Аянлык 12:10 - Мукаддес Китап

¹⁰ Мундан соң гөкден бир батлы сес эшитдим. Ол шейле дийди: «Ине, Худайымызың халас этҗек пурсады гелди! Онуң гудраты ве шалыгы амала ашды. Онуң Сайланының хөкмүрованлыгы беркарар болды. Худайымызың хузурында доганларымызы гиҗе-гүндиз айыплаян, олара төхмет атян шейтан ашак зыңылды.

Mukaddes Kitap

¹⁰ Mundan soň gökden bir batly ses eşitdim. Ol şeýle diýdi: «Ine, Hudaýymyzyň halas etjek pursady geldi! Onuň gudraty we şalygy amala aşdy. Onuň Saýlanynyň hökmürowanlygy berkarar boldy. Hudaýymyzyň huzurynda doganlarymyzy gije-gündiz aýyplaýan, olara töhmet atýan şeýtan aşak zyňyldy.

Аянлык 12:10 ပူးပေါင်းရင်းမြစ်များ

1 Йыл язгылары 29:11

Бейиклик, гүйч-гудрат, шөхрат, еңиш хем белентлик Сениңкидир, гөкдәки хем ердәки затларың хеммеси Сениңкидир; патышалык хем Сениңкидир, я Реб! Сен әхлисинден белентсиң.

Eýýup 1:11

Ханы, Сен онуң мал-мүлкүне эл уруп бир гөр, ол шонда Саңа гаргынмазмыка?»

Eýýup 1:9

Шейтан Реббе шейле җогап берди: «Эйюп Худайдан йөне ере горкяндыр өйдйәңми?

Eýýup 2:5

Сен онуң сүегине ве тенине эл дегрип гөр, шонда-да ол Саңа гаргынмазмыка?»

Zebur 45:6

Худай бу шәхериң ортарасында, ол сарсдырылмаз, Худай оңа көмек эдер сәхер чагындан.

Даныел 2:44

Шол патышаларың дөврүнде Гөгүң Худайы хич вагт даргадылмаҗак, башга халкың элине гечмеҗек бир патышалык гурар. Бу патышалык бейлеки патышалыкларың әхлисини ёк эдип, оларың соңуна чыкар, өзи болса эбедилик галар.

Matta 26:64

Иса оңа: «Хава, Сениң айдышың ялыдыр» дийип җогап берди. Соңра сөзүни довам эдип: «Сизе ене шуны айдайын, мундан соң сиз Ынсан Оглуның Гудратыгүйчлиниң сагында отураныны ве гөгүң булутларында гелйәнини гөрерсиңиз!» дийди.

Matta 28:18

Иса хем оларың янына гелип: «Гөкде ве ерде әхли ыгтыярлык Маңа берилди.

Matta 6:10

Патышалыгың гелсин! Гөкде болшы ялы, ерде-де Сениң ислегиң амала ашсын!

Luka 11:2

Иса олара Худая дога оканыңызда шейле дийиң: «Эй, Атамыз, адың мукаддес болсун! Патышалыгың гелсин!

Luka 22:31

Онсоң Иса сөзүни довам эдип: «Эй, Симун, Симун! Шейтан сизи бугдай ялы совурмак үчин диледи.

2 Korintoslylar 12:9

Эмма Реб шейле дийди: «Саңа берен мерхеметим бесдир, себәби Мениң гудратым эҗизликде кәмиллешйәндир». Шонуң үчин-де, Иса Месихиң гүйҗи менде месген тутсун дийип, өз эҗизликлерим барада хөвес билен магтанарын.

Titus 2:3

Шонуң ялы, гарры аяллар хем гыбата, шераба йыкгын этмән, терсине, Худайың халкына гелишйән тәрде яшап, хеммелере ягшы затлары өвретмеклерини үнде.

1 Petrus 5:8

Хүшгәр ве оя болуң. Душманыңыз иблис арлайҗы арслан ялы айланып, авуны агтарып йөрендир.

Аянлык 11:15

Единҗи перишде сурнайыны чалды. Гөкден: «Дүнйә шалыгы инди Реббимизиң ве Онуң Сайланының шалыгыдыр. Худай асырларбойы шалык сүрҗекдир» – дийип гыгырян батлы сеслер эшидилди.

Аянлык 2:26

Атамың Маңа ыгтыяр берши ялы, Мен хем яманлыкдан үстүн чыкана, Мениң ырадамы ахыра ченли берҗай эдене миллетлериң үстүнден ыгтыяр берерин. Ол миллетлери демир хасасы билен доландырар; олары күйзегәриң голчасы дей чым-пытрак эдер. Мен оңа даң йылдызыны хем берерин.

Аянлык 7:10

Олар батлы сес билен гыгырып: «Тагтда отуран Худайымыз ве Гузы бизиң Халасгәримиздир» диййәрдилер.