Ezra 3:8 - Мукаддес Китап

⁸ Иерусалимдәки Худайың өйүне гайдып геленлеринден соң, икинҗи йылың икинҗи айында Шеялтыелиң оглы Зерубабыл ве Ёсадагың оглы Ешува өз галан адамлары, руханылар, левилер ве есирликден бошап, Иерусалиме геленлериң әхлиси билен ише башладылар. Левилериң йигрими ве ондан ёкары яшлыларыны Реббиң өйүниң ишине гөзегчилик этмәге белледилер.

Mukaddes Kitap

⁸ Iýerusalimdäki Hudaýyň öýüne gaýdyp gelenlerinden soň, ikinji ýylyň ikinji aýynda Şeýaltyýeliň ogly Zerubabyl we Ýosadagyň ogly Ýeşuwa öz galan adamlary, ruhanylar, lewiler we ýesirlikden boşap, Iýerusalime gelenleriň ählisi bilen işe başladylar. Lewileriň ýigrimi we ondan ýokary ýaşlylaryny Rebbiň öýüniň işine gözegçilik etmäge bellediler.

Ezra 3:8 ပူးပေါင်းရင်းမြစ်များ

1 Йыл язгылары 23:4

Давут: «Шоларың йигрими дөрт мүңүси Реббиң өйүнде хызмат этмелидирлер; алты мүңүси баштутанлар хем казылар,

1 Йыл язгылары 3:17

Есир эдип әкидилен Еконяның огуллары: Шеялтыел, Малкырам, Педая, Шенасар, Екамя, Хошама ве Недабя.

Ezra 10:18

Руханы несиллериниң арасындан кесеки миллетлерден аял аланлардан тапыланлар шулардыр: Ёсадагың оглы Ешуваның ве онуң доганларының несиллеринден: Магасея, Элигезер, Ярып ве Гедаля.

Ezra 2:2

Олар Зерубабыл, Ешува, Нехемя; Серая, Регелая, Мордекай, Билшан, Миспар, Бигвай, Рехум ве Багана дагының ёлбашчылыгында гелдилер. Есирликден гайдып гелен Ысрайыл халкының эркек адамларының санавы шулардыр:

Ezra 3:2

Худайың адамы Мусаның канунында язылышы ялы, Ёсадагың оглы Ешува бейлеки руханылар билен, Шеялтыелиң оглы Зерубабыл өз гарындашлары билен Ысрайылың Худайына якма гурбанлыкларыны бермек үчин, гурбанлык сыпасыны ясадылар.

Ezra 4:24

Шейдип, Худайың Иерусалимдәки өйүниң дикелдиш ишлери тогтадылды. Бу ягдай Парс патышасы Дарюшың патышалыгының икинҗи йылына ченли довам этди.

Ezra 4:3

Эмма Зерубабылдыр Ешува ве бейлеки Ысрайыл уругбашылары олара: «Худайымыза өйи биз сиз билен биле гурмарыс. Парс патышасы Курешиң бизе буйрушы ялы, Ысрайыл Худайы Реббе өйи бизиң өзүмиз гурарыс» дийип җогап бердилер.

Ezra 5:16

Онсоң Шешбасар гелип, Худайың Иерусалимдәки өйүниң дүйбүни тутды. Ол шондан бәри гурлуп йөр ве хенизем тамамлананок“.

Ezra 5:2

Онсоң Шеялтыелиң оглы Зерубабыл билен Ёсадагың оглы Ешува дагы Худайың Иерусалимдәки өйүни тәзеден гурмага башладылар. Худайың пыгамберлери-де олар билен болуп, олары рухландырдылар.

Hagaý 1:1

Дарюш патышаның шалыгының икинҗи йылының алтынҗы айының биринҗи гүни Хагай пыгамбериң үсти билен Яхуданың хәкими Шеялтыелиң оглы Зерубабыла ве Ехосадагың оглы баш руханы Ешува Реббиң шу сөзи аян болды.

Закаря 4:9

«Шу ыбадатхананың бинядыны Зерубабылың эллери тутды. Оны ахырына ченли алып гитҗек хем шонуң эллеридир». Шонда мени сизиң яныңыза Хөкмүрован Реббиң иберендигини, сен – Зерубабыл билерсиң.

Закаря 6:12

Хөкмүрован Реб шуны җар эдйәр дий: „Ине, Шаха диен адам. Ол өз орнундан шахалар чыкарар ве Реббе ыбадатхана гурар.

Çölde 4:3

Реббе йүз тутулян чадырда ишлемәге яравлы, отуз яшдан элли яша ченли боланларының хеммесини хасаба ал.