Еврейлер 3:1 - Мукаддес Китап

¹ Шонуң үчин хем, эй, мениң билен биле Худай тарапындан чагырылан мукаддес доганлар, әхли ой-пикириңиз Исада болсун! Ол Худайың Ресулы ве бизиң ыкрар эдйән Баш Руханымыздыр.

Mukaddes Kitap

¹ Şonuň üçin hem, eý, meniň bilen bile Hudaý tarapyndan çagyrylan mukaddes doganlar, ähli oý-pikiriňiz Isada bolsun! Ol Hudaýyň Resuly we biziň ykrar edýän Baş Ruhanymyzdyr.

Еврейлер 3:1 ပူးပေါင်းရင်းမြစ်များ

Zebur 110:4

Ол ятдан чыкмаҗак гудратлы ишлери этди, Реб мерхеметли хем-де рехимли.

Işaýa 1:3

Өкүз өз эесини танаяр, эшек-де эесиниң ахырыны, эмма Ысрайыл Мени танамаяр, халкым Маңа дүшүнмейәр».

Işaýa 41:20

Онсоң хеммелер муны Реббиң элиниң эдендигини, Ысрайылың Мукаддесиниң ярадандыгыны гөрерлер, билерлер, акыл етирерлер, дүшүнерлер».

Işaýa 5:12

Мейлислеринде лирадыр арфа, депрекдир түйдүк чалнып, шерап ичилйәр, йөне Реббиң ишлерине үнс бермейәрлер, Онуң элиниң ишлерини гөрмейәрлер.

Эзекиел 12:3

Шонуң үчин, эй, ынсан оглы, сен есир эдип әкидилйән адам ялы, өз гошуңы тайярла-да, гүндизиң гүни оларың гөзлериниң алнында ёла дүш. Сен есир эдип әкидилен ялы, оларың гөзлериниң алнында өз ериңден башга бир ере гөч. Олар питнечи халк болсалар-да, белки, муңа дүшүнерлер.

Эзекиел 18:28

Ол өзүниң эден әхли гүнәлерине гөз етирип, олара тоба эдендиги үчин, хөкман дири галар, ол өлмез.

Hagaý 1:5

Шонуң үчин инди Хөкмүрован Реб шейле диййәр: „Өз яшан йылларыңыза сер салып пикир эдиң.

Hagaý 2:15

Инди шу гүнден бейләк өз ягдайларыңыз хакда пикир эдиң. Реббиң ыбадатханасында даш үстүне даш гоюлмаздан өң

Ёханна 17:3

Бакы яшайыш болса, Сени, ягны еке-тәк хак Худайы ве Сениң иберен Иса Месихиңи танамакдыр.

Ёханна 20:21

Иса олара ене-де: «Сизе рахатлык болсун! Атамың Мени ибериши ялы, Мен хем сизи иберйәрин» дийди.

Ёханна 20:27

Онсоң Иса Томасың янына барып, оңа: «Бармагыңы бу ере дегир, эллериме серет! Элиңи узат-да, бөврүме дегир. Шүбхеленмәңи бес эт, иманлы бол» дийди.

Resul 1:15

Бир гүн Петрус йыгнанышан йүз йигримә голай доганларың ортасында дуруп, шейле дийди:

Rimliler 11:17

Хава, багың кәбир шахалары дөвлүп, ябаны зейтуның шахасы болан сиз оңа сапылдыңыз. Сиз идедилип етишдирилен зейтуның көкүниң ширесине шәрик болдуңыз.

Rimliler 15:27

Хава, олар муны гөвүнҗеңлик билен этдилер, аслында олар шейле-де этмелидилер. Чүнки яхуды иманлылар башга халклар билен өз рухы паталарыны пайлашдылар. Шоңа гөрә-де, башга халклар хем өз гезегинде олара мадды мәтәчликлеринде көмек бермәге борчлудырлар.

Rimliler 15:8

Чүнки Иса Месих Худайың садыклыгыны аян эдип, ата-бабалара берлен ваданың берҗай болмагы үчин яхудыларың хызматкәри болды.

Rimliler 9:24

Худайың шейле мерхемет эденлериниң ве чагыранларының арасында диңе яхудылар дәл, эйсем башга миллетлер хем бардыр. Хава, буларың арасында биз хем бардырыс.

1 Korintoslylar 1:2

Худайың Коринтосдакы йыгнагына догайы салам! Иса Месих аркалы Худайың мукаддес халкы болмага чагырыланларың барына догайы салам! Шейле-де хеммәмизиң Реббимиз болан Иса Месихе ыбадат эдйәнлериң барына догайы салам!

