Efesliler 1:3 - Мукаддес Китап

³ Реббимиз Иса Месихиң Атасы Худая өвгүлер болсун! Ол Месих аркалы бизи гөкдәки рухы ялканышларың әхлиси билен ялкады.

Mukaddes Kitap

³ Rebbimiz Isa Mesihiň Atasy Hudaýa öwgüler bolsun! Ol Mesih arkaly bizi gökdäki ruhy ýalkanyşlaryň ählisi bilen ýalkady.

Efesliler 1:3 ပူးပေါင်းရင်းမြစ်များ

Gelip çykyş 14:20

Душманларыны онуң элине берен Бейик Худая алкыш болсун!» дийди. Ыбрам әхли задың ондан бирини Мәликсадыга берди.

Gelip çykyş 22:18

Мениң сөзүме гулак асандыгың үчин, ер йүзүниң әхли миллетлери сениң несиллериң аркалы пата аларлар“» дийди.

1 Йыл язгылары 29:20

Соң Давут тутуш халка: «Худайыңыз Реббе алкыш окаң» дийип йүзленди. Тутуш халк өз ата-бабаларының Худайы Реббе алкыш окадылар. Олар баш эгип, Реббе сежде, патыша-да тагзым этдилер.

1 Йыл язгылары 4:10

Ягбес: «Мени ялкасадың, мениң чәклерими гиңелтседиң, мениң билен болуп, мени азапдан ве яманлыкдан горасадың» дийип, Ысрайылың Худайына дилег этди. Худай онуң ислегини ерине етирди.

2 Йыл язгылары 31:8

Хизкия билен баштутанлар гелип, үйшмеклери гөрүп, Ребби ве онуң халкы Ысрайылы алкышладылар.

Нехемя 9:5

Онсоң левилер Ешува, Кадмыел, Баны, Хашабнея, Шеребя, Ходыя, Шебаня ве Петахя дагы шейле дийдилер: «Өр туруң ве эзелден эбедә ченли болан Худайыңыз Ребби шөхратландырың! Я Реб, алкышлардан, өвгүлерден үстүн болан шөхратлы адыңа алкыш болсун!»

Zebur 134:3

Реббе шан-шөхрат болсун! Чүнки Реб ягшы. Онуң адына нагмалар айдың, чүнки бу өрән леззетли.

Zebur 72:19

Олар бир салымда вес-вейран болды, вехимден яңа ёк болуп гитди!

Işaýa 61:9

Оларың несиллери миллетлериң арасында, зүрятлары халкларың арасында таналар, гөренлериң әхлиси оларың Реббиң ялкан халкыдыгыны билерлер».

Даныел 4:34

Инди мен Небукаднесар гөгүң Патышасыны өвги билен бейгелдип хорматлаярын. Чүнки Онуң әхли ишлери хакыкат, ёллары адалатдыр. Текепбирлери песелтмәге Онуң гүйҗи етйәндир.

Luka 2:28

Симун Оны гуҗагына алып, Худая алкыш окап, шейле дийди:

Ёханна 14:20

Шол гүн Мениң Атададыгымы, сизиң Мендедигиңизи, Мениң-де сиздедигиме гөз етирерсиңиз.

Ёханна 17:21

Оларың хеммеси бир болсун. Ата, Сениң Менде, Мениң-де Сенде болшум ялы, олар хем Бизде болсунлар. Шейлеликде, Мени Сениң иберендигиңе дүнйә иман этсин.

Ёханна 20:17

Иса оңа: «Маңа голайлашма, себәби Мен энтек Атамың янына чыкамок. Сен доганларымың янына гидип, олара Мениң гөге, Атамың – Худайымың янына барянымы айт. Ол сизиң-де Атаңыздыр ве Худайыңыздыр» дийди.

Rimliler 12:5

Биз бабатда хем шейле: көп болсак-да, Месих аркалы бир бедендирис, онуң агзалары хөкмүнде бири-биримизе баглыдырыс.

