Еврейлер 7:18 - Мукаддес Китап

¹⁸ Хава, өңки када-канунлар говшакдыгы хем пейдасыздыгы зерарлы ятырылды.

Mukaddes Kitap

¹⁸ Hawa, öňki kada-kanunlar gowşakdygy hem peýdasyzdygy zerarly ýatyryldy.

Еврейлер 7:18 ပူးပေါင်းရင်းမြစ်များ

Rimliler 3:31

Онда нәме? Иман аркалы Мусаның Кануныны ятырярысмы? Ёк! Терсине, биз оны беркарар эдйәрис.

Rimliler 8:3

Мусаның Кануны ынсан хөвеслеримизиң хөтдесинден гелип билмәнсоң, бизи халас эдип билмеди. Кануның башармадык ишини Худай амала ашырды. Худай дүнйәдәки гүнә себәпли Өз Оглуны бир гүнәкәр ынсан кимин иберди-де, Ол аркалы гүнәни хөкүм этди. Худай муны Кануның адалатлы талапларының бизде берҗай болмагы үчин амал этди. Шунлукда, биз инди ынсан хөвеслеримизе гөрә дәл-де, Мукаддес Руха гөрә яшаярыс.

Галатялылар 3:15

Эй, доганлар! Мен гүнделик дурмушдан бир мысал гетирейин: ынсанларың өзара ылалашып баглашан әхтини хич ким бозуп-да, оңа зат гошуп-да билмейәр.

Галатялылар 3:17

Шейлеликде, мен сизе шуны айтмакчы: дөрт йүз отуз йыл геченден соң берлен Мукаддес Канун бу әхти бозуп-да, Худайың вадасыны ятырып-да билйән дәлдир.

Галатялылар 3:21

Диймек, Мукаддес Канун Худайың вадасына гаршы чыкяр-да?! Элбетде, ёк! Йөне Канун бизе яшайыш берип билмейәр ахырын. Муңа гөрә, ол аркалы догрулыгы-да газанып билмейәрис.

Галатялылар 4:21

Эй, Мукаддес Кануна гөрә яшамакчы болянлар! Мен шуны сорамакчы: эйсем сиз Төвратда языланы билмейәңизми?

Галатялылар 4:9

Инди болса сиз Худайы танаярсыңыз, догрусы, Худай тарапындан таналянсыңыз. Шундан соң сиз нәдип шол эҗиз ве ярамаз йөрелгелере доланярсыңыз?! Я-да гайтадан оларың гулы болмак ислейәрсиңизми?

1 Timoteos 4:8

Бедени түргенлешдирмегиң пейдалы тараплары бардыр. Йөне өзүңи Худайың ёлунда түргенлешдирмек хемметараплайын пейдалыдыр. Себәби мунда хәзирки ве гелҗекки яшайшың вадасы бардыр.

Еврейлер 13:9

Хер хили кесеки таглыматлара көңүл берип, ёлуңызы урдурмаң. Калбыңызың ийип-ичмек адатларындан дәл-де, Худайың мерхеметинден беркемеги оңатдыр. Себәби ийип-ичмек адатларына эерйәнлер мундан хич хили хайыр гөрен дәлдир.

Еврейлер 7:19

Чүнки канун хич бир зады кәмиллешдирмеди. Инди мунуң дерегине бизи Худая якынлашдырян хас оңат бир умыт берилди.