1 Korintoslylar 10:17

Чөрегиң бир болшы ялы, биз көп болсак-да, бир бедендирис. Чүнки шол бир чөреги пайлашяндырыс.

1 Korintoslylar 9:23

Мен буларың барыны Хош Хабарың ак паталарына шәрик болуп билерим ялы, Хош Хабарың хатырасына эдйәрин.

2 Korintoslylar 1:7

Сизе баглаян умыдымыз беркдир, себәби сизиң диңе мушакгатларымыза дәл, эйсем теселлимизе-де шәрикдигиңизи билйәрис.

2 Korintoslylar 9:13

Сизиң бу хемаятыңыз Иса Месих барадакы Хош Хабара садыкдыгыңызы субут эдйәр. Сиз элде барыңызы олара ве бейлеки иманлылара сахылык билен эчилйәрсиңиз. Ине, шуларың бары үчин Худайың халкы Оны шөхратландырар.

Efesliler 3:6

Ине, Худайың сыры шудур: Хош Хабары кабул эдйән яхуды дәллер хем яхудылара берлен ялканыш вадасына, бир бедене, бир мираса дең дереҗеде шәрикдирлер. Себәби оларың хеммеси Иса Месихе дегишлидир.

Efesliler 4:1

Реббиң угрунда туссаглыкда болан мен сизден Худайдан алан чагырылышыңыза мынасып яшамагыңызы хайыш эдйәрин.

Efesliler 4:4

Сиз бир Бедене, бир Руха шәрик болярсыңыз; Худай хеммәңизи бир умыда чагырандыр.

Filipililer 3:14

Мен Худайың Иса Месих аркалы гөклердәки яшайша чагырян байрагыны алмак үчин, максадыма тарап ылгаярын.

Колосиялылар 1:12

Нурдакы Өз халкының мирасына шәрик болмага сизи долы мынасып эден Ата Худая шатланып шүкүр эдиң.

Колосиялылар 1:22

Инди болса Худай сизи Өз хузурында мукаддес, мүйнсүз хем айыпсыз этмек үчин, Месихиң бедениниң өлүми аркалы Өзи билен ярашдырды.

Колосиялылар 3:12

Шонуң үчин хем, эй, Худайың сайлан мукаддес хем эзиз халкы! Рехим-шепагата, мәхрибанлыга, песпәллиге, юмшаклыга ве сабыр-такатлылыга беслениң.

1 Salonikliler 5:27

Бу хаты доганларың барына окап бермеги Реббиң адындан сизе табшырярын.

2 Salonikliler 1:11

Шоңа гөрә-де, биз элмыдама сизиң үчин дога-дилеглер эдйәрис: гой, Худай сизи Өз чагырышына мынасып сайсын; гой, әхли ягшы ниетлериңизи ве иманыңызың гөнүкдирен хер бир ишини Худай Өз гудраты билен амала ашырсын.

2 Salonikliler 2:14

Ол Реббимиз Иса Месихиң шөхратына шәрик болуп билериңиз ялы, вагыз эдйән Хош Хабарымыз аркалы сизи булара чагырды.

1 Timoteos 6:12

Иман угрундакы гөрешде эдерменлик билен гөреш ве бакы яшайшы макәм тут. Худай сени муңа чагырды, сен хем иманыңы көп шаядың өңүнде долы ыкрар эденсиң.

1 Timoteos 6:2

Хоҗайынлары иманлы болан гуллар: «Инди биз догандырыс» дийип, өз хоҗайынларына гелеңсизлик этмесинлер, терсине, өңкүден-де ыхласлы хызмат этсинлер. Себәби оларың хоҗайынлары имандакы эзиз доганлары болуп, ягшылык эдйәндирлер. Буларың барыны өврет ве үнде.

2 Timoteos 1:9

Худай бизи эден ишлеримизе гөрә дәл-де, Өз максадына ве мерхеметине гөрә халас эдип, Онуң мукаддес халкы болмага чагырды. Бу мерхемет дүнйә ярадылмаздан өң Иса Месих аркалы берлип,

2 Timoteos 2:7

Шу айдянларым барада ойлан. Буларың барына дүшүнериң ялы, Реббиң Өзи саңа дүшүнҗе берер.

Еврейлер 10:19

Шонуң үчин хем, эй, доганлар, Исаның ганы аркалы инди биз Иң мукаддес отага батыргайлык билен гирип билйәрис.

Еврейлер 10:21

Инди бизиң Худайың халкына җогапкәр бейик Руханымыз бардыр.

Еврейлер 10:23

Инди ыкрар эден умыдымызы икирҗиңленмән берк саклалың, чүнки вада берен Худай ынамдардыр.

