Аянлык 8:7 - Мукаддес Китап

⁷ Биринҗи перишде сурнайыны чалды. Ган гатышыклы долы ве от дөрәп, ер йүзүне дөкүлди. Ериң үчден бири, агачларың үчден бири, гөк отларың бары янып көйди.

Mukaddes Kitap

⁷ Birinji perişde surnaýyny çaldy. Gan gatyşykly doly we ot döräp, ýer ýüzüne döküldi. Ýeriň üçden biri, agaçlaryň üçden biri, gök otlaryň bary ýanyp köýdi.

Аянлык 8:7 ပူးပေါင်းရင်းမြစ်များ

Zebur 105:32

Олар Мерибаның боюнда Ребби газапландырды, Муса олар зерарлы оңайсыз ягдая галды.

Müsürden çykyş 9:33

Шейлеликде, Муса фараоның янындан гидип, галадан чыкды ве асмана эллерини узадып, Реббе дилег этди. Шобада гөк гүррүлдиси ве долы ягмасы галды. Ере ягыш гуймасы кесилди.

Işaýa 28:2

Ине, Реббиң гудратлы, гүйчли бир адамы бар; вейран эдйән долы тупаны кимин, гүйчли ягыш сили кимин, Өз эли билен шәхери ере чалар.

Işaýa 29:6

Хөкмүрован Реб гөк гүррүлдиси билен, ер титремеси, улы шовхун билен, харасат ве тупан билен, ялмаян одуң ялны билен гелер.

Işaýa 30:30

Реб хайбатлы сесини эшитдирер, ловлаян газап билен, ялмаян от ялны билен, булутларың партламасы билен, тупан хем долы билен голуның гудратыны гөркезер.

Işaýa 32:19

Җеңңел бүтинлей ёк болса-да, ер билен егсан эдиленем болса шәхер,

Эзекиел 38:22

Гогы мерги ве гылыч билен җезаландырарын; онуң ве гошунларының үстүне, янындакы көп халкларың үстүне гарк эдиҗи ягыш ве гүйчли долы, от ве күкүрт ягдырарын.

Ýowel 2:30

Мен асманда ве ерде аламатлар: ган, от хем-де түссе сүтүнлерини гөркезерин.

Ýakup 1:11

Гүн чыкып, ховурлы ыссысы билен оты гурадяр, онуң гүли дөкүлип, гөзеллиги ёк боляр. Эдил шунуң ялы бай хем өз иши билен гүмра болуп, байлыгы билен биле ёк болуп гидер.

Ýeşuwa 10:11

Олар Бейтхорон дагының эңңидиниң угры билен ысрайыллардан гачанларында, Реб Азека барянча оларың үстүне гөкден улы дашлар ягдырды, олар гырылдылар. Улы дашың ашагында галып өленлер ысрайылларың өлдүренлеринден көп болды.

1 Petrus 1:24

Чүнки: «Әхли ынсан отлук киминдир, онуң бар гөрки мейдан гүли киминдир. От гурап гидер, гүли хем солар,

Аянлык 12:4

Ол гөкдәки йылдызларың үчден бирини гуйругы билен сырып, ер йүзүне зыңды. Аждарха догулҗак чаганы бада-бат ювутмак үчин, бургусы тутян аялың өңүнде дурды.

Аянлык 16:2

Биринҗи перишде гидип, кәсесини ере дөкди. Җандарың тагмасы болан ве онуң хейкелине сежде эден адамларда эрбет ве агырылы яралар пейда болды.

Аянлык 16:21

Ынсанларың үстүне гөкден херсиниң аграмы бир батмана голай гүйчли долы ягды. Ынсанлар долы беласы үчин Худая гаргадылар, себәби бу бела дийсең айылганчды.

Аянлык 6:8

Гөрсем, ине, реңки солгун бир ат дур. Онуң үстүндәки атлының ады Өлүмди, онуң ызындан өлүлер дүнйәси гелйәрди. Олара ериң дөртден бир бөлегине ыгтыяр берлип, шол ердәки адамлары гылыч, ачлык, мерги, вагшы хайванлар билен өлдүрмәге ругсат эдилипди.

Аянлык 7:1

Шундан соң ериң дөрт бурчунда дуран дөрт перишдәни гөрдүм. Олар ер йүзүне, деңзе я-да агачлара өвүсмесин дийип, ериң дөрт тарапындакы еллери саклап дурдулар.

Аянлык 9:15

Дөрт перишде бошадылды. Олар шол йыл, шол ай, шол гүн, шол сагат үчин тайярланылып, адамларың үчден бирини өлдүрмәге ниетленипди.

Аянлык 9:18

Адамларың үчден бири оларың агзындан чыкян отдан, түсседен ве күкүртден – шу үч беладан өлди.

Аянлык 9:4

Олара ер йүзүниң отуна, өсүмлигине я-да агаҗына дәл-де, диңе маңлайында Худайың мөхүри болмадык адамлара зыян етирмек буйрулды.