1 Korintoslylar 1:30

Чүнки сиз Иса Месих билен диңе Худай аркалы биригенсиңиз. Иса Месих бизиң үчин Худайың даналыгыдыр. Биз Ол аркалы акланып пәклендик. Иса Месих бизи Өзүне мукаддес халк эдинип, гүнәлеримизиң җезасындан гутарды.

1 Korintoslylar 12:12

Беден бир болса-да, агзалары көпдүр. Агзалары көп болса-да, олар бүтеви бир тени эмеле гетирйәрлер. Месих бабатда хем шейледир.

2 Korintoslylar 1:3

Әхли теселлилериң гөзбашы болан мерхеметли Ата Худая, Реббимиз Иса Месихиң Худайына ве Атасына алкыш болсун!

2 Korintoslylar 11:31

Бакы шан-шөхрата мынасып Худай ве Реббимиз Исаның Атасы мениң ялан сөзлемейәндигими билйәндир.

2 Korintoslylar 5:17

Шоңа гөрә-де, ким Иса Месихе дегишли болса, ол тәзе ярадылышдыр. Көнеси гечип гитди, инди тәзеси гелди!

2 Korintoslylar 5:21

Биз Иса Месих аркалы Худайың догрулыгы боларымыз ялы, Ол бизиң гүнәлеримизи асла гүнә этмедик Иса Месихиң үстүне йүкледи.

Галатялылар 3:9

Шунлукда, иман эдйән хер кес иман гулы болан Ыбрайым билен биле ялканяндыр.

Efesliler 1:10

Бу ниетиң амала ашырылмалы вагты геленде, Худай ердәки ве гөкдәки әхли затлары бир Баша, ягны Иса Месихе бирикдирер.

Efesliler 1:17

Мен Худай – Реббимиз Иса Месихиң бейик Атасына сизиң үчин дилег эдйәрин. Гой, Ол сизе Оны хас оңат танап билмегиңиз үчин, сизе Мукаддес Рухуң акылдарлыгыны хем ылхамыны берсин.

Efesliler 2:6

Хава, Худай бизи Месих билен биле дирелтди ве Ол аркалы бизи гөкдәки әлемде отуртды.

Efesliler 3:10

Өзүниң чуңңур бай акылдарлыгы иманлылар йыгнагы аркалы гөкдәки рухы хөкүмдарлара ве эрк-ыгтыярлылара билдирилсин дийип, Худай шейле этди.

Efesliler 6:12

Себәби бизиң сөвешимиз ынсанлара гаршы дәлдир! Терсине, биз түмлүгиң рухы хөкүмдарларына ве эрк-ыгтыярлыларына, шейле-де гөкдәки ёвуз рухы гүйчлере гаршы сөвешйәрис.

Filipililer 2:11

Ата Худайың шан-шөхраты үчин, хер дил Иса Месихиң Ребдигини ыкрар эдер.

Еврейлер 8:5

Олар ердәки Мукаддес чадырда хызмат эдйәрлер. Бу чадыр бары-ёгы гөкдәки хакыкы Чадырың гөрнүши ве көлегесидир. Шонуң үчин хем Худай Мукаддес чадыры нәхили ясамалыдыгы барада Муса шейле гөркезме берипди: «Әхли зады дагда өзүңе гөркезилен нусганың эсасында ясарсың».

Еврейлер 9:23

Шейлеликде, гөкдәки затларың ердәки нусгаларының бу гурбанлыклар билен пәкленмеги герекди. Эмма гөкдәки затларың өзлери булардан хас оңат гурбанлыклары талап эдйәрди.

1 Petrus 1:3

Реббимиз Иса Месихиң Атасы Худая өвгүлер болсун! Ол Өз бейик мерхеметине гөрә, Иса Месихиң өлүмден дирелмеги аркалы бизи тәзе дурмуша ве яшайыш умыдына говшурды.