Аянлык 19:12 - Мукаддес Китап

¹² Онуң гөзлери от ялы янярды, башында хем биртопар тәҗи барды. Онуң маңлайына Онуң ады язылгыды, йөне бу ады Өзүнден башга хич ким билйән дәлдир.

Mukaddes Kitap

¹² Onuň gözleri ot ýaly ýanýardy, başynda hem birtopar täji bardy. Onuň maňlaýyna Onuň ady ýazylgydy, ýöne bu ady Özünden başga hiç kim bilýän däldir.

Аянлык 19:12 ပူးပေါင်းရင်းမြစ်များ

Gelip çykyş 32:29

Якуп ондан: «Сениң адың нәме?» дийип сорады. Ол: «Мениң адымы нәме үчин сораярсың?» дийип, шол ерде Якуба пата берди.

Zebur 8:5

«Адам нәме Сен оны ятларың ялы? Ынсан оглы нәме аладасыны эдериң ялы?

Müsürden çykyş 23:21

Онуң айданларына дыкгат билен гулак гоюң. Оңа гаршы баш галдырмаң. Ол сизиң бейле этмишиңизи багышламаз, чүнки ол Мениң адым билен гелер.

Süleýmanyň pähimleri 30:4

Ким гөге чыкып, ашак инди? Ели овуҗында топлан ким? Сувлары гейиминде оран ким? Ким ериң әхли учларыны беркарар этди? Онуң ады нәме? Онуң оглуның ады нәме? Билйәңми нәме?

Nagmalar 3:11

Эй, Сион гызлары, даша чыкың-да, Сүлейманы той гүнүнде, йүрекден шат гүнүнде эҗесиниң башына гейдирен тәҗине бакың!

Işaýa 62:3

Реббиң элинде гөзеллик тәҗи, Худайыңың элинде шалык җыгасы боларсың.

Işaýa 9:6

Бизиң үчин бир чага догулды, бир огул берилди бизе, хөкүмдарлык онуң гершинде болар; Онуң ады Аҗайып Маслахатчы, Гудратлы Худай, Эбеди Ата, Парахатлык Шазадасы болар.

Даныел 10:6

Онуң бедени сары якут ялыды, йүзи йылдырым ялы өвшүн атярды. Гөзлери янып дуран шамчыраг, голлары ве аяклары ялпылдавук бүрүнч ялы ялпылдаярды, сеси улы мәхелләниң галмагалы ялыды.

Закаря 9:16

Шол гүн оларың Худайы Реб халас эдер, чүнки олар чопан сүрүси киминдир. Олар тәҗиң гымматбаха гашлары ялы Худайың юрдунда шөхле сачарлар.

Matta 11:27

Атам әхли зады Маңа табшырды. Оглы Атадан башга хич ким танаян дәлдир. Атаны-да Огулдан ве Оглуң Оны аян этмек ислейән адамларындан башга хич ким танаян дәлдир.

Matta 21:5

«Эй, Сион гызы! Патышаң, ине, саңа тарап гелйәр. Ол бир эшеге, эшегиң-де тайхарына мүнүп, пес гөвүнлилик билен саңа тарап гелйәр».

Matta 28:18

Иса хем оларың янына гелип: «Гөкде ве ерде әхли ыгтыярлык Маңа берилди.

Luka 10:22

Атам әхли зады Маңа табшырды. Оглы Атадан башга хич ким танаян дәлдир. Атаны-да Огулдан ве Оглуң Оны аян этмек ислейән адамларындан башга хич ким танаян дәлдир» дийди.

Ёханна 17:11

Мен бу дүнйәде мундан артык галмарын, эмма олар энтек дүнйәдедирлер. Мен Сениң яныңа доланып барярын. Эй, Мукаддес Атам, Маңа берен адамларыңы Өз гудратлы гүйҗүң билен гора. Маңа-да шол гүйҗи Сен бердиң. Шонда олар хем Бизиң ялы бир болсунлар.

Ёханна 17:12

Мен оларың янындакам, Маңа берен гудратың билен олары горап сакладым. Мукаддес Язгылар берҗай болсун дийип, хеләк эдилмели адамдан башга оларың хич бири йитмеди.

Efesliler 1:21

Худай Месихи әхли хөкүмдарлыкдан, ыгтыярлыкдан, гүйч-гудратдан ве агалыкдан, шейле хем диңе бу дөвүрде дәл, эйсем гелҗек дөвүрде-де тутулҗак хер бир атдан хас ёкары гойды.

Еврейлер 2:9

Эмма биз шөхрат ве хормат тәҗиниң Иса гейдирилендигини гөрйәрис, себәби Ол бизиң үчин өлүме дөз гелди. Хава, Ол перишделерден бираз вагтлык пес тутулып, Худайың мерхемети билен әхли ынсанлар үчин җебир чекип өлди.

Аянлык 1:14

Онуң сачлары йүң ялы, гар ялы ап-акды, гөзлери алавлаян от ялыды,

Аянлык 12:3

Соңра асманда башга бир аламат пейда болды. Бу еди келлели, он шахлы, келлелеринде еди тәҗи болан әпет гызыл аждархады.

Аянлык 13:1

Аждарха деңзиң кенарында дурды. Шондан соң мен деңизден бир җандарың чыкып гелйәнини гөрдүм. Онуң он шахы ве еди келлеси барды. Шахларының херсине бир тәч гейдирилгиди, келлелеринде Худая дил етирйән атлар язылгыды.

Аянлык 19:16

Онуң донунда ве будунда «ШАЛАРЫҢ ШАСЫ, ТАҢРЫЛАРЫҢ ТАҢРЫСЫ» диен ат язылгыды.

Аянлык 3:12

Яманлыкдан үстүн гелени Худайымың ыбадатханасының диреги эдерин. Ол шол ерде бакы галар. Мен онуң маңлайына Худайымың адыны ве Худайымың шәхериниң адыны язарын. Бу шәхер гөкден, Худайымың хузурындан инйән тәзе Иерусалимдир. Мен онуң маңлайына Өз адымы хем язарын.

Аянлык 6:2

Гөрсем, ине, бир ак ат дур. Онуң үстүндәки атлының элинде яй барды. Бу атлының башына бир тәч гейдирилди. Ол тәзе еңишлере тайын еңиҗи кимин чыкды.

Ysraýyl serdarlary 13:18

Реббиң перишдеси оңа: «Мениң адымы нәме сораярсың? Ол өрән тәсиндир!» дийди.