Аянлык 20:6 - Мукаддес Китап

⁶ Илкинҗи дирелишде пайы болан багтлы ве мукаддесдир! Икинҗи өлүм олара өз хөкүмини йөредип билмез. Олар Худайың ве Месихиң руханылары болуп, Онуң билен мүң йыл шалык сүрерлер.

Mukaddes Kitap

⁶ Ilkinji direlişde paýy bolan bagtly we mukaddesdir! Ikinji ölüm olara öz hökümini ýöredip bilmez. Olar Hudaýyň we Mesihiň ruhanylary bolup, Onuň bilen müň ýyl şalyk sürerler.

Аянлык 20:6 ပူးပေါင်းရင်းမြစ်များ

Işaýa 4:3

Сионда галанлара – Иерусалимде аман галанлара, Иерусалимде ады дурмуш китабына языланлара, «Мукаддес» дийлер.

Işaýa 61:6

Сизе болса Реббиң руханылары, Худайымызың хызматкәрлери диерлер; сиз миллетлериң байлыгындан леззет аларсыңыз, оларың шөхратына шәрик боларсыңыз.

Даныел 12:12

Гарашып, бир мүң үч йүз отуз бәш гүне етен адам нәхили багтлы!

Luka 14:15

Иса билен сачак башында отуранларың бири муны эшиденде, Оңа: «Худайың Шалыгында чөрек ийҗек адам нәхили багтлы!» дийди.

Rimliler 12:1

Шоңа гөрә-де, эй, доганлар, Худайың мерхеметиниң хатырасы үчин сизе ялбарярын: өзүңизи Онуң халаҗак дири ве мукаддес гурбанлыгы хөкмүнде хөдүрләң. Шейтсеңиз, Худайың хузурында мынасып тәрде хызмат этдигиңиз болар.

Rimliler 8:17

Шейлеликде, перзентлери болан болсак, онда мирасдүшеридирис. Худайың мирасдүшерлери болян болсак, онда Иса Месихиң хем мирасдашларыдырыс. Биз Иса Месихиң гөрен гөргүлерине шәрик болян болсак, онда Онуң шан-шөхратына хем шәрик боларыс.

2 Timoteos 2:12

Гөргүлере чыдаян болсак, Онуң билен биле шалык сүрерис. Эгер Оны рет этсек, Ол хем бизи рет эдер.

1 Petrus 2:5

Шонуң үчин сиз хем дири дашлар ялы рухы бина болуп гурлуң. Шонда Иса Месих аркалы Худайың халаян рухы гурбанлыкларыны хөдүрлейән мукаддес руханылар боларсыңыз.

1 Petrus 2:9

Эмма сиз бейле дәлсиңиз, чүнки сиз сайланып-сечилен халксыңыз. Сиз патышаның руханылары, мукаддес миллет, Худая дегишли халксыңыз. Худай сизи гараңкылыкдан Өзүниң аҗайып нуруна чагырды. Сиз Онуң шан-шөхратыны ыглан этмек үчин сайланып-сечиленсиңиз.

Аянлык 14:13

Онсоң гөкден бир сес эшитдим. Ол шейле дийди: «Муны яз: „Мундан бейләк Реббимизе иман эдип өленлер багтлыдыр!“» Рух хем шейле дийди: «Хава, олар чекен зәхметлеринден дынч аларлар, чекен зәхметлериниң рәхнетини гөрерлер».

Аянлык 2:11

Гулагы бар адам Мукаддес Рухуң йыгнаклара нәме диййәнини эшитсин! Яманлыкдан үстүн гелен икинҗи өлүмиң җебирлерине дучар болмаз“».

Аянлык 20:14

Онсоң өлүм ве өлүлер дүнйәси янып дуран көле зыңылды. Ине, бу отлы көл икинҗи өлүмдир.

Аянлык 21:8

Эмма горкагың, имансызың, кеззабың, ганхорың, зынахорың, җадыгөйүң, бутпаразың ве хемме яланчыларың – әхлисиниң пайына янян күкүртли от көли дүшер. Икинҗи өлүм, ине, будур».

Аянлык 22:5

Шәхерде гиҗе асла болмаз. Не чыраның ышыгы, не-де гүнүң нуры герек болар, себәби Реб Худай олара нур сачар. Олар эбедилик шалык сүрерлер.

Аянлык 22:7

«Ине, Мен тизара барарын! Бу китабың пыгамберлик сөзлерини йүрегинде саклаян багтлыдыр!»

Аянлык 3:21

Мен яманлыкдан үстүн гелип, Атам билен Онуң тагтында отурышым ялы, еңиҗә-де Мениң билен Өз тагтымда отурмага ыгтыяр берерин.

Аянлык 5:10

Сен олардан шалык яратдың, Худайымыза хызмат этмек үчин олары руханы белледиң, олар ер йүзүнде шалык сүрерлер!