Efesliler 6:18 - Мукаддес Китап

¹⁸ Хер бир ягдайда ялбармак билен, Мукаддес Рухуң ылхамы аркалы Худая дога-дилег эдиң. Хүшгәр болуң, Худайың әхли халкы үчин хемише дилегде болуң.

Mukaddes Kitap

¹⁸ Her bir ýagdaýda ýalbarmak bilen, Mukaddes Ruhuň ylhamy arkaly Hudaýa doga-dileg ediň. Hüşgär boluň, Hudaýyň ähli halky üçin hemişe dilegde boluň.

Efesliler 6:18 ပူးပေါင်းရင်းမြစ်များ

1 Patyşalar 8:52

Өз гулуң хем-де халкың Ысрайыл ислендик вагт Сени чагыранларында, Сен оларың налышларыны эшит. Гой, гөзлериң оларда болсун.

1 Patyşalar 8:54

Сүлейман Худая дилегини, ялбарышыны тамамландан соң, Реббиң гурбанлык сыпасының өңүнде эллерини гөге герип, дыза чөкен еринден турды.

1 Patyşalar 8:59

Гой, мениң Реббиң өңүнде диле гетирен сөзлерим Бейик Худая гиҗе-гүндиз якын болсун. Бейик Худай дүнйәниң әхли халкларының Реббиң Худайдыгыны, Ондан башга Худайың ёкдугыны билерлери ялы, Реб Өз гулуны, ысрайыл халкыны гүнделик зерур затлар билен үпҗүн этсин.

1 Patyşalar 9:3

Реб Сүлеймана шейле дийди: «Мен сениң эден дилегиңи, ялбарышыңы эшитдим. Сениң гуран бу өйүңи мукаддес этдим. Маңа ол ерде эбедилик ыбадат эдилер. Мениң назарым ве йүрегим хемише шол ерде болар.

Ester 4:8

Шейле хем, Мордекай өзлерини дерби-дагын этмек барадакы Сузада чыкарылан перманың язув нусгасыны Эстере гөркезип, дүшүндирмеги үчин Хатага берди. Ол Эстере патышаның хузурына барып, ондан өз халкына рехим этмегини сорап, өз адамлары үчин оңа ялбармагыны табшырмаклыгы Хатакдан хайыш этди.

Eýýup 27:10

Гудратыгүйчлүден хошал болармы ол? Ол хер заман медет диләрми Худайдан?

Zebur 4:1

Айдымчылар топарының ёлбашчысына. Киришли саз гуралында. Давудың мезмуры.

Zebur 6:9

Менден дашлашың, эй, беткәрлериң бары, чүнки Реб эшитди агы сесими.

Işaýa 26:16

Я Реб, хасрат ичинде сени агтардылар, Сенден темми аланларында, пышырдап зордан дилег этдилер.

Даныел 6:10

Пермана гол чекиленини биленден соң, Даныел өйүне гайтды. Онуң ёкаркы отагының пенҗирелери Иерусалиме тарап бакярды. Даныел өңки эдиши ялы, дызына чөкүп, гүнде үч гезек өз Худайына дилег эдйәрди ве Онуң өңүнде шүкүр эдйәрди.

Даныел 9:20

Мен дилег эдип, өз гүнәми ве халкым Ысрайылың гүнәсини боюн алып, Худайымың мукаддес дагы үчин Худайым Реббиң хузурында налышларымы аян эдип дурдум.

Hoşeýa 12:4

Перишде билен гөрешип, еңди. Аглап онуң гөвнүни тапҗак болды. Худай оны Бейтелде тапды. Шол ерде бизиң билен геплешди.

Закаря 12:10

Мен Давудың неслиниң хем-де Иерусалимиң халкының үстүне мерхемет ве ялбарыш рухуны дөкерин. Олар өзлериниң дешим-дешим эденине, ягны Маңа середерлер, ялңыз оглы үчин яс тутян ялы яс тутарлар, новбахар оглы үчин ахы-нала чекйән ялы аҗы гөзяш дөкерлер.

Matta 26:41

Оя болуң, сынага дүшмез ялы дилег эдиң. Рух гайратлыдыр, йөне беден эҗиздир» дийди.

Mark 13:33

Хүшгәр болуң, оя болуң! Сиз ол вагтың хачан гелҗекдигини билйән дәлсиңиз.

Mark 14:38

Оя болуң, сынага дүшмез ялы дилег эдиң. Рух гайратлыдыр, йөне беден эҗиздир» дийди.

Luka 21:36

Бу болҗак вакаларың барындан гачып гутулар ялы ве Ынсан Оглуның хузурында дуруп билер ялы, хемише оя болуп, Худая дилег эдиң».

Luka 22:46

Иса олара: «Нәме үчин уклап ятырсыңыз? Сынага дүшмез ялы, туруң-да, Худая дилег эдиң!» дийди.

