Efesliler 2:19 - Мукаддес Китап

¹⁹ Шейлеликде, эй, яхуды дәллер, сиз мундан бейләк кесеки-де, гелмишек-де дәлсиңиз. Сиз инди Худайың мукаддес халкының раятысыңыз ве Худайың машгаласының агзасысыңыз.

Mukaddes Kitap

¹⁹ Şeýlelikde, eý, ýahudy däller, siz mundan beýläk keseki-de, gelmişek-de dälsiňiz. Siz indi Hudaýyň mukaddes halkynyň raýatysyňyz we Hudaýyň maşgalasynyň agzasysyňyz.

Efesliler 2:19 ပူးပေါင်းရင်းမြစ်များ

Matta 10:25

Шәгирдиң өз халыпасы ялы, гулуң өз хоҗайыны ялы болмагы етерликдир. Эгер өй эесине Беелзебул диййән болсалар, онда онуң ичерисиндәкилере ондан хем бетер зат диймезлерми?!

Галатялылар 6:10

Шоңа гөрә-де, хениз вагтымыз барка, хеммелере, айратын-да имандакы доганларымыза ягшылык эделиң.

Efesliler 2:12

Шол вагтлар сиз Месихден айрыдыңыз, Ысрайыл раятлыгындан махрумдыңыз, Худайың вада берип, Өз халкы билен эден әхтлери сизе дегишли дәлди. Сиз бу дүнйәде Худайсыз ве умытсыздыңыз,

Efesliler 3:6

Ине, Худайың сыры шудур: Хош Хабары кабул эдйән яхуды дәллер хем яхудылара берлен ялканыш вадасына, бир бедене, бир мираса дең дереҗеде шәрикдирлер. Себәби оларың хеммеси Иса Месихе дегишлидир.

Filipililer 3:20

Биз болса гөклериң раятлары болуп, Халасгәр Реббимиз Иса Месихиң шол ерден гелерине сабырсызлык билен гарашяндырыс.

Еврейлер 11:13

Бу адамларың хеммеси иң соңкы демине ченли Худая иман эдип яшадылар. Олар вада эдилен юрда говушмасалар-да, ол ери узакдан гөрүп шатландылар. Өзлериниң ер йүзүнде гелмишек хем ятдыкларыны боюн алдылар.

Еврейлер 13:14

чүнки бизиң бу ерде бакы шәхеримиз ёкдур, биз гелҗекки бакы шәхере гарашярыс.

1 Petrus 2:11

Эзиз достлар, җаныңыза гаршы сөвешйән гүнәли хөвеслерден гача дуруң дийип ялбарярын. Чүнки сиз бу дүнйәде кесеки хем гелмишексиңиз.

1 Ёханна 3:1

Атамыз Худайың бизи нәхили гүйчли сөййәндигини бир гөрсеңизләң! Ол бизи Өз перзентлери дийип атландыряр. Догрудан-да, биз Онуң перзентлеридирис! Дүнйә Худайы танамансоң, бизи-де танамаяр.