Еврейлер 13:22

Эй, доганлар, сизе язан бу гысга хатымдакы өвүт-үндевлерими чын йүрекден кабул этмегиңизи хайыш эдйәрин.

Еврейлер 2:11

Ынсанлары мукаддес эдйән Иса ве Ол аркалы мукаддес эдиленлер инди бир машгала дегишлидир. Шонуң үчин хем Иса олара доган диймекден утанмаяр.

Еврейлер 2:17

Шонуң үчин Ол хер җәхтден биз доганларына меңземели болды. Шейдип, Ол халкың гүнәлерини пәклейәндир ве Худайың хызматында рехимдар хем садык Баш Руханыдыр.

Еврейлер 3:12

Эзиз доганлар, хабардар болуң! Сизиң хич бириңизде яман ниетли, имансыз йүрек болмасын, булар сизи дири Худайдан дашлашдырмасын.

Еврейлер 3:14

Биз овал-башдакы ынамымызы соңуна ченли берк сакласак, Месих билен шәрикдеш болярыс.

Еврейлер 6:20

Иса бизе ёл ачмак үчин, ол ере илкинҗи болуп гирип, Мәликсадык дереҗесиндәки мүдимилик Баш Руханымыз болды.

Еврейлер 7:26

Бизе хут шунуң ялы – мукаддес, языксыз ве пәк Баш Руханы герекди. Ол гүнәлилерден айрылып, гөклерден хем ёкары гөтерилендир.

Еврейлер 7:28

Мукаддес Кануна гөрә баш руханылыга йөнекей ынсанлар белленилйәрди, эмма Канундан соңра Худай ант ичип, муңа Оглуны белледи. Ол кәмил эдилен мүдимилик Баш Руханыдыр.

Еврейлер 9:11

Месих инди амала ашан әхли оңат затларың Баш Руханысы болуп гелди. Ол ынсан эли билен гурулмадык, бу дүнйәниң ярадылышындан болмадык хас бейик ве кәмил чадыра гирди.

Еврейлер 9:15

Шу себәпли хем чагырыланлары Худайың вада эден эбеди мирасына говшурмак үчин, Иса Месих тәзе әхтиң Бинятчысы болды. Олары овалкы әхт дөврүнде эден гүнәлериниң җезасындан азат этмек үчин Ол гурбан болды.

1 Petrus 2:9

Эмма сиз бейле дәлсиңиз, чүнки сиз сайланып-сечилен халксыңыз. Сиз патышаның руханылары, мукаддес миллет, Худая дегишли халксыңыз. Худай сизи гараңкылыкдан Өзүниң аҗайып нуруна чагырды. Сиз Онуң шан-шөхратыны ыглан этмек үчин сайланып-сечиленсиңиз.

1 Petrus 3:5

Өңки вагтларда Худая умыт баглап, йүреклерини пәк саклан аяллар хем өзлерини шейле безейәрдилер, олар әрине табындылар.

1 Petrus 5:1

Мен Месихиң чекен эҗирлериниң шаяды ве Онуң аян болҗак шөхратының шәриги хөкмүнде араңыздакы өзүм ялы ёлбашчылардан шулары хайыш эдйәрин:

1 Petrus 5:10

Бол мерхемет эчилйән Худай сизи Месих аркалы Өз эбеди шөхратына чагырды. Сиз дурмушда эҗир чекйән болсаңыз хем, Ол сизи дикелдер, беркидер, гүйчлендирер ве сарсмаз бина эдип гурар.

1 Ёханна 1:3

Хава, сизиң-де бизиң билен якын гатнашыкда яшамагыңыз үчин, гөрүп-эшиденлеримизи сизе мәлим эдйәрис. Бизиң өзүмизиң хем Атамыз ве Онуң Оглы Иса Месих билен якын гатнашыгымыз бардыр.

Ýahuda 1:1

Иса Месихиң гулы ве Якубың доганы болан мен Яхудадан Худайың халкы болмага чагырыланлара догайы салам! Бу хаты Атамыз Худай тарапындан сөйлүп, Иса Месих аркалы горалян сизе язып ёллаярын.

Аянлык 17:14

Олар Гузы билен сөвешерлер, йөне Гузы олары еңер. Чүнки Гузы шаларың Шасы, таңрыларың Таңрысыдыр. Онуң чагыранлары, сайланлары ве садыклары Онуң билен боларлар».

Аянлык 18:20

Эй, гөклер, шатланың! Эй, Худайың халкы, ресуллар ве пыгамберлер, шатланың! Бабылың сизе эденлери үчин Худай оны җезаландырды».