Efesliler 2:12 - Мукаддес Китап

¹² Шол вагтлар сиз Месихден айрыдыңыз, Ысрайыл раятлыгындан махрумдыңыз, Худайың вада берип, Өз халкы билен эден әхтлери сизе дегишли дәлди. Сиз бу дүнйәде Худайсыз ве умытсыздыңыз,

Mukaddes Kitap

¹² Şol wagtlar siz Mesihden aýrydyňyz, Ysraýyl raýatlygyndan mahrumdyňyz, Hudaýyň wada berip, Öz halky bilen eden ähtleri size degişli däldi. Siz bu dünýäde Hudaýsyz we umytsyzdyňyz,

Efesliler 2:12 ပူးပေါင်းရင်းမြစ်များ

Gelip çykyş 15:18

«Мүсүр дерясындан тә бейик Евфрат дерясына ченли узалып гидйән шу юрды: кейнлериң, кенизлериң, кадмонларың, хетлериң, перизлериң, рапаларың, аморларың, кенганларың, гиргашларың ве ябусларың яшаян юрдуны Мен сениң неслиңе берйәндирин» дийип, хут шол гүн Реб Ыбрам билен әхт эдишди.

2 Йыл язгылары 15:3

Узак вагтлап Ысрайыл хак Худайсыз яшапды; тәлим берйән руханы-да, канун-да болманды.

Ezra 4:3

Эмма Зерубабылдыр Ешува ве бейлеки Ысрайыл уругбашылары олара: «Худайымыза өйи биз сиз билен биле гурмарыс. Парс патышасы Курешиң бизе буйрушы ялы, Ысрайыл Худайы Реббе өйи бизиң өзүмиз гурарыс» дийип җогап бердилер.

Müsürden çykyş 12:45

Екеҗе гелмишек я-да гүнлүкчи ондан иймели дәлдир.

Işaýa 14:1

Эмма Реб Якубың неслине рехим эдер, Ысрайылы ене сайлар ве олары өз юрдунда орнашдырар. Кесекилер олара гошулып, ысрайыл халкына бирлешерлер.

Işaýa 44:6

Ысрайылың Патышасы ве Пенакәри Реб, Хөкмүрован Реб шейле диййәр: «Мен илкинҗи ве ахыркыдырын, Менден башга худай ёкдур.

Işaýa 45:20

Эй, миллетлерден гачып гутуланлар, топланың, бир ере топланың, бирек-биреге якынлашың! Агач бутлары гөтерип гезйәнлер, халас эдип билмейән худайдан дилег эдйәнлериң билйән зады ёкдур.

Işaýa 61:5

Кесекилер гелип, сүрүлериңизи бакарлар, ят халклар дайханыңыз, багбаныңыз болар.

Ýermeýa 14:8

Эй, Ысрайылың Умыды, хасратлы вагтындакы Халасгәри! Нечүн боляң бу юртда гелмишек ялы, гиҗәни гечирмек үчин дүшлән өтегчи ялы?

Ýermeýa 17:13

Я Реб! Эй, Ысрайылың Умыды! Сени терк эденлериң бары утанҗа галар. «Менден йүз өвренлер тоз-топрага сиңип гидерлер, чүнки олар Мен Ребби – дири сувлар чешмесини, терк этдилер».

Эзекиел 13:9

Бош гөрнүшлер гөрйән, яландан пал атян пыгамберлериң гаршысына эл галдырарын. Олар Мениң халкымың маслахатына гатнашмазлар, ысрайыл халкының санавына язылмазлар ве Ысрайыл юрдуна гирмезлер. Онсоң сиз Мениң Хөкмүрован Ребдигими билерсиңиз.

Эзекиел 37:26

Мен олар билен парахатчылык әхтини баглашарын, бу бакы әхт болар. Олары орнашдырып, көпелдерин ве мукаддес өйүми эбедилик оларың ортасында беркарар эдерин.

Эзекиел 47:22

Сиз биҗе боюнча юрды өзүңизе, ичиңизде яшаян гелмишеклере ве оларың араңызда доглан чагаларына мүлк хөкмүнде пайлаң. Ол гелмишеклер сизиң үчин аслы ысрайыллы хасапланмалыдырлар. Олар хем биҗе боюнча ысрайыл тирелериниң арасында сизиң билен дең мүлк эдинерлер.

Hoşeýa 3:4

Чүнки ысрайыллар узак вагтлап патышасыз, хөкүмдарсыз, гурбанлыксыз, дикме дашсыз, эфотсыз, бутсуз яшарлар. Шондан соң ысрайыллар доланып, өз Худайы Ребби хем патышасы Давуды гөзләрлер. Ахыркы гүнлерде болса олар Ребден горкуп, Худайың ялкавына доланарлар.

Çölde 18:19

Ысрайылларың Реббе хөдүр эдйән әхли мукаддес садакаларыны саңа ве сениң огул-гызларыңа эбедилик пай хөкмүнде бердим. Бу сениң ве несиллериң билен Мениң эден мүдимилик әхтимдир».

Luka 1:72

Ол муны аталарымыза рехимдарлык этмек үчин, Өз мукаддес әхтини ятда сакламак үчин этди.

Ёханна 10:16

Мениң бу агылдакылардан башга-да гоюнларым бар. Мен олары хем йыгнамалыдырын. Олар хем Мениң сесими эшидерлер, шонда бир сүри, бир чопан болар.

