Аянлык 14:13 - Мукаддес Китап

¹³ Онсоң гөкден бир сес эшитдим. Ол шейле дийди: «Муны яз: „Мундан бейләк Реббимизе иман эдип өленлер багтлыдыр!“» Рух хем шейле дийди: «Хава, олар чекен зәхметлеринден дынч аларлар, чекен зәхметлериниң рәхнетини гөрерлер».

Mukaddes Kitap

¹³ Onsoň gökden bir ses eşitdim. Ol şeýle diýdi: «Muny ýaz: „Mundan beýläk Rebbimize iman edip ölenler bagtlydyr!“» Ruh hem şeýle diýdi: «Hawa, olar çeken zähmetlerinden dynç alarlar, çeken zähmetleriniň rähnetini görerler».

Аянлык 14:13 ပူးပေါင်းရင်းမြစ်များ

Zebur 85:13

Чүнки маңа болан садык сөйгиң бейикдир, Сен җанымы өлүлер дүнйәсинден халас эйледиң.

Işaýa 35:10

Реббиң азат эденлери ыза доланарлар, айдым айдып, Сиона гайдып гелерлер; эбеди шатлыга говшар олар, бегенчден, шатлыкдан доларлар, гайгыдыр гам-гусса ёк болар.

Даныел 12:13

Эмма сен өмрүңиң ахырына ченли өз ёлуң билен гидип, рахатлыкда гөзүңи юмарсың. Ахырзаман гүни тәзеден дирелип, сылаг-серпайыңы аларсың».

Matta 3:17

Шол вагт гөкден: «Бу Мениң сөвер Оглумдыр, Мен Ондан көп разыдырын» диен оваз гелди.

Luka 16:25

Эмма Ыбрайым оңа: „Эй, огул! Сен өз яшайшыңда ягшы затлары аланыңы, Лазарың болса эҗир чекенини ядыңа сал. Инди болса ол бу ерде рахатлык гөрйәр, эмма сен эҗир чекйәрсиң.

Luka 16:9

Сизе шуны айдярын: өзүңизе дост газанмак үчин дүнйәниң байлыгыны уланың, бу мал-мүлк гутаранда болса, сиз эбеди галҗак месгенлере кабул эдилерсиңиз.

Rimliler 14:8

Яшаян болсак, Реб үчин яшаяндырыс, өлйән болсак, Реб үчин өлйәндирис. Шоңа гөрә, яшасак-да, өлсек-де, Реббе дегишлидирис.

1 Korintoslylar 15:18

Диймек, Иса Месихде иманлы болуп арадан чыканлар хем хеләк боландыр.

1 Korintoslylar 15:20

Йөне Иса Месих хакыкатдан-да илкинҗи болуп өлүмден дирелди. Бу бейлеки мерхумларың хем дирелҗекдигини кепиллендирйәр.

1 Korintoslylar 15:58

Шоңа гөрә-де, эй, эзиз доганларым, берк дуруң. Гой, сизи асла хич зат сарсдырмасын. Реббиң ишине ыхласлы япышың. Чүнки Реб угрунда чекен зәхметиңизиң бидерек дәлдигини өзүңиз-де билйәнсиңиз.

2 Korintoslylar 5:8

Хава, бүтинлей аркайындырыс. Биз Реббиң янында месген тутуп билеримиз ялы, беденден айрыланымызы говы гөрйәрис.

Filipililer 2:17

Сизиң Реббе эдйән иманыңыз ве хызматыңыз Оңа багыш эдилен гурбанлык киминдир. Эгер-де мениң шинди чекйән җебирлерим бу гурбанлыга гошулса, мен шатдырын. Мен хеммәңизиң шатлыгыңыза шәрикдирин.

1 Salonikliler 4:14

Биз Исаның өлүп диреленине ынанярыс. Шоңа гөрә-де, Худайың Иса Месихе говшан мерхумлары Онуң билен ызына гетирҗекдигине-де ынанмалыдырыс.

