Ezra 7:9 - Мукаддес Китап

⁹ Эзра биринҗи айың биринҗи гүни Бабылдан чыкып гайдыпды. Худайының ялкамагы билен ол бәшинҗи айың биринҗи гүни Иерусалиме гелди.

Mukaddes Kitap

⁹ Ezra birinji aýyň birinji güni Babyldan çykyp gaýdypdy. Hudaýynyň ýalkamagy bilen ol bäşinji aýyň birinji güni Iýerusalime geldi.

Ezra 7:9 ပူးပေါင်းရင်းမြစ်များ

Ezra 7:28

Ол патышаның, онуң геңешчилериниң ве әхли гүйчли бегзадаларының хузурында маңа мерхеметини эчди. Худайым Реббиң голдавындан рухланып, мениң билен Иерусалиме доланмаклары үчин Ысрайыл баштутанларыны йыгнадым.

Ezra 7:8

Эзра Артаксерксиң патышалыгының единҗи йылының бәшинҗи айында Иерусалиме гелди.

Ezra 8:18

Худайымызың ялкамагы билен олар бизиң янымыза Ысрайылың човлугы, Левиниң агтыгы Махлының неслинден болан Шеребя атлы дана адамы ве онуң огулларыдыр гарындашларыны – җеми он секиз адамы гетирдилер.

Ezra 8:22

Чүнки мен патышадан ёлда бизи душмандан горар ялы эсгерлер ве атлылары дилемәге чекиндим. Биз патыша: «Худайымыз Өзүни агтарянларың хеммесине мерхемет эдйәр. Өзүнден йүз өвренлериң гаршысына болса Онуң газабы гүйчлүдир» дийип айдыпдык.

Ezra 8:31

Онсоң биринҗи айың он икинҗи гүни биз Ахава дерясының боюндан Иерусалиме бакан ёла рована болдук. Ёлда Худайымыз бизиң билен биле болуп, Ол бизи ёлдакы гаракчылардан ве душман элинден халас этди.

Ezra 8:32

Биз Иерусалиме гелип, ол ерде үч гүн галдык.

Нехемя 2:18

Мен олара Худайымың маңа нәхили көмек эдендигини ве патышаның маңа айдан затларыны гүррүң бердим. Онсоң олар: «Гелиң, ише башлалың!» дийшип, бу оңат иш үчин биллерини берк гушадылар.

Нехемя 2:8

Шейле хем патыша токайының сакчысы Асафа, ыбадатхана галасының дервезелери үчин, шәхериң диварлары ве мениң яшаҗак өйүмиң пүрслери үчин агач берер ялы хат берсин» дийдим. Худайымың ялкамагы билен патыша мениң дилегими битирди.

Işaýa 66:14

Булары гөрүп, калбыңыз шатлыкдан долар, бедениңиз майса кимин гүлләп өсер; Реббиң элиниң бенделериниң үстүндедиги аян болар, Онуң газабы болса душманларына гаршыдыр.