Даныел 8:23 - Мукаддес Китап

²³ Бу дөрт патышалыгың соңы якынлашанда, гүнәлери етҗек дереҗесине етенде, текепбир, дийсең мекир патыша дөрәр.

Mukaddes Kitap

²³ Bu dört patyşalygyň soňy ýakynlaşanda, günäleri ýetjek derejesine ýetende, tekepbir, diýseň mekir patyşa dörär.

Даныел 8:23 ပူးပေါင်းရင်းမြစ်များ

Gelip çykyş 15:16

Неслиңиң дөрдүнҗи аркасы бу ере доланып гелер, чүнки аморларың гүнәси хениз җеза алмак дереҗесине етенок».

Эзекиел 38:16

Сен ер йүзүни гаплаян булут кимин халкым Ысрайылың үстүне хүҗүм эдерсиң. Эй, Гог, ахыркы гүнлерде Мен сени Өз юрдума хүҗүм этдирерин, сен аркалы миллетлере мукаддеслигими аян эдип, Өзүми танадарын».

Эзекиел 38:8

Көп вагтдан соңра сен сөвеше чагырыларсың. Гелҗек йылларда сен көп халкларың ичинден ызына йыгналан, хемишелик хараба өврүлен Ысрайыл дагларында топланан, урушдан рахатлыга говшан юрда хүҗүм эдерсиң. Башга миллетлериң арасындан чыкарылып гетирилен бу халкың хеммеси инди ховпсуз яшаярлар.

Даныел 10:14

Мен ахыркы гүнлерде сениң халкыңың башына нәмелериң гелҗегини саңа дүшүндирмәге гелдим, чүнки бу гөрнүш шол гелҗек дөвре дегишлидир».

Даныел 11:21

Онуң ерине патышалык хорматына мынасып болмадык бир намарт адам пейда болар. Ол дуйдансыз гелип, патышалыгы мекирлик билен элине алар.

Даныел 11:24

Ол велаята болчулык дөврүнде дуйдансыз барып, ата-бабаларының хич хачан эдип билмедик ишлерини эдер. Талаң, чапавулчылык эдип, олҗаны өз гошунының арасында пайлар. Галаларың гаршысына дилдүвшүк гурар, эмма бу узак гитмез.

Даныел 7:11

Шахың агзындан чыкян текепбир сөзлер мениң үнсүми өзүне чекди. Бу җандар гөзүмиң алнында өлдүрилди ве маслыгы ёк эдилип, янып дуран ода ташланды.

Даныел 7:20

Онуң башындакы он шахдан соңра чыкан бир шахың хем нәмедигини билесим гелди. Бу шахың өңүнде өңки үч шах йыкылды. Бу шахың гөзлери ве текепбирлик билен геплейән агзы барды, гөрнүши бейлекилерден хас улуды.

Даныел 7:25

Ол Бейик Худая гаршы күпүр гепләр, Бейик Худайың мукаддес адамларыны эзер. Байрамчылык сенелерини ве кануныны үйтгетмәге дырҗашар. Онсоң булар бир вагта, ики вагта, ярым вагта ченли бу патышаның элине берлер.

Даныел 7:8

Шахлара үнс берип дуркам, оларың арасындан ене-де башга бир кичиҗик шах пейда болды. Өңки пейда болан шахлардан үчүси онуң өңүнден көки-дамары билен согрулды. Бу шахың ынсаның гөзлерине меңзеш гөзлери ве текепбирлик билен геплейән агзы барды.

Даныел 8:22

Ол шахың дөвлүп, ерине дөрт шахың чыкмагы ол миллетден дөрт патышалыгың чыкҗакдыгыны, йөне оларың илкинҗи патышалык ялы гүйчли болмаҗакдыгыны аңладяр.

Даныел 8:24

Ол гүйчленип кувватланар, йөне бу онуң өз гүйҗи билен болмаз. Ол элхенч вейранчылыклар гетирер, эдйән иши ровачланар. Ол гүйчлүлери ве мукаддес адамлары хеләк эдер.

Даныел 8:25

Өз даналыгы билен хилегәрликде үстүнлик газанар ве йүрегинде өзүни бейгелдер. Дуйдурмаздан көп халкы ёк эдер, хатда хөкүмдарларың Хөкүмдарына гаршы чыкар. Эмма онуң өзи ынсан эли дегмезден сынар.

Çölde 24:24

Эмма Китимден гәмилер гелип, Ашур билен Эбери гулчулыкда эзерлер, оларың ызы хем мүдимилик йитер».

Matta 23:32

Бейле болса, ата-бабаларыңызың башлан ишлерини тамамлаң инди!

Kanun taglymaty 28:50

Шол йүзи хырсыз халк яшы-гаррыны сыламаз, рехим-шепагат этмез.

1 Timoteos 4:1

Мукаддес Рух ахыркы гүнлерде кәбир адамларың имандан дәнип, аздырыҗы рухлара ве җынларың таглыматларына эерҗекдиклерини айдың айдяр.

Аянлык 19:20

Эмма җандар ве онуң билен биле галп пыгамбер есир алынды. Бу галп пыгамбер җандарың адындан аламатлар гөркезерди, җандарың тагмасыны өзүне басдырып, онуң хейкелине сежде эденлери алдарды. Җандар-да, галп пыгамбер-де дирилигине янып дуран күкүртли көле зыңылды.