Аянлык 2:14 - Мукаддес Китап

¹⁴ Йөне сенде оңламаян кәбир затларым бар. Сизиң араңызда Билгамың таглыматына эерйәнлер бар. Билгам ысрайыл халкыны гүнәниң торуна салмагың ёлуны Баллага өвретди. Шейдип, ысрайыл халкы бута берлен гурбанлыгы ийип, зына этди.

Mukaddes Kitap

¹⁴ Ýöne sende oňlamaýan käbir zatlarym bar. Siziň araňyzda Bilgamyň taglymatyna eýerýänler bar. Bilgam ysraýyl halkyny günäniň toruna salmagyň ýoluny Ballaga öwretdi. Şeýdip, ysraýyl halky buta berlen gurbanlygy iýip, zyna etdi.

Аянлык 2:14 ပူးပေါင်းရင်းမြစ်များ

Işaýa 57:14

Ол диер: «Топрагы текизләп, ёл тайынлаң, халкымың ёлундакы пәсгелчиликлери айрың».

Ýermeýa 6:21

Шонуң үчин хем Мен-Реб шейле диййәрин: «Ине, Мен бу халкың өңүне бүдреме дашыны гоярын, ата-энелер чагалары билен бүдрәп йыкылар, гоңшусы досты билен бирликде хеләк болар».

Эзекиел 3:20

Эгер догручыл адам догручыллыгындан дөнүп, эрбетлиге йүз урса, Мен оны агыр гүне саларын, ол хем өлер. Сен ол адама дуйдурыш бермесең, ол өз гүнәси зерарлы өлер ве онуң эден догры ишлери ятланмаз. Мен онуң ганыны болса сенден талап эдерин.

Эзекиел 44:12

Олар ясан бутларының өңүнде ысрайыл халкына хызмат этдилер, ысрайыл халкының языклы болмагына себәпкәр болдулар. Шонуң үчин хем Мен-Реб оларың өз этмишлериниң җезасыны чекҗекдигине ант ичдим, муны Хөкмүрован Реб диййәр.

Çölde 24:14

Ине, инди мен өз илиме гайтманкам, бу ысрайыл халкының гелҗек гүнлерде сениң халкыңа нәмелер этҗекдиги билен сени хабардар эдейин» дийди.

Çölde 31:16

«Бу аяллар Билгамың маслахаты билен Пегорда ысрайыллара Реббе гаршы дөнүклик этдирдилер. Шонуң үчинем, Реббиң халкының арасына гыргынчылык аралашды.

Çölde 31:8

Өлдүриленлериң арасында Эви, Рекем, Сур, Хур ве Реба атлы бәш саны Мидян ханы-да барды. Бегор оглы Билгамы-да ысрайыллар гылычдан гечирдилер.

Matta 18:7

Ынсанлары гүнә дучар эдйән затлар үчин бу дүнйәниң халына вай! Бейле затлар гелмелидир, эмма буларың гелмегине ярдам берйән адамың дат гүнүне!

Resul 15:29

бутлара хөдүрленен гурбанлык этини иймекден, зынадан, дамагы чалынмадык харам хайваның этинден ве ганындан даш дуруң. Шулардан саклансаңыз, ягшы иш эдерсиңиз. Хош, саг-саламат болуң».

Resul 21:25

Иман эден кесеки миллетлер хакда айданымызда болса, биз белли бир карара гелип, олара биреййәм: „Бутлара хөдүрленен гурбанлык этини иймекден, зынадан, дамагы чалынмадык хайваның этинден ве ганындан даш дуруң“ дийип язылан хаты ёллапдык».

Rimliler 11:9

Давут хем олар барада шейле диййәр: «Олара өз сачагы гапан ве дузак болсун, бүдреме дашы ве алҗак җезасы болсун.

Rimliler 14:13

Шоңа гөрә-де, бири-биримизи язгармалың. Гайтам, доганымызың бүдрәп, йыкылмагына себәп болайҗак херекетлерден сакланмагың пикирини эделиң.

Rimliler 14:21

Эт иймек, шерап ичмек я-да хайсыдыр башга бир зат доганыңың бүдремегине себәп болян болса, олары этмезлик ягшыдыр.

Rimliler 9:32

Нәме үчин? Себәби оларың ымтылышлары имана дәл-де, Кануна даянды. Олар «Бүдреме дашына» бүдредилер.

1 Korintoslylar 1:23

Биз болса хача чүйленен Иса Месихи вагыз эдйәрис. Месих яхудылар үчин бүдреме дашыдыр, яхуды дәллер үчин болса акмаклыкдыр.

1 Korintoslylar 7:2

Азгынлыга ёл бермезлик үчин, гой, хер эркек өз аялы, хер аял-да өз әри билен яшасын.

Еврейлер 13:4

Гой, хеммелер ника хормат гойсун, әр-аял дүшеги гүнә билен хапаланмасын. Худай ахлаксызлары ве зынахорлары хөкүм эдер.

Ýeşuwa 24:9

Мовабың ханы Сипор оглы Баллак Ысрайыла гаршы урушмага тайярлананда, ол Бегор оглы Билгама сизи нәлетлемек үчин хабар иберди.

1 Petrus 2:8

Шейле хем бу «бүдреме дашы, йыкян гая». Олар өңден беллениши ялы, бу сөзе табын болмансоңлар бүдрейәрлер.

2 Petrus 2:15

Олар Бегорың оглы Билгамың ызына эермек билен, догры ёлы терк эдип азашдылар. Билгам харам ёл билен пул газанмагы халады.

Ýahuda 1:11

Оларың халына вай! Олар Кабылың гөрелдесине эерйәрлер. Билгам ялы, пул үчин адамларың гөзүни гапярлар. Кора ялы баш галдырандыклары үчин хеләк болярлар.

Аянлык 2:20

Эмма сенде оңламаян бир задым бар: сен өзүни пыгамбер сайян Изебел атлы аялың эденлерине гечиримлилик эдйәрсиң. Ол Мениң бенделерими өз таглыматы билен аздырып, олара зынахорлык этдирҗек боляр, бута хөдүрленен гурбанлыклардан ийдирҗек боляр.

Аянлык 2:4

Эмма сенде оңламаян бир задым бар: сен Мени илкибашда сөйшүң ялы сөймейәрсиң.

Аянлык 21:8

Эмма горкагың, имансызың, кеззабың, ганхорың, зынахорың, җадыгөйүң, бутпаразың ве хемме яланчыларың – әхлисиниң пайына янян күкүртли от көли дүшер. Икинҗи өлүм, ине, будур».

Аянлык 22:15

Эмма «итлер», ягны җадыгөйлер, зынахорлар, ганхорлар, бутпаразлар, яланы сөйүп, оны амал эдйәнлер – буларың бары шәхериң дашында галар.