Еврейлер 9:9 - Мукаддес Китап

⁹ Мукаддес чадыр ве онуң парзлары хәзирки заман үчин бир нышандыр. Бу хөдүрленйән садакалар ве гурбанлыклар сежде эдйән адамың выжданыны пәкләп билмейәндигини гөркезйәр.

Mukaddes Kitap

⁹ Mukaddes çadyr we onuň parzlary häzirki zaman üçin bir nyşandyr. Bu hödürlenýän sadakalar we gurbanlyklar sežde edýän adamyň wyždanyny päkläp bilmeýändigini görkezýär.

Еврейлер 9:9 ပူးပေါင်းရင်းမြစ်များ

Rimliler 5:14

Муңа гарамаздан, Адам атадан башлап Муса ченли яшанлар Адам атаныңкы ялы гүнә этмеселер-де, өлүм оларың үстүнден хөкүм сүрди. Адам ата белли бир дереҗеде өзүнден соң гелмели Адамың, ягны Иса Месихиң нусгасы болды.

Галатялылар 3:21

Диймек, Мукаддес Канун Худайың вадасына гаршы чыкяр-да?! Элбетде, ёк! Йөне Канун бизе яшайыш берип билмейәр ахырын. Муңа гөрә, ол аркалы догрулыгы-да газанып билмейәрис.

Еврейлер 10:11

Хер бир руханы хер гүн аяк үстүнде дуруп, дини борчлары ерине етирйәрди ве шол бир гурбанлыклары өвран-өвран хөдүрлейәрди. Эмма бу гурбанлыклар хич вагт гүнәлери ювмагы башармаяр.

Еврейлер 11:19

Ыбрайым Худайың өлүлери дирелтмеги башаряндыгына ынанярды. Шоңа гөрә-де, ол Ысхагы дири гайдып алды.

Еврейлер 5:1

Хер бир баш руханы ынсанлар арасындан сайланяр. Ол Худайың хузурында халка векилчилик этмек үчин белленилип, гүнәлер үчин Худая садакалар ве гурбанлыклар хөдүрлейәр.

Еврейлер 7:11

Шейлеликде, эгер кәмиллиге леви руханылыгы аркалы етилйән болса, онда башга бир руханының гелмеги нәмә герекди? Мукаддес Кануна гөрә, леви тиреси руханылык этмелиди, эмма бу руханылык аркалы хич ким кәмил болуп билмейәрди. Шонуң үчин хем Харун ялы дәл-де, Мәликсадык ялы руханының гелмеги герекди.

Еврейлер 8:4

Эгер Ол гөкде дәл-де, ерде болсады, аслында руханы хем болмазды. Себәби Мукаддес Канун боюнча садакалары хөдүрлейән руханылар эййәм барды.

Еврейлер 9:24

Месих ынсан эли билен ясалан ве асыл нусганың йөне бир гөрнүши болан иң мукаддес отага гирмеди. Ол бизиң үчин Худайың хузурында хәзир болуп, гөкдәки мукаддес отага гирди.

1 Petrus 3:21

Ине, бу сув хәзирки сизи халас эдйән чүмдүрилишиң нышаныдыр. Сиз сува чүмдүрилениңизде бедениңизиң кири ювландыгы үчин дәл-де, Иса Месихиң дирелмеги аркалы пәк выждан билен Худая тарап өврүлендигиңиз үчин халас эдилдиңиз.