Filipililer 2:3 - Мукаддес Китап

³ Өз шахсы ислегиңизден я-да шөхратпаразлыкдан херекет этмәң. Терсине, башгалары өзүңизден үстүн сайып, песпәл болуң.

Mukaddes Kitap

³ Öz şahsy islegiňizden ýa-da şöhratparazlykdan hereket etmäň. Tersine, başgalary özüňizden üstün saýyp, pespäl boluň.

Filipililer 2:3 ပူးပေါင်းရင်းမြစ်များ

Süleýmanyň pähimleri 13:10

Текепбирликден диңе җедел дөрейәр, маслахат сораянда даналык.

Luka 18:14

Мен сизе фарисейиң дәл-де, салгытчының акланып гидендигини айдярын, себәби ким өзүни ёкары тутса, песелдилер, ким өзүни пес тутса, бейгелдилер».

Rimliler 12:10

Бири-бириңизи доганлык сөйгүси билен түйс йүрекден сөйүң. Бири-бириңизи хорматлап, башгалары өзүңизден ёкары тутуң.

Rimliler 13:13

Кейпи-сапалык, серхошлык, зынахорлык, азгынлык, гөриплик, дава-җенҗел этмән, гүндизе ярашян тәрде эдепли яшалың.

Rimliler 2:8

Шахсы бәхбидини араянлар, хакыкаты рет эдип, яманлыга эерйәнлер болса гахар-газаба дучар боларлар.

1 Korintoslylar 15:9

Чүнки мен ресулларың арасында иң кичисидирин. Мен хатда ресул адыны алмага-да мынасып дәл, себәби Худайың йыгнагына азар берипдим.

1 Korintoslylar 3:3

Бу дүнйә хениз-де сизе өз тәсирини етирйәр, себәби араңызда гөриплик, дава-җенҗел бар. Эйсем булар сизиң дүнйә дегишлидигиңизи аңлатмаярмы? Сиз дүнъеви адамлар ялы херекет этмейәрсиңизми нәме?

2 Korintoslylar 12:20

Мен яныңыза баранымда, бири-биримиз бабатдакы тамамыз пуч чыкаярмыка дийип горкярын. Баранымда дава-җенҗел, гөриплик, гахар-газап, агзалалыклар, төхмет, гыбат, текепбирлик ве тертипсизлик гөрермикәм дийип горкярын.

Галатялылар 5:15

Әгә болуң! Чүнки сиз бири-бириңизи «чейнемеги», «ювутмагы» бес этмесеңиз, бири-бириңизи ёк эдерсиңиз.

Галатялылар 5:26

Шөхратпараз болмалың, бири-биримизи гахарландырмалың, бири-биримизе гөриплик этмәлиң.

Efesliler 4:2

Иңңән пес гөвүнли хем юмшак болуң. Сабыр-такатлы болуп, мәхир-мухаббет билен бири-бириңизе чыдаң.

Efesliler 5:21

Иса Месихе хормат гоймак билен бири-бириңизе табын болуң.

Filipililer 2:14

Хер бир зады хүңүрдемән, зейренмән берҗай эдиң.

Колосиялылар 3:12

Шонуң үчин хем, эй, Худайың сайлан мукаддес хем эзиз халкы! Рехим-шепагата, мәхрибанлыга, песпәллиге, юмшаклыга ве сабыр-такатлылыга беслениң.

Колосиялылар 3:8

Инди болса гахар-газабы, яманлыкларың хеммесини өзүңизден айрып ташлаң. Агзыңыздан хич бир төхмет ве пайыш сөзлер чыкмасын.

1 Timoteos 6:4

онда ол хич зада дүшүнмейән текепбирдир. Ол җеделлешмек ве сөзлериң манысы барада давалашмак кеселине ёлугып, гөриплигиң, агзалалыгың, төхметлериң хем-де эрбет шүбхелериң дөремегине себәп боляр.

1 Petrus 3:8

Шейлеликде, хеммәңиз пикирдеш, дертдеш болуп, бири-бириңизи доганлык сөйгүси билен сөйүң. Рехим-шепагатлы ве песпәл болуң.

1 Petrus 5:5

Эй, яшлар, сиз хем яшулулара табын болуң. Хеммәңиз бири-бириңиз билен песпәл болуң, себәби «Худай текепбирлере гаршыдыр, эмма песпәл адамлара мерхемет эдйәндир».