Еврейлер 1:2 - Мукаддес Китап

² Бу ахыркы гүнлерде болса Ол бизе Өз Оглуның үсти билен гепледи. Оглы аркалы Худай әлем-җаханы ярадып, Оны әхли задың мирасчысы эдип белледи.

Mukaddes Kitap

² Bu ahyrky günlerde bolsa Ol bize Öz Oglunyň üsti bilen gepledi. Ogly arkaly Hudaý älem-jahany ýaradyp, Ony ähli zadyň mirasçysy edip belledi.

Еврейлер 1:2 ပူးပေါင်းရင်းမြစ်များ

Gelip çykyş 49:1

Якуп өз огулларыны чагырып, олара: «Яныма йыгнанышың, мен гелҗек гүнлерде сизе нәмелериң гарашяндыгыны айдып берейин» дийди.

Işaýa 2:2

Ахыркы гүнлерде шейле боляр: Реббиң өйи дагларың иң бейиги дей беркарар эдилер, депелерден белент болар ол, әхли миллетлер оңа тарап эңерлер.

Işaýa 44:24

Сизе ятгыда шекил берен Пенакәриңиз Реб шейле диййәр: «Әхли зады ярадан, гөклери еке Өзи яйрадан, ялңыз Өзи ери язан,

Işaýa 45:12

Мен ери дөретдим, онда ынсанлары яратдым; эллерим гөклери герди, асман җисимлерине буйрук бердим.

Işaýa 45:18

Гөклери ярадан, Ол Худай, дүнйәни ярадан, оңа шекил берен, оны беркиден, бош болмасын, адамлы болсун диен Реб шейле диййәр: «Мен Ребдирин, Менден башга хич ким ёкдур».

Ýermeýa 30:24

Йүрегиниң ниетини амала ашырянча, Реббиң гахар-газабы ятышмаз. Сиз муңа ахыркы гүнлерде дүшүнерсиңиз.

Ýermeýa 48:47

Эмма ахыркы гүнлерде Мен Мовабың өңки абаданчылыгыны гайтарып берерин“. Муны Реб айдяндыр. Ине, Мовабың җезасы шу ерде гутаряр».

Эзекиел 38:16

Сен ер йүзүни гаплаян булут кимин халкым Ысрайылың үстүне хүҗүм эдерсиң. Эй, Гог, ахыркы гүнлерде Мен сени Өз юрдума хүҗүм этдирерин, сен аркалы миллетлере мукаддеслигими аян эдип, Өзүми танадарын».

Даныел 10:14

Мен ахыркы гүнлерде сениң халкыңың башына нәмелериң гелҗегини саңа дүшүндирмәге гелдим, чүнки бу гөрнүш шол гелҗек дөвре дегишлидир».

Даныел 2:28

Эмма гөклерде гизлин сырлары ачян Худай бар. Ахыркы гүнлерде нәме болҗагыны Небукаднесар патыша Ол билдирди. Ятыркаң дүйшүңде гөрен гөрнүшлериң шулар болмалы:

Mika 4:1

Ахыркы гүнлерде шейле болар: Реббиң өйи дагларың иң бейиги дей беркарар эдилер, депелерден белент болар ол, халклар оңа тарап эңерлер.

Çölde 24:14

Ине, инди мен өз илиме гайтманкам, бу ысрайыл халкының гелҗек гүнлерде сениң халкыңа нәмелер этҗекдиги билен сени хабардар эдейин» дийди.

Matta 13:39

Хашал отлары экен душман – шейтандыр. Орак дөври – дүнйәниң ахырыдыр, оракчылар болса перишделердир.

Matta 17:5

Ол энтек гепләп дурка, парлак бир булут оларың үстүни өртди. Булутдан: «Бу Мениң сөвер Оглумдыр, Мен Ондан гаты разыдырын. Оңа гулак асың» диен бир оваз гелди.

Matta 21:38

Эмма кәрендечилер бири-бирлерине: „Мирасдар шудур! Гелиң, шуны өлдүрип, мирасыны элинден алалың“ дийишйәрлер.

Matta 26:63

Эмма Иса дымды. Баш руханы Оңа: «Саңа дири Худайдан касам эдйәрин, бизе айт, Худайың Оглы – Месих Сенми?» дийди.

Matta 28:18

Иса хем оларың янына гелип: «Гөкде ве ерде әхли ыгтыярлык Маңа берилди.

Matta 3:17

Шол вагт гөкден: «Бу Мениң сөвер Оглумдыр, Мен Ондан көп разыдырын» диен оваз гелди.

Mark 1:1

Бу Худайың Оглы Иса Месих хакдакы Хош Хабарың башлангыҗыдыр.

Mark 12:6

Үзүмчилигиң эесиниң ол ере ибермәге ене бир адамы галяр, ол-да өзүниң еке-тәк сөвер оглуды. Оглумы сыларлар өйдүп, ол иң соңунда кәрендечилериң янына өз оглуны иберйәр.

Mark 12:7

Эмма кәрендечилер бири-бирлерине: „Мирасдар шудур! Гелиң, шуны өлдүрелиң, мирас бизе галар“ дийишйәрлер.

Ёханна 1:10

Ол дүнйәдеди, дүнйә Ол аркалы ярадылыпды, эмма дүнйә Оны танамады.

Ёханна 1:14

Сөз ынсан болуп, арамызда яшады. Ол мерхеметден ве хакыкатдан долуды. Биз Онуң шөхратыны, ягны Атадан гелен Еке-тәгиң шөхратыны гөрдүк.

Ёханна 1:3

Тутуш барлык Сөз аркалы ярадылды, ярадылан затларың хич бири Онсуз ярадылмады.

Ёханна 13:3

Иса Атасының әхли зады Өз ыгтыярына берендигини, Өзүниң Худайдан гелип, Худая гитҗекдигини билйәрди.

Ёханна 13:32

Эгер Худай Ынсан Оглы аркалы шөхратланан болса, Оны хем Өз шөхратына шәрик эдер. Хава, Оны шол пурсадың өзүнде шөхратландырар.

Ёханна 15:15

Мундан бейләк Мен сизе гул диймерин, себәби гул хоҗайынының нәме эдйәнини билйән дәлдир. Мен сизе дост диййәрин, себәби Атамдан эшиден әхли затларымы сизе айтдым.

Ёханна 16:15

Атамың әхли затлары Мениңкидир. Шонуң үчин Менден эшиден затларыны сизе аян эдер дийдим.

Ёханна 17:2

Сен Огла әхли ынсанларың үстүнден ыгтыяр бердиң. Гой, Огул хем Сениң Оңа табшыран әхли ынсанларыңа бакы яшайыш берсин.

Ёханна 3:16

Худай дүнйәни өрән сөендиги себәпли Өзүниң еке-тәк Оглуны берди. Ол муны Оглуна иман эденлериң хич бири хеләк болман, бакы яшайша говушмагы үчин этди.

Ёханна 3:25

Шол махал Яхяның шәгиртлери билен бир яхудының арасында ювнуп-пәкизленме дессуры барада җедел турды.

Ёханна 5:26

Чүнки Атаның яшайыш берип билши ялы, Ол Огла-да яшайыш бермек ыгтыярыны берди.

Ёханна 5:27

Онуң Ынсан Оглудыгы себәпли, Оңа казылык этмек ыгтыярыны-да берди.

Ёханна 9:29

Биз Худайың Муса билен геплешендигини билйәрис, бу Адамың болса ниредендигини-де билмейәрис» дийдилер.

Resul 10:36

Худай ысрайыл халкына иберен бу парахатлык Хош Хабарыны хеммелериң Ребби болан Иса Месих аркалы ыглан этди.

Resul 2:17

„Худай шейле диййәр: Ахыркы гүнлерде шейле болар, Мен әхли ынсанларың үстүне Өз Рухумы дөкерин. Пыгамберлик эдер огулдыр гызларыңыз, аянлык аларлар йигитлериңиз, дүйшлер гөрер гаррыларыңыз.

Rimliler 1:4

Худай Реббимиз Иса Месихи өлүмден дирелдип, Оны Мукаддес Рухдан долдурды. Шейдип, Онуң Худайың гудратлы Оглудыгы тассыкланды.

Rimliler 8:17

Шейлеликде, перзентлери болан болсак, онда мирасдүшеридирис. Худайың мирасдүшерлери болян болсак, онда Иса Месихиң хем мирасдашларыдырыс. Биз Иса Месихиң гөрен гөргүлерине шәрик болян болсак, онда Онуң шан-шөхратына хем шәрик боларыс.

1 Korintoslylar 2:7

Биз Худайың сырлы, яшырын сакланылан даналыгыны сөзлейәрис. Худай бу даналыгы бизиң хем Онуң шөхратына шәрик болмагымыз үчин, оны дүнйә ярадылмаздан өң ниетләпди.

1 Korintoslylar 8:6

бизиң үчин еке-тәк Худай бардыр, Ол бизиң Атамыздыр, әхли задың гөзбашы-да Олдур. Биз Онуң үчин яшаяндырыс. Бизиң үчин еке-тәк Хөкүмдар бар, Ол Реббимиз Иса Месихдир, хемме зат Ол аркалы ярадыландыр. Биз Ол аркалы яшаяндырыс.

Галатялылар 4:4

Эмма белленилен вагт етип геленде, Худай Өз Оглуны иберди. Ол аялдан доглуп, Мукаддес Кануна лайыклыкда яшады.

Efesliler 1:10

Бу ниетиң амала ашырылмалы вагты геленде, Худай ердәки ве гөкдәки әхли затлары бир Баша, ягны Иса Месихе бирикдирер.

Efesliler 3:9

Әхли зады ярадан Худай гечмишден бәри бу сыры Өз хузурында гизлин саклады, бу сырың манысының нәмедигини инди хер бир ынсана әшгәр этмеклик маңа берилди.

Kanun taglymaty 18:15

Худайыңыз Реб сизиң үчин өз халкыңызың арасындан мениң ялы пыгамбер чыкарар. Сиз шол пыгамбере гулак асың.

Kanun taglymaty 31:29

Чүнки өленимден соңра, мениң сизе буйран ёлумдан чыкып, бүс-бүтин азгынчылыга баш урҗакдыгыңызы мен билйәрин. Ахыркы гүнлерде башыңыздан бела-бетер инер, себәби сиз Реббиң назарында пис иш эдип, өз этмишлериңиз себәпли Онуң гахарыны гетирерсиңиз».

Kanun taglymaty 4:30

Ахыркы гүнлерде, бу затларың әхлиси башыңыздан иненде, бетбагтчылыга учраныңызда, сиз Худайыңыз Реббе доланып, Оңа гулак асарсыңыз.

Еврейлер 1:5

Эйсем Худай перишделериң хайсы бирине: «Сен Мениң Оглумсың, бу гүн Мен Саңа Ата болдум» я-да «Мен Оңа Ата, Ол болса Маңа Огул болар» дийипдир?

Еврейлер 1:8

Эмма Огла шейле диййәр: «Эй, Худай, Сениң шалыгың довам эдер бакы эбеди, Сениң шалык хасаң – адалатлылык хасасы.

Еврейлер 11:3

Биз әлем-җаханың Худайың буйругы билен ярадыландыгына, шейле хем, гөрүнйән затларың гөрүнмейән затлардан дөрәндигине иман аркалы дүшүнйәрис.

Еврейлер 2:3

Инди биз шундан соң халас болмагың бу аҗайып ёлуны инкәр этсек, онда хей-де җезадан халас болуп билерисми? Халас болмагың бу ёлуны овал-башда Реб ыглан этди ве муны Иса Месихиң хут Өзүнден эшиденлер тассыкладылар.

Еврейлер 3:6

Эмма Месих Худайың өйүне Огул хөкмүнде садыкдыр. Эгер гайратымызы ве магтанян умыдымызы сакламагы башарсак, биз Худайың өйүдирис.

Еврейлер 4:14

Шейлеликде, ыкрар эден иманымызы берк саклалың! Чүнки бизиң гөге чыкып, Худайың хузурына баран бейик Баш Руханымыз бар. Ол Худайың Оглы Исадыр.

Еврейлер 5:8

Ол Огул хем болса, гөрги гөрүп, табын болмаклыгы өвренди.

Еврейлер 7:28

Мукаддес Кануна гөрә баш руханылыга йөнекей ынсанлар белленилйәрди, эмма Канундан соңра Худай ант ичип, муңа Оглуны белледи. Ол кәмил эдилен мүдимилик Баш Руханыдыр.

Еврейлер 7:3

Онуң эне-атасының кимдиги белли дәл, несил дарагты-да ёк. Өмрүниң не башы, не-де ахыры бар. Ол Худайың Оглы ялы хемишелик руханы болуп галар.

Еврейлер 9:26

Бейле болса, Месих дүнйә ярадылалы бәри өвран-өвран эҗир чекмели боларды. Муңа дерек Ол адамларың гүнәлерини ювмак үчин Өзүни гурбан этмек билен ахыркы дөвүрде бир гезек гелди.

1 Petrus 1:20

Месих дүнйә ярадылмаздан өң белленен хем болса, сизиң хатыраңыза бу дөврүң ахырында аян болды.

2 Petrus 3:3

Әхли затдан өңүрти шуны билиң: ахыркы гүнлерде өз бетнебислерине чапян бихая яңсылайҗылар пейда болар.

Ýahuda 1:18

Олар сизе: «Дүнйәниң ахыркы гүнлеринде өз тен хөвеслерини канагатландырян яңсылайҗылар пейда болар» дийипдилер.