Filipililer 2:2 - Мукаддес Китап

² мениң бегенҗимиң үстүни етириң: пикирдеш болуң, бири-бириңизи сөйүң, рухуңыз ве максадыңыз бир болсун.

Mukaddes Kitap

² meniň begenjimiň üstüni ýetiriň: pikirdeş boluň, biri-biriňizi söýüň, ruhuňyz we maksadyňyz bir bolsun.

Filipililer 2:2 ပူးပေါင်းရင်းမြစ်များ

Ёханна 3:29

Гелин гиеве дегишлидир. Гиевиң досты болса, гиевиң гелерине гарашып, онуң сесини эшиденинде җуда шатланяндыр. Хут шонуң ялы мениң шатлыгым-да инди хасыл болды.

Resul 1:14

Оларың хеммеси бир ере үйшүп, ызыны үзмән дога-дилег эдйәрдилер. Оларың арасында Исаның эҗеси Меръем, шейле-де кәбир аяллар ве Исаның инилери хем барды.

Resul 2:1

Эллинҗи гүн байрамы гүни әхли иманлылар бир ере йыгнанышып отырдылар.

Resul 2:46

Олар бир адам ялы болуп, хер гүн ыбадатханада йыгнанардылар. Бири-бириниңкә мыхманчылыга барып, чөреги бөлүшип иййәрдилер. Чын йүрекден шатланып нахарларыны пайлашардылар.

Resul 5:12

Ресуллар халк арасында энчеме аламатлар, мугҗызалар гөркезйәрдилер. Әхли иманлылар ыбадатханадакы Сүлейманың эйванында үйшердилер.

Rimliler 12:16

Бири-бириңиз билен оңшуклы болуң. Текепбир болмаң, сада адамлар билен дост болуң, өзүңизи бейлекилерден акыллы саймаң.

1 Korintoslylar 1:10

Эй, доганлар, мен сизе Реббимиз Иса Месихиң адындан ялбарярын: бири-бириңиз билен ылалашыклы болуң. Араңызда агзалалыклара ёл бермәң, пикирлериңиз ве гарайышларыңыз бир болсун.

2 Korintoslylar 13:11

Шунлукда, эй, доганлар, шатланың! Догры ёла дүшмеги ниет эдиниң, айдянларыма гулак асың, бир пикирде болуң, парахат яшаң. Шонда сөйги ве парахатлык Худайы сизиң хемраңыз болар.

2 Korintoslylar 2:3

Шоңа гөрә-де, баранымда мени шатландырмалы адамлар гөвнүми гамландырмасын дийип, шол хаты яздым. Мениң шатлыгыма сизиң-де шатланҗакдыгыңыза берк ынанярын.

2 Korintoslylar 7:7

Биз диңе Титусың гелмегинден дәл, эйсем оңа берен теселлиңиз барада эшидип-де, теселли тапдык. Ол сизиң мени күйсейәндигиңиз, чуңңур гынанҗыңыз, маңа болан улы ыхласыңыз барада гүррүң беренде, бегенҗим өңкүден-де артды.

Filipililer 1:4

Сизиң әхлиңиз үчин шатланып, элмыдама Худая дога-дилеглер эдйәрин.

Filipililer 2:16

Яшайыш берйән Хош Хабары гайым тутуң. Шонда мен бидерек ере ыхлас этмәндигим, азабымың пуҗа чыкмандыгы бабатда Месихиң гелҗек гүнүнде магтанып билерин.

Filipililer 2:20

Тимотеос хем эдил мен ялы сиз бабатда шейле ыхласлы, шейле җаныпкеш. Ондан башга ибермәге шейле адамым-да ёк.

Filipililer 4:2

Мен Эводия-да, Синтихә-де ялбарярын: Реббиң хатырасына ылалашыклы болуң.

Колосиялылар 2:5

Себәби мен араңызда болмасам-да, йүрегимде сизиң билендирин. Сизиң тертип-дүзгүнлидигиңизи, Месихе болан берк иманыңызы гөрүп шатланярын.

2 Salonikliler 2:13

Эй, Реб тарапдан сөйүлйән доганлар! Сиз халас болуп билериңиз ялы, Худай сизи илкинҗилер хөкмүнде сайлады. Сиз Мукаддес Рух аркалы пәкленип, хакыката болан иманыңыз аркалы халас болдуңыз. Шоңа гөрә-де, биз элмыдама Худая шүкүрлер этмелидирис.

2 Timoteos 1:4

Мен хошлашык пурсадындакы гөзяшларыңы ятлаярын, шатлыкдан долмак үчин сениң билен дидарлашмагы күйсейәрин.

Filimun 1:20

Шоңа гөрә-де, эй, доган, Реббиң хакы үчин маңа ярдам эт. Месихиң хатырасы үчин гөвнүми галкындыр.

2 Ёханна 1:4

Эй, хорматлы зенан! Атамыз Худайың буйрушы ялы, бирнәче перзентлериңиң хакыката эерип яшаяндыгыны гөрүп, гаты шат болдум. Инди саңа бир хайышым бар: бири-биримиз билен сөйгүде яшалың. Мен саңа бир тәзе буйрук язамок, бу илкибашдан бизе мәлим буйрукдыр.

3 Ёханна 1:4

Мениң үчин перзентлеримиң хакыката эерип яшаяндыкларыны эшитмекден улы шатлык ёкдур.