1 Salonikliler 4:16

Реббиң Өзи хөкмүрован гыгырыш билен, Өз сурнайы билен, баш перишдәниң сеси билен гөклерден инер. Шонда илки билен Месихе говшан мерхумлар дирелер.

1 Salonikliler 5:10

Иса Месих бизиң үчин өлди. Ол муны биз яшасак-да, өлсек-де, Онуң билен яшап билмегимиз үчин этди.

1 Timoteos 5:24

Кәбир адамларың гүнәлери гөз-гөртеле болуп, олар кыямат гүнүнден өң әшгәрдир. Кәбирлериниң гүнәси болса вагтың гечмеги билен әшгәр боляр.

1 Timoteos 5:25

Шонуң ялы, оңат ишлериңем кәбирлери әшгәр, кәбирлери болса әшгәр дәлдир. Йөне әшгәр дәллери хем иру-гич мәлим боляндыр.

Аянлык 1:11

«Гөрйәнлериңи яз-да, оны еди йыгнага: Эфесе, Измире, Пергамона, Тиятира, Сардисе, Филаделфия ве Лаодикия ёлла» дийди.

Аянлык 10:4

Бу еди гөк гүррүлдиси гүрләнде, мен язмага тайярландым. Йөне гөкден: «Еди гөк гүррүлдисиниң айданларыны язма, йөне мөхүрле! Гой, олар гизлин галсын!» диен бир сес эшитдим.

Аянлык 11:15

Единҗи перишде сурнайыны чалды. Гөкден: «Дүнйә шалыгы инди Реббимизиң ве Онуң Сайланының шалыгыдыр. Худай асырларбойы шалык сүрҗекдир» – дийип гыгырян батлы сеслер эшидилди.

Аянлык 11:19

Онсоң Худайың гөкдәки ыбадатханасы ачылып, онуң ичиндәки Әхт сандыгы гөрүнди. Шол пурсатда йылдырымлар чакды, батлы сеслер, гөк гүррүлдиси эшидилди, ер титрәп, гүйчли долы ягды.

Аянлык 16:17

Единҗи перишде кәсесини хова серпип гойберди. Ыбадатханадакы тагтдан: «Амала ашды!» диен батлы бир сес эшидилди.

Аянлык 19:9

Онсоң перишде маңа шейле дийди: «Шулары яз: Гузының ника тоюна чагырыланлар багтлыдыр!» Ол сөзүни довам эдип: «Ине, булар Худайың хакыкы сөзлеридир» дийди.

Аянлык 2:1

«Эфесдәки йыгнагың перишдесине шуны яз: Еди йылдызы саг элинде Саклаян, еди алтын чыраданың арасында Гезйән шейле диййәр:

Аянлык 2:7

Гулагы бар адам Мукаддес Рухуң йыгнаклара нәме диййәнини эшитсин! Яманлыкдан үстүн гелене Худайың җеннетдәки яшайыш дарагтының мивесинден иймәге ругсат эдерин“».

Аянлык 20:6

Илкинҗи дирелишде пайы болан багтлы ве мукаддесдир! Икинҗи өлүм олара өз хөкүмини йөредип билмез. Олар Худайың ве Месихиң руханылары болуп, Онуң билен мүң йыл шалык сүрерлер.

Аянлык 21:5

Тагтда Отуран: «Ине, әхли зады тәзелейәрин» дийди. Соңра маңа: «Булары яз, себәби бу сөзлер ыгтыбарлы ве чындыр» дийди.

Аянлык 22:17

Мукаддес Рух ве Гелинлик «Гел!» диййәрлер. Эшидйән хер кес хем «Гел!» дийсин. Сувсан гелсин. Ким өз тешнелигини гандырмак ислесе, гой, яшайыш сувундан мугт ичсин!

Аянлык 6:11

Шонда олара ак лыбас берлип, ене аз салым сабыр этмелидигини айтдылар. Чүнки оларың хатарына өзлери ялы өлдүрилҗек ёлдашларының ве доганларының долы саны гошулмалыды.