Efesliler 4:16 - Мукаддес Китап

¹⁶ Онуң ёлбашчылыгы астында тутуш беден хер богнуң көмеги билен багланып, Оңа бирикдирилйәр. Хер агзаның кадалы ишлемеги нетиҗесинде беден кемала гелип, сөйги аркалы сазлашыклы херекет эдйәр.

Mukaddes Kitap

¹⁶ Onuň ýolbaşçylygy astynda tutuş beden her bognuň kömegi bilen baglanyp, Oňa birikdirilýär. Her agzanyň kadaly işlemegi netijesinde beden kemala gelip, söýgi arkaly sazlaşykly hereket edýär.

Efesliler 4:16 ပူးပေါင်းရင်းမြစ်များ

Ёханна 15:5

Мен үзүм агаҗыдырын, сиз шахаларсыңыз. Ким Менде, Менем онда яшасам, ол бол миве берер. Сиз Менден үзңе хич зат эдип билмерсиңиз.

Rimliler 12:4

Беденимизи мысал хөкмүнде алалың: ол бир болса-да, агзалары көпдүр, херсиниң-де өз хызматы бардыр.

1 Korintoslylar 10:17

Чөрегиң бир болшы ялы, биз көп болсак-да, бир бедендирис. Чүнки шол бир чөреги пайлашяндырыс.

1 Korintoslylar 13:13

Хәзир шу үчүси галяр: иман, умыт ве сөйги. Буларың иң улусы болса сөйгүдир.

1 Korintoslylar 8:1

Инди болса бутлара гурбанлык берилйән эт барада шулары айтмакчы. Сизиң: «Әхлимизиң билимимиз бар» дийип айдяныңыз догрудыр. Йөне билим ынсаны текепбир эдйәр, сөйги болса оңа өвүт берйәндир.

Галатялылар 5:22

Мукаддес Рухуң мивелери болса шулардыр: сөйги, шатлык, парахатлык, сабырлылык, мәхрибанлык, ягшылык, садыклык,

Галатялылар 5:6

Чүнки Иса Месихе дегишли боланларың арасында не сүннетлилигиң, не-де сүннетсизлигиң әхмиети бардыр. Диңе сөйгә даянян иман әхмиетлидир.

Efesliler 1:4

Өз хузурында мукаддес ве мүйнсүз болмагымыз үчин, бири-биримизи сөйүп, Иса Месихе дегишли болмагымыз үчин, Худай бизи дүнйә ярадылмаздан өң сайлап-сечди.

Efesliler 3:17

Иса Месих иманыңыз аркалы йүреклериңизде яшасын. Шейле-де, мен сөйгиниң сизде көк уруп орнашмагыны, Месихиң сөйгүсиниң нәхили гиң, узын, белент ве чуңңурдыгына Худайың әхли халкы билен бирликде дүшүнмегиңизи Худайдан дилейәрин.

Efesliler 3:7

Мен Худайың бейик гудраты ве пешгеш берен мерхемети аркалы Хош Хабарың хызматчысы болдум.

Efesliler 4:12

Оларың везипеси Худайың халкыны Оңа хызмат этмәге тайярламакдан ве Месихиң бедени болан иманлылар йыгнагыны беркитмекден ыбаратдыр.

Efesliler 4:15

Терсине, хакыкаты сөйги билен айдып, бедениң Башы болан Месих ялы хемметараплайын кәмиллешерис.

Filipililer 1:9

Мен сөйгиңизиң билимде ве йити дүшбүликде болелин долуп-дашмагыны Худайдан дилейәрин.

Колосиялылар 2:19

Шейдип, ол адам бедениң Башы болан Месих билен багланышыгыны йитирендир. Бу беден болса Месихиң ёлбашчылыгы астында хер бир богнуң көмеги билен биригип, Башдан иймитленйәр ве Худайың ислегине гөрә өсйәр.

Колосиялылар 2:2

Мен оларың калбының рухланып, сөйгүде бирлешмеклерини дилейәрин. Шейдип, олар долы ынама хем бай дүшүнҗә эе болуп, Ата Худайың сырыны, ягны Месихи танасынлар.

1 Salonikliler 1:3

себәби иманыңыз ягшы ишлери, сөйгиңиз җаныпкешлиги, Реббимиз Иса Месихе болан умыдыңыз чыдамлылыгы хасыл берйәр. Биз Атамыз Худайың хузурында буларың барыны дынгысыз ятлаярыс.

1 Salonikliler 2:13

Сиз Худайың Хош Хабарыны бизден эшидип кабул эдениңизде, муны ынсан хабары хөкмүнде дәл, эйсем, хакыкатдан-да, Худайыңкы дийип кабул этдиңиз. Сиз иманлылара тәсир эдйән-де бу Хабардыр. Шоңа гөрә-де, биз сизиң үчин Худая дынгысыз шүкүрлер эдйәрис.

1 Salonikliler 3:12

Бизиң сизи сөйшүмиз ялы, гой, Реб бири-бириңизе, әхли адамлара болан сөйгиңизи артдырып, пүрепүр этсин.

2 Salonikliler 1:3

Эй, доганлар! Сизиң иманыңыз гитдигисайы өсйәр, бири-бириңизе болан сөйгиңиз долуп-дашяр. Шоңа гөрә-де, биз элмыдама Худая шүкүрлер этмелидирис. Бу өрән ерликлидир.

1 Timoteos 1:5

Буйругымың эсасы максады иманлылара бири-бирини сап йүрекден, пәк выждандан, хакыкы имандан дөрейән сөйги билен сөймегине ярдам бермекдир.

1 Petrus 1:22

Инди сиз хакыката гулак асмак билен өзүңизи пәкледиңиз, чын доганлык сөйгүсине эе болдуңыз. Шонуң үчин бири-бириңизи чын йүрекден сөйүң.

1 Ёханна 4:16

Худайың бизе болан чәксиз сөйгүсине гөз етирип, бу сөйгә ынанярыс. Худай сөйгүдир. Сөйгүде яшаян адам Худай билен, Худай хем онуң билен яшаяндыр.