Ёханна 15:5

Мен үзүм агаҗыдырын, сиз шахаларсыңыз. Ким Менде, Менем онда яшасам, ол бол миве берер. Сиз Менден үзңе хич зат эдип билмерсиңиз.

Ёханна 4:22

Сиз самариялылар киме сежде эдйәниңизи билмейәрсиңиз, биз киме сежде эдйәнимизи билйәрис, себәби халас болмаклык яхудылардан гелйәндир.

Resul 2:39

Бу вада сизиң өзүңиз ве чагаларыңыз үчин, узакда боланларың әхлиси, ягны Худайымыз Реббиң чагырҗакларының хер бири үчиндир».

Resul 28:20

Шу себәпден мен сизиң билен гөршүп, сөхбет этмек үчин, сизи бу ере чагырдым. Аслында мен Ысрайылың умыды болан Месих угрунда зынҗырландым».

Resul 3:25

Сиз шол пыгамберлериң несиллерисиңиз ве Худайың ата-бабаларыңыз билен баглашан әхтиниң мирасчыларысыңыз. Худай Ыбрайыма: „Ер йүзүниң әхли миллетлери сениң неслиң аркалы пата аларлар!“ дийди.

Rimliler 9:8

Диймек, Ыбрайымың неслинден боланларың барына Худайың перзенди дийип болмаз. Диңе вада гөрә догланлар Ыбрайымың хакыкы несли хасапланяндыр.

Галатялылар 4:8

Сиз өң Худайы танамаярдыңыз. Шол дөвүрде сиз галп худайларың гулудыңыз.

Efesliler 2:19

Шейлеликде, эй, яхуды дәллер, сиз мундан бейләк кесеки-де, гелмишек-де дәлсиңиз. Сиз инди Худайың мукаддес халкының раятысыңыз ве Худайың машгаласының агзасысыңыз.

Efesliler 4:18

Оларың аң-дүшүнҗесини гараңкылык гаплады. Надан ве доңйүрек боландыклары үчин, олар Худайың берен дурмушындан махрум болдулар.

Колосиялылар 1:21

Сиз бирвагтлар эден пис ишлериңиз себәпли пикириңизде Худайдан үзңедиңиз, Оңа душмандыңыз.

Колосиялылар 1:27

Худай бу сырың шөхратлы байлыгыны миллетлериң арасында Өз халкына билдирмек иследи. Бу сыр сизе шөхрата говушмак умыдыны берип, араңызда болян Иса Месихдир.

Колосиялылар 1:5

Бу иманыңыз ве сөйгиңиз умыдыңыздан, хава, гөкде сизе гарашян затлара баглаян умыдыңыздан дөрейәр. Сиз өзүңизе гелип говшан хакыкат сөзи болан Хош Хабарда бу умыт барада өң эшиденсиңиз.

1 Salonikliler 4:13

Эй, доганлар, сизиң-де умытсыз адамлар ялы хасрат чекмезлигиңиз үчин, мерхумлар бабатда билмегиңизи ислейәрис.

1 Salonikliler 4:5

Худайы танамаян миллетлер ялы өз бедениңизи харам кейпе бермәң;

2 Salonikliler 2:16

Атамыз Худай бизи сөйүп, Өз мерхемети аркалы бизе эбеди теселли билен ягшы умыт берди. Гой, Реббимиз Иса Месихиң Өзи ве Атамыз Худай сизе теселли берсин, хер бир ягшы ишде ве сөзде сизе гүйч берсин.

1 Timoteos 1:1

Халасгәримиз Худайың ве умыдымыз болан Иса Месихиң буйругына гөрә Онуң ресулы мен Павлусдан

Еврейлер 11:34

ловлаян оды өчүрдилер, гылыҗың тыгындан гачып гутулдылар, эҗиз болсалар хем гүйчден долдулар, сөвешде кувватланып, кесеки гошунлары дерби-дагын этдилер.

Еврейлер 6:18

Шейлеликде, Худай бизе ики зат: хем вада берди, хем касам этди. Мунуң икиси хем үйтгевсиздир, себәби Худай хич вагт ялан сөзлемейәр. Шонуң үчин хем, биз Худайда пена тапып, өзүмизе берлен умыда берк япышып рухланярыс.

Еврейлер 8:6

Эмма Иса берлен руханылык хызматы бейлеки руханыларыңкыдан бейикдир. Шейле хем Ол тәзе әхтиң Бинятчысыдыр, тәзе әхт өңки әхтден үстүндир ве ыгтыбарлы вадалара эсасланандыр.

1 Petrus 1:21

Сиз Месих аркалы Худая иман этдиңиз. Худай Месихи дирелдип, Оны шөхратландырды. Шейлеликде, иманыңыз ве умыдыңыз Худайдадыр.

1 Petrus 1:3

Реббимиз Иса Месихиң Атасы Худая өвгүлер болсун! Ол Өз бейик мерхеметине гөрә, Иса Месихиң өлүмден дирелмеги аркалы бизи тәзе дурмуша ве яшайыш умыдына говшурды.

1 Petrus 3:15

Эмма Месихе Реб хөкмүнде йүрекден хормат гоюң. Калбыңыздакы умыт хакында өзүңизден хасабат соран хер бир адама хемише җогап бермәге тайяр болуң.

1 Ёханна 3:3

Оңа умыт баглаян хер бир адам Месихиң пәк болшы ялы, өзүни пәк саклар.