билен ве әхли гүйҗүң билен сөймеклик, якыныңы өзүңи сөйшүң ялы сөймеклик якма гурбанлыкларың, бейлеки гурбанлыкларың хеммесинден хас мөхүмдир» дийди.

Ýeşuwa 5:5

Мүсүрден чыкан шол эркеклериң хеммеси сүннетлененди, эмма соңра чөлде доглан огланлар сүннетленмедикдилер.

1 Ёханна 2:3

Эгер Худайың буйрукларыны берҗай эдйән болсак, онда Оны танаяндыгымызы мәлим эдйәрис.

1 Ёханна 3:6

Месих билен яшаян адам гүнәден йүз өврер. Эмма хенизем гүнә эдйән адам Оны не гөрйәндир, не-де танаяндыр.

1 Şamuwel 15:22

Шамувел шейле дийди: «Реббе якма гурбанлыклардыр садакалар берениң билен, Онуң Өзүне боюн эгилишиндәки ялы гөвни галкынармыка? Чүнки боюн эгмеклик гурбанлыкдан, гулак асмаклык гочуң ягындан хас белентдир.