Luka 3:26

Нагай Махадың, Махат Маттатяның, Маттатя Шимийиң, Шимий Ёсехиң, Ёсех Ёданың,

Luka 3:37

Лемек Метушеланың, Метушела Ханогың, Ханок Ередиң, Ерет Махалалелиң, Махалалел Кейнаның,

Resul 1:14

Оларың хеммеси бир ере үйшүп, ызыны үзмән дога-дилег эдйәрдилер. Оларың арасында Исаның эҗеси Меръем, шейле-де кәбир аяллар ве Исаның инилери хем барды.

Resul 10:2

Корнелий худайхон адам болуп, өзи хем, өй-ичерси хем Реббе сежде эдйәрди. Ол халкың арасындакы мәтәчлере көп көмек эдип, элмыдама Худая дога эдерди.

Resul 12:5

Шейлеликде, Петрус зынданда сакланярды, эмма йыгнак онуң үчин Худая ыхлас билен дога эдйәрди.

Resul 6:4

Биз болса өзүмизи Худая дога-дилег этмәге ве Онуң Хош Хабарыны вагыз этмәге багыш эделиң».

Rimliler 12:12

Умыдыңызың бардыгына бегениң, мушакгатлара чыдамлы болуң, дога-дилегде эрҗел болуң.

Rimliler 8:15

Худай бизе Өз Рухуны берди. Ол муны гайтадан гул болуп, горкуда яшамагымыз үчин дәл, эйсем Онуң перзентлери болуп, Мукаддес Рух аркалы «Абба! Атам!» дийип чагырмагымыз үчин амал этди.

Галатялылар 4:6

Сиз огуллыга кабул эдилениңиз үчин, Худай Өзүни «Абба!, Атам!» дийип чагырян Оглуның Рухуны бизиң йүреклеримизе иберди.

Efesliler 2:22

Сиз хем яхудылар ялы Худайың Мукаддес Рухуның месгени болмак үчин, хеммәңиз бирликде Месихде бина эдилйәрсиңиз.

Efesliler 3:8

Мен Худайың халкының арасында иң әхмиетсизидим, эмма муңа гарамаздан Месихиң акыл етмез байлыгыны яхуды дәллере вагыз этмек җогапкәрчилигини Худай маңа берди.

Efesliler 6:19

Хер гезек гепләнимде, герекли сөзлер берилсин дийип, мениң үчинем Худайдан диләң. Шонда мен Хош Хабар барадакы сыры батыргайлык билен ач-ачан вагыз эдерин.

Filipililer 1:4

Сизиң әхлиңиз үчин шатланып, элмыдама Худая дога-дилеглер эдйәрин.

Filipililer 4:6

Хич зады гайгы этмәң. Гайтам, Худая шүкүр эдип, хер бир ягдайдакы әхли мәтәчликлериңизи Оңа дога-дилеглерде айдың.

Колосиялылар 1:3

Биз сизиң үчин дога-дилег эдип, элмыдама Реббимиз Иса Месихиң Атасы Худая шүкүрлер эдйәрис,

Колосиялылар 1:4

себәби биз сизиң Иса Месихе болан иманыңыз ве Худайың әхли халкына гөркезен сөйгиңиз хакында эшитдик.

Колосиялылар 4:2

Ыхлас билен хемише Худая дога окаң, дога-дилегде шүкүр эдип, хүшгәр болуң.

1 Salonikliler 5:17

Дынгысыз дога-дилег эдиң.

1 Timoteos 2:1

Шоңа гөрә, эй, Тимотеос, илки билен шулары үндейәрин: хеммелер үчин дога-дилег эдиң, олар үчин Худая ялбарың, Оңа миннетдарлык билдириң.

2 Timoteos 1:3

Мен хем ата-бабаларым ялы Худая пәк выждандан хызмат эдйәрин. Дога-дилеглеримде сени гиҗе-гүндиз дынгысыз ятлап, Худайыма шүкүр эдйәрин.

Еврейлер 5:7

Месих бу дүнйәде яшан вагтында гөзяш дөкүп, Өзүни өлүмден халас этмеги башарян Худая дога-дилеглер хем ялбарышлар билен перят этди. Ол Худайдан хедер эдендиги үчин, Онуң хайышы хасыл болды.

1 Petrus 4:7

Әхли затларың соңы якын гелди. Мунуң үчин сагдын дүшүнҗели болуп, хүшгәрлик билен дилег эдиң.

Ýahuda 1:20

Эмма сиз, сөйгүли доганлар, мукаддес иманыңыза бил баглап, бири-бириңизе өвүт-үндев эдиң. Мукаддес Рухдан ылхамланып, дога-дилег эдиң.

1 Şamuwel 1:12

Ханна Реббиң хузурында узак вагт дилег эденсоң, Элий онуң агзына середип отырды.