Еврейлер 10:1 - Мукаддес Китап

¹ Мусаның кануны гелҗекки оңат затларың өзи дәл-де, шол затларың көлегесидир. Шу себәпли Канун хер йыл үзнүксиз хөдүрленен шол бир гурбанлыклар билен Худая сыгынянлары хич хачан кәмил эдип билмейәр.

Mukaddes Kitap

¹ Musanyň kanuny geljekki oňat zatlaryň özi däl-de, şol zatlaryň kölegesidir. Şu sebäpli Kanun her ýyl üznüksiz hödürlenen şol bir gurbanlyklar bilen Hudaýa sygynýanlary hiç haçan kämil edip bilmeýär.

Еврейлер 10:1 ပူးပေါင်းရင်းမြစ်များ

Lewiler 9:16

Харун якма гурбанлыгыны-да хөдүрләп, оны дүзгүн боюнча хөдүр этди.

Rimliler 8:3

Мусаның Кануны ынсан хөвеслеримизиң хөтдесинден гелип билмәнсоң, бизи халас эдип билмеди. Кануның башармадык ишини Худай амала ашырды. Худай дүнйәдәки гүнә себәпли Өз Оглуны бир гүнәкәр ынсан кимин иберди-де, Ол аркалы гүнәни хөкүм этди. Худай муны Кануның адалатлы талапларының бизде берҗай болмагы үчин амал этди. Шунлукда, биз инди ынсан хөвеслеримизе гөрә дәл-де, Мукаддес Руха гөрә яшаярыс.

Колосиялылар 2:17

Булар гелҗекки затларың көлегесиди, эмма хакыкат Месихиң Өзүдир.

Еврейлер 10:22

Шоңа гөрә, чын йүрекден ве берк ынам билен Худая якынлашалың. Месих калбымызы Өз ганы билен пәкләп, бизи выждан языгындан азат этди ве беденимизи арасса сув билен ювды.

Еврейлер 7:11

Шейлеликде, эгер кәмиллиге леви руханылыгы аркалы етилйән болса, онда башга бир руханының гелмеги нәмә герекди? Мукаддес Кануна гөрә, леви тиреси руханылык этмелиди, эмма бу руханылык аркалы хич ким кәмил болуп билмейәрди. Шонуң үчин хем Харун ялы дәл-де, Мәликсадык ялы руханының гелмеги герекди.

Еврейлер 8:5

Олар ердәки Мукаддес чадырда хызмат эдйәрлер. Бу чадыр бары-ёгы гөкдәки хакыкы Чадырың гөрнүши ве көлегесидир. Шонуң үчин хем Худай Мукаддес чадыры нәхили ясамалыдыгы барада Муса шейле гөркезме берипди: «Әхли зады дагда өзүңе гөркезилен нусганың эсасында ясарсың».

Еврейлер 9:11

Месих инди амала ашан әхли оңат затларың Баш Руханысы болуп гелди. Ол ынсан эли билен гурулмадык, бу дүнйәниң ярадылышындан болмадык хас бейик ве кәмил чадыра гирди.

Еврейлер 9:23

Шейлеликде, гөкдәки затларың ердәки нусгаларының бу гурбанлыклар билен пәкленмеги герекди. Эмма гөкдәки затларың өзлери булардан хас оңат гурбанлыклары талап эдйәрди.

Еврейлер 9:25

Баш руханы иң мукаддес отага хер йыл гирип, гурбанлык җанлысының ганыны хөдүр эдйәрди, эмма Месих гөге гирмек үчин Өзүни өвран-өвран гурбан этмеди.