Efesliler 3:1 - Мукаддес Китап

¹ Шу себәпли Иса Месихиң угрунда туссаглыкда отуран мен-Павлус сиз яхуды дәллер үчин Худая дилег эдйәрин.

Mukaddes Kitap

¹ Şu sebäpli Isa Mesihiň ugrunda tussaglykda oturan men-Pawlus siz ýahudy däller üçin Hudaýa dileg edýärin.

Efesliler 3:1 ပူးပေါင်းရင်းမြစ်များ

Luka 21:12

Эмма бу хадысаларың хеммесинден өң, сизи ызарлап, азар берерлер. Сизи синагогалара табшырып, түрмелере дыкарлар. Мен себәпли сизи патышаларың ве хөкүмдарларың хузурына элтерлер.

Resul 21:33

Шол вагт мүңбашы голай гелип, Павлусы туссаг этди ве гоша зынҗырлар билен багламагы буюрды. Соңра ол: «Бу адам ким? Ол нәме этди?» дийип сорады.

Resul 23:18

Онсоң йүзбашы оны алып, мүңбашының янына гетирди. Оңа: «Туссаг Павлус мени чагырып, шу йигиди сениң яныңа гетирмегими хайыш этди. Онуң саңа айтҗак зады бар экен» дийди.

Resul 26:29

Павлус оңа: «Гысга болсун, узын болсун, диңе сен дәл, эйсем, шу гүн мени диңлейәнлериң бары мениң ялы болсун дийип Худая ялбарярын. Элбетде, бу зынҗырлар сизде болмасын» дийип җогап берди.

Resul 9:15

Реб Иса оңа: «Бар, ёла дүш! Бу адам Мениң сайлан гуралымдыр. Ол кесеки миллетлериң, патышаларың ве ысрайыл халкының өңүнде Мениң адымы мешхур эдер.

2 Korintoslylar 1:6

Эгер биз гөргүлер гөрйән болсак, бу сизиң теселли тапмагыңыз ве халас болмагыңыз үчиндир. Худай бизе теселли берйән болса, бу бизиң-де сизе теселли бермегимиз үчиндир. Сиз хем биз ялы гөргүлер гөрениңизде, шу теселлимизден теселли тапып, мушакгатларың барына дөз гелерсиңиз.

2 Korintoslylar 10:1

Мен, Павлус, хава, араңыздакам юмшак, сизден узакдакам берк хасаплаян шол Павлусыңыз, Иса Месихиң юмшаклыгы ве мәхрибанлыгы билен хайыш эдип,

2 Korintoslylar 11:23

Месихиң хызматкәрлерими? Акмаклыга салып шуны диййәрин: мен олардан-да артыкдырын! Мен олардан көп зәхмет чекдим, зынданлара-да олардан көп дүшдүм. Енҗилмекде-де олардан көп урлуп-енҗилдим. Олара гараныңда аҗал билен хас көп гезек йүзбе-йүз болдум.

Галатялылар 5:11

Эй, доганларым! Эгер мен хениз-де сүннетленилмәни вагыз эдйән болсам, онда мен нәме үчин ызарланяркам?! Эгер догрудан-да шейле болян болса, онда Исаның хачы бабатдакы вагзым бүдреме дашы болмазды.

Галатялылар 5:2

Гулак гоюң! Ине, мен, Павлус, сизе шуны диййәрин: эгер сиз өзүңизи сүннетлетмәге ёл берсеңиз, онда Месихиң эденлери сизиң үчин көр көпүкдир.

Галатялылар 5:24

Иса Месихе дегишли боланлар өз ынсан хөвеслерини ве җошгунларыны хача чүйләндирлер.

Efesliler 3:11

Бу Худайың овал-башдан бәри мейилнамасы болуп, оны Реббимиз Иса Месих аркалы амала ашырды.

Efesliler 3:13

Шонуң үчин хем, угруңызда чекйән гайгы-хасратларым себәпли сизиң рухдан дүшмезлигиңизи хайыш эдйәрин. Гайтам, булар сизе шөхрат гетирйәндир.

Efesliler 3:8

Мен Худайың халкының арасында иң әхмиетсизидим, эмма муңа гарамаздан Месихиң акыл етмез байлыгыны яхуды дәллере вагыз этмек җогапкәрчилигини Худай маңа берди.

Efesliler 4:1

Реббиң угрунда туссаглыкда болан мен сизден Худайдан алан чагырылышыңыза мынасып яшамагыңызы хайыш эдйәрин.

Efesliler 6:20

Себәби мен Хош Хабарың зынҗырлар билен багланан илчисидирин. Муны горкман, болмалысы ялы ыглан эдип билмегим үчин дилег эдиң.

Filipililer 1:7

Мен туссаглыкда болсам-да, Хош Хабары горап, оны ыкрар этсем-де, сиз маңа берлен мерхеметли гуллукда элмыдама хызматдашлык эдйәрсиңиз. Шонуң үчин-де мен сиз бабатда шейле шатланмага хаклыдырын. Чүнки йүрегимиң төрүнде орнуңыз бар ахырын!

Колосиялылар 1:24

Мен сизиң угруңызда гөрйән гөргүлериме бегенйәрин. Шейле-де мен Иса Месихиң Өз бедени, ягны иманлылар йыгнагының хатырасына чекен эҗирлериниң өз беденимде довам эдйәндигинден хошалдырын.

Колосиялылар 4:18

Мен Павлус бу саламы өз элим билен язярын. Мениң туссаглыкдадыгымы ятдан чыкармаң. Худайың мерхемети сизе яр болсун!

Колосиялылар 4:3

Бизиң үчин хем дилег эдиң: Худайың сөзүни яйрадып, Месих барадакы сыры аян эдер ялы, Онуң Өзи бизе гапы ачып берсин. Ине, шонуң үчинем мен туссаглыкдадырын.

2 Timoteos 1:16

Гой, Реббимиз Онисифорың өй-ичерсине рехимдарлык этсин. Себәби ол энчеме гезек маңа гөвүнлик берип, мениң туссаглыгымдан утанмады.

2 Timoteos 1:8

Шонуң үчин-де, Реббимиз барада шаятлык этмәге утанма. Онуң хатырасына туссаг эдиленлигимден-де утанма. Терсине, Худайың берйән гүйҗи билен Хош Хабарың угрунда гөрйән гөргүлериме шәрик бол.

Filimun 1:1

Иса Месих угрунда туссаглыкда отуран мен Павлусдан эзиз достумыз ве ишдешимиз Филимуна, аял доганымыз Аффия, сөвешдеш ёлдашымыз Архипа ве сениң өйүңде болян иманлылар йыгнагына догайы салам! Доганымыз Тимотеос хем сизе салам айдяр.

Filimun 1:23

Иса Месихиң угрунда мениң билен туссаглыкда биле болян Эпафра, эгиндешлерим Марк, Аристарх, Дема ве Лука дагы саңа салам айдярлар.

Filimun 1:9

йөне сөйгиниң хатырасына саңа ялбарярын. Хава, Иса Месихиң угрунда туссаглыкда отуран мен гоҗа Павлус,

Аянлык 2:10

Гөрҗек гөргүлериңден горкма! Ине, сынамак үчин, иблис сизиң кәбирлериңизи туссаг этдирер. Сиз он гүнләп мушакгат чекерсиңиз. Өлүм ховпы үстүңе абананда-да, садык гал, Мен саңа яшайыш тәҗини берерин.