Еврейлер 7:16 - Мукаддес Китап

¹⁶ Онуң руханылыгы бу паны дүнйәниң талабына, ягны несилден-несле гечйән када-кануна дәл-де, эйсем Мәликсадык руханылыгы ялы соңсуз яшайыш гудратына эсасланандыр.

Mukaddes Kitap

¹⁶ Onuň ruhanylygy bu pany dünýäniň talabyna, ýagny nesilden-nesle geçýän kada-kanuna däl-de, eýsem Mäliksadyk ruhanylygy ýaly soňsuz ýaşaýyş gudratyna esaslanandyr.

Еврейлер 7:16 ပူးပေါင်းရင်းမြစ်များ

Rimliler 7:14

Биз Мусаның Канунының Худай тарапындан берлендигини билйәрис. Мен болса гүнәниң есирлигиндәки бир эҗиз ынсандырын.

Галатялылар 4:3

Биз хем чага ялы боланымызда, бу дүнйәниң эсасы йөрелгелериниң гулудык.

Галатялылар 4:9

Инди болса сиз Худайы танаярсыңыз, догрусы, Худай тарапындан таналянсыңыз. Шундан соң сиз нәдип шол эҗиз ве ярамаз йөрелгелере доланярсыңыз?! Я-да гайтадан оларың гулы болмак ислейәрсиңизми?

Колосиялылар 2:14

Ол бизе гаршы язылан бергидарлык язгысыны өчүрди, оны хача чүйләп, арадан айырды.

Колосиялылар 2:20

Сиз Месих билен өлүп, бу паны дүнйәниң йөрелгелеринден азат болдуңыз. Онда нәме үчин хенизем бу дүнйә дегишли ялы, «Муңа галташма», «Муны ийме», «Муңа эл дегирме» диен ынсан кадаларына эерйәрсиңиз?

Еврейлер 10:1

Мусаның кануны гелҗекки оңат затларың өзи дәл-де, шол затларың көлегесидир. Шу себәпли Канун хер йыл үзнүксиз хөдүрленен шол бир гурбанлыклар билен Худая сыгынянлары хич хачан кәмил эдип билмейәр.

Еврейлер 7:15

Инди Мәликсадык ялы башга бир руханының гелмеги бу айданларымызың әхлисини өңкүден хем хас айдың гөркезйәр.

Еврейлер 7:17

Чүнки мезмурчы Ол хакда шейле язды: «Сен Мәликсадык дереҗесиндәки мүдимилик руханысың».

Еврейлер 7:21

Худайың Оңа: «Реб ант ичди, Ол ондан дәнмез. Сен мүдимилик руханысың» диен анты аркалы руханы болды.

Еврейлер 7:28

Мукаддес Кануна гөрә баш руханылыга йөнекей ынсанлар белленилйәрди, эмма Канундан соңра Худай ант ичип, муңа Оглуны белледи. Ол кәмил эдилен мүдимилик Баш Руханыдыр.

Еврейлер 7:3

Онуң эне-атасының кимдиги белли дәл, несил дарагты-да ёк. Өмрүниң не башы, не-де ахыры бар. Ол Худайың Оглы ялы хемишелик руханы болуп галар.

Еврейлер 9:14

Эгер шейле эден болсалар, онда Месихиң ганы аркалы хас-да бейик ишлер эдип болар! Шейдип, Месих эбеди Рухуң гудраты аркалы Өзүни мүйнсүз гурбанлык хөкмүнде Худая хөдүрледи. Онуң дөкен ганы бизиң выжданымызы өлүме элтйән ишлерден пәклейәр, шонда биз дири Худая гуллук эдйәрис.

Аянлык 1:18

Мен диридирин. Өлүдим, йөне, ине, инди эбедилик диридирин. Өлүмиң-де, өлүлер дүнйәсиниң-де ачары